डीआरएचपी: https://www.axiscapital.co.in/contents/Social%20Worth%20Technologies%20Limited%20-%20DRHP-1782791839.pdf
सोशल वर्थ टेक्नॉलॉजीज लिमिटेड कंपनीने आपल्या प्रस्तावित आयपीओसाठी सेबीकडे ड्राफ्ट रेड हेरिंग प्रॉस्पेक्टस सादर केला आहे. ही कंपनी ‘फाइब’ या ब्रँड नावाखाली काम करते. हे एक डिजिटल ग्राहक वित्तपुरवठा प्लॅटफॉर्म आहे. भारतातील महत्त्वाकांक्षी ग्राहकांच्या गरजा पूर्ण करणे हे याचे मुख्य उद्दिष्ट आहे.
फाइब आपल्या ग्राहकांच्या उपभोग, शिक्षण, विमा आणि आरोग्य सेवा यांसारख्या विविध आर्थिक गरजा पूर्ण करते. हे ग्राहकांना परवडणारी कर्ज योजना जलद गतीने उपलब्ध करून देते. तंत्रज्ञान हा या संस्थेच्या कामकाजाचा मुख्य आधार आहे. कंपनी आपल्या प्रमुख कामांमध्ये कार्यक्षमता वाढवण्यासाठी एआय, मशीन लर्निंग आणि डेटा सायन्सचा वापर करते. या कामांमध्ये ग्राहकांना जोडणे, जोखीम व्यवस्थापन, अंडररायटिंग, कामकाज, फसवणूक व्यवस्थापन आणि कलेक्शन यांचा समावेश आहे.
तंत्रज्ञानाचा वापर करून आणि लक्ष्यित ग्राहकांच्या गरजा सखोलपणे समजून घेऊन, कंपनीने 2021 पासून आपल्या उत्पादनांची व्याप्ती वाढवली आहे. आता कंपनी पर्सनल लोनसोबतच विशिष्ट कारणासाठी दिले जाणारे कर्ज (पर्पज-ड्रिव्हन फायनान्सिंग) देखील उपलब्ध करून देत आहे.
या आयपीओअंतर्गत ₹ 750 कोटींपर्यंतचे नवीन शेअर्स जारी केले जातील. यासोबतच, सध्याच्या शेअरधारकांद्वारे 40,071,200 शेअर्सची विक्री (ओएफएस) केली जाईल. प्रत्येक शेअरचे दर्शनी मूल्य ₹ 5 आहे.
कंपनी या आयपीओमधून मिळणाऱ्या निव्वळ रकमेचा वापर आपल्या मुख्य उपकंपनी असणाऱ्या ‘ईएसपीएल’ मध्ये गुंतवणूकीसाठी करणार आहे. यामुळे त्या कंपनीचे भांडवल वाढेल, जेणेकरून ती पुढे कर्ज देण्याच्या आपल्या गरजा पूर्ण करू शकेल. याशिवाय, या रकमेचा वापर सामान्य कॉर्पोरेट उद्दिष्टांसाठी देखील केला जाईल.
कंपनीच्या कामकाजात तंत्रज्ञान, एआय (AI) आणि मशीन लर्निंगचा वापर तसेच विशिष्ट कारणासाठी दिल्या जाणाऱ्या कर्जाच्या (पीडीएफ व्हर्टिकल) विस्तारामुळे तिच्या एयूएम (AUM) मध्ये मोठी वाढ झाली आहे. ही रक्कम 31 मार्च 2024 रोजी ₹ 4,064.15 कोटी होती, जी 45.49% च्या वार्षिक चक्रवाढ दराने (CAGR) वाढून 31 मार्च 2026 पर्यंत ₹ 8,602.73 कोटी झाली आहे. याचप्रमाणे, कंपनीचा नफाही आर्थिक वर्ष 2024 मधील ₹ 101.24 कोटींवरून वाढून आर्थिक वर्ष 2026 मध्ये ₹ 257.46 कोटी झाला आहे.
