पुणे, दि. 26: शासकीय वसतिगृह (नविन) येरवडा, विश्रांतवाडी या वसतिगृहात प्रवेश घेण्याकरिता इच्छुक विद्यार्थ्यांनी https://hmas.mahait.org/ या संकेतस्थळावर 15 जुलैपर्यंत ऑनलाईन अर्ज करावे.
सन 2026-27 या शैक्षणिक वर्षात सामाजिक न्याय विभागाअंतर्गत डॉ. बाबासाहेब आंबेडकर मुलांचे शासकीय वसतिगृह (नविन) येरवडा, विश्रांतवाडी येथे इयत्ता 10 वी नंतर कनिष्ठ महाविद्यालय, तंत्रनिकेतन, शासकिय औद्योगिक प्रशिक्षण संस्था येथे प्रवेश घेवू इच्छिणा-या अनु. जाती प्रवर्गाच्या विद्यार्थ्यांच्या मोफत शासकिय वसतिगृह प्रवेश देण्यात येणार आहे.
वसतिगृह प्रवेश हा प्रवर्ग निहाय गुणवत्तेनुसार राहील. सदर शासकीय वसतिगृहात विनामुल्य निवास, आंथरूण-पांघरुण, भोजन, पुस्तके, स्टेशनरी इतर शैक्षणिक बाबींकरीता आर्थिक सहाय्य, तसेच दरमहा निर्वाह भत्ता इत्यादी सुविधा पुरविण्यात येतात. इच्छुक विद्यार्थ्यांनी वसतिगृह प्रवेशासाठी ऑनलाईन फॉर्म भरावे, असे आवाहन समाज कल्याण विभागातर्फे करण्यात आले आहे.
