तज्ज्ञांचे मार्गदर्शन, आरोग्यविषयक उपक्रम, मनोरंजनात्मक खेळ आणि स्पर्धांचे आयोजन
*पुणे :* महिला आणि बाल आरोग्यसेवेसाठी प्रसिद्ध असलेल्या अंकुरा हॉस्पिटल्सने, क्रायोविवा लाइफसायन्सेसच्या सहकार्याने, गर्भवती माता आणि त्यांच्या कुटुंबीयांसाठी ‘मॉमीज डे आऊट’ या विशेष कार्यक्रमाचे आयोजन केले. गर्भधारणा आणि पालकत्वाच्या सुंदर प्रवासाचा उत्सव साजरा करण्यासाठी आयोजित कार्यक्रमात १५० हून अधिक गर्भवती जोडप्यांनी सहभाग घेतला.
*या कार्यक्रमाला डॉ. मधुलिका सिंह (वरिष्ठ स्त्रीरोगतज्ज्ञ व वंध्यत्व निवारण तज्ज्ञ), डॉ. दीपाली निर्वाणे (स्त्रीरोगतज्ज्ञ), डॉ. श्रद्धा शिंदे (फिटल मेडिसिन, फिटल अल्ट्रासोनोग्राफी व फिटल थेरपी तज्ज्ञ) आणि डॉ. उमेश वैद्य (वरिष्ठ बालरोग व नवजात शिशु तज्ज्ञ) उपस्थित होते.*
आई आणि बाल आरोग्यसेवेतील १४ वर्षांहून अधिक अनुभव तसेच ७०,००० हून अधिक यशस्वी प्रसूतींचा वारसा असलेल्या अंकुरा हॉस्पिटल्सतर्फे महिलांना मातृत्वाच्या प्रत्येक टप्प्यावर आवश्यक ते मार्गदर्शन केले जाते. ‘मॉमीज डे आऊट’सारख्या उपक्रमांद्वारे भावी पालकांना योग्य माहिती, आत्मविश्वास आणि आधार मिळावा, हा या कार्यक्रमामागचा मुख्य उद्देश होता.
कार्यक्रमात प्रसूतीतज्ज्ञ, स्त्रीरोगतज्ज्ञ, बालरोगतज्ज्ञ आणि फिटल मेडिसिन तज्ज्ञांनी गर्भधारणेदरम्यानची काळजी, प्रसूतीची तयारी, आहार, स्तनपान, नवजात बाळाची काळजी आणि मानसिक आरोग्य कसे चांगले राखता येईल यांसारख्या विषयांवर मार्गदर्शन केले. तसेच गर्भवती महिलांसाठी विशेष आरोग्यविषयक सत्रांचे आयोजन करण्यात आले, ज्यामध्ये शारीरिक आणि मानसिक आरोग्याला प्राधान्य देण्यावर भर देण्यात आला.
या कार्यक्रमात झुंबा सत्र, कपल डान्स, रॅम्प वॉक, प्रश्नमंजुषा आणि गर्भवती जोडप्यांसाठी विशेष मनोरंजक उपक्रमांचे आयोजन करण्यात आले होते. या उपक्रमांमुळे आनंदी आणि उत्साहपूर्ण वातावरण निर्माण झाले तसेच भावी पालकांमधील संवाद आणि आत्मविश्वास वाढण्यास मदत झाली.
*यावेळी बोलताना अंकुरा हॉस्पिटल्स, पुणे येथील वैद्यकीय संचालक, नवजात शिशु व बालरोगतज्ज्ञ डॉ. सिद्धार्थ मदभूषी म्हणाले,* गर्भधारणा हा प्रत्येक महिलेच्या आयुष्यातील अत्यंत खास आणि एक विशेष परिवर्तन घडवणारा अनुभव आहे. ‘मॉमीज डे आऊट’च्या माध्यमातून गर्भवती महिलांना आधार, योग्य माहिती आणि सन्मान मिळावा, हा आमचा प्रयत्न आहे. वैद्यकीय सेवेसोबतच गर्भधारणेच्या भावनिक आणि सामाजिक पैलूंनाही महत्त्व देणे तितकेच गरजेचे आहे. या कार्यक्रमात मोठ्या संख्येने कुटुंबांनी सहभाग घेतला, तज्ज्ञांशी संवाद साधला आणि पालकत्वाचा प्रवास अधिक आत्मविश्वासाने पार पाडण्यासाठी उपयुक्त माहिती मिळवली, ही आनंदाची बाब आहे.
गर्भावस्थेच्या या खास काळात कुटुंबांसाठी आनंददायी आणि अविस्मरणीय आठवणी निर्माण करणे हा आमचा उद्देश होता. तज्ज्ञांचे मार्गदर्शन, आरोग्यविषयक सत्रे, स्पर्धा आणि मनोरंजक उपक्रमांमुळे हा कार्यक्रम अर्थपूर्ण, आनंददायी आणि प्रेरणादायी ठरला. जोडप्यांचा उत्स्फूर्त सहभाग पाहून गर्भधारणेदरम्यान समुदायाच्या पाठिंब्याचे महत्त्व पुन्हा अधोरेखि
त करण्यात आले.