नावीन्य आणि उत्कृष्ट कामगिरीवर आधारलेली ‘फाइब’ कंपनी आपल्या ग्राहकांना पर्सनल लोन देते. हे ग्राहक थेट, डिजिटल माध्यमांद्वारे आणि वितरण भागीदारांच्या (डिस्ट्रिब्यूशन पार्टनर्स) माध्यमातून जोडले जातात. यामुळे कंपनीला भारतातील वेगवेगळ्या क्षेत्रांमधून अनेक माध्यमांद्वारे ग्राहक मिळतात. 31 मार्च 2026 पर्यंत, कंपनीच्या एकूण एयूएममध्ये पर्सनल लोनचा वाटा 77.38% होता. तर, विशिष्ट कारणासाठी दिल्या जाणाऱ्या कर्जाचा (पीडीएफ व्हर्टिकल) वाटा 22.62% होता. हे पीडीएफ व्हर्टिकल संपूर्ण भारतातील 10,387 पेक्षा जास्त मर्चेंट केंद्रांच्या नेटवर्कवर आधारित आहे. यामध्ये विद्यापीठे, कौशल्य विकास संस्था, विमा कंपन्या, रुग्णालयांच्या राष्ट्रीय शृंखला, वेलनेस सेंटर्स आणि डेंटिस्ट्री व डर्मेटोलॉजी सारख्या विशेष क्लिनिकचा समावेश आहे.ग्राहकांना जोडण्यासाठी कंपनी डिजिटल माध्यमे, वितरण भागीदार आणि व्यापाऱ्यांसोबत मिळून काम करते. आर्थिक वर्ष 2026 मध्ये कंपनीला मिळालेल्या नवीन ग्राहकांपैकी 53.31% ग्राहक कोणत्याही अतिरिक्त खर्चाशिवाय (झिरो कस्टमर एक्विझिशन कॉस्ट) जोडले गेले आहेत.
1Lattice अहवालानुसार, आर्थिक वर्ष २५ मध्ये एयूएमच्या बाबतीत कंपनी भारतातील आघाडीच्या पाच डिजिटल ग्राहक कर्जदात्यांमध्ये समाविष्ट आहे. ही कंपनी पर्सनल लोन आणि पीडीएफ क्षेत्रांमध्ये तंत्रज्ञानावर आधारित प्लॅटफॉर्मद्वारे देशभरात आपल्या सेवा प्रदान करते. कंपनी प्रामुख्याने भारतातील महत्त्वाकांक्षी मध्यम उत्पन्न गट आणि तरुण नोकरदार वर्गाच्या आर्थिक गरजा पूर्ण करते, ज्यांना यापूर्वी औपचारिक कर्ज मिळण्याचे मर्यादित पर्याय होते. 1Lattice अहवालाचा तपशील ऑनलाइन उपलब्ध आहे.
वर्ष २०१५ मध्ये स्थापन झालेल्या या कंपनीची सुरुवात अक्षय मेहरोत्रा (व्यवस्थापकीय संचालक आणि समूह मुख्य कार्यकारी अधिकारी) आणि आशिष सोहन गोयल (अध्यक्ष, कार्यकारी संचालक आणि समूह मुख्य वित्तीय अधिकारी) यांनी केली होती. या कंपनीला इंटरनॅशनल फायनान्स कॉर्पोरेशन, टीपीजी आयएनसी आणि नॉरवेस्ट यांसारख्या जागतिक गुंतवणूकदारांचे पाठबळ लाभले आहे.
रेड हेरिंग प्रॉस्पेक्टसच्या माध्यमातून ऑफर केले जाणारे इक्विटी शेअर्स बीएसई लिमिटेड आणि नॅशनल स्टॉक एक्सचेंज ऑफ इंडिया लिमिटेडवर सूचीबद्ध करण्याचा प्रस्ताव आहे.
कोटक महिंद्रा कॅपिटल कंपनी लिमिटेड, ॲक्सिस कॅपिटल लिमिटेड, डॅम कॅपिटल ॲडव्हायझर्स लिमिटेड आणि जेएम फायनान्शियल लिमिटेड हे या आयपीओचे बुक रनिं
ग लीड मॅनेजर आहेत.
***
