डीआरएचपी लिंक: https://nsearchives.nseindia.com/corporate/Registration_07072026083041_DRHP.pdf
कल्ट.फिट लिमिटेड (आधीची क्युअरफिट हेल्थकेअर प्रायव्हेट लि.), भारतातील सर्वात मोठी फिटनेस सेवा पुरवणाऱ्या कंपनीने प्रारंभिक सार्वजनिक ऑफर (IPO) साठी सेबीकडे ड्राफ्ट रेड हेरिंग प्रॉस्पेक्टस (DRHP) सादर केला आहे.
रेडसीर रिपोर्टनुसार, 31 मार्च 2026 रोजीच्या स्थितीनुसार, नेटवर्कमधील फिटनेस सेंटर्सच्या संख्येच्या आधारे ही कंपनी भारतातील सर्वात मोठा फिटनेस आणि ॲक्टिव्ह लाइफस्टाइल प्लॅटफॉर्म आहे. कंपनी कल्ट.फिट ॲप, कल्ट.फिट वेबसाइट आणि इतर ऑनलाइन तसेच ऑफलाइन माध्यमांचा समावेश असलेल्या एकात्मिक प्लॅटफॉर्मद्वारे फिटनेस सेवा, ॲक्टिव्ह लाइफस्टाइलसाठी आवश्यक उत्पादने उपलब्ध करून देते. रेडसीर रिपोर्टनुसार, 31 मार्च 2026 रोजीच्या स्थितीनुसार, फिटनेस सेवा आणि फिटनेस उत्पादने या दोन्ही क्षेत्रात स्वतःचे अस्तित्व असलेली ही भारतातील एकमेव फिटनेस आणि ॲक्टिव्ह लाइफस्टाइल प्लॅटफॉर्म असलेली कंपनी आहे. तंदुरुस्त आणि सक्रीय जीवनशैलीची इच्छा असलेल्या व्यक्तींसाठी आवडीचे ठिकाण ठरण्याचे कंपनीचे उद्दिष्ट आहे.
या ऑफरमध्ये 950 कोटी रुपयांपर्यंतच्या इक्विटी शेअर्सची नवीन इश्यू आणि विक्री करणाऱ्या भागधारकांकडून 17,86,09,200 इक्विटी शेअर्सपर्यंतच्या ऑफर फॉर सेलचा (विक्रीसाठीची ऑफर) समावेश आहे. प्रत्येक इक्विटी शेअरचे दर्शनी मूल्य 1 रुपया आहे.
निव्वळ प्राप्त रकमेचा वापर खालील बाबींसाठी करण्याचा कंपनीचा प्रस्ताव आहे:
कंपनीने घेतलेल्या विशिष्ट कर्जांची पूर्ण किंवा अंशतः परतफेड किंवा मुदतपूर्व परतफेड;
नवीन कल्ट एलिट आणि कल्ट निओ केंद्रे (एकत्रितपणे “कल्ट सेंटर्स” म्हणून ओळखली जाणारी) उभारण्यासाठी भांडवली खर्च;
नवीन एक्सक्लुझिव्ह ब्रँड आउटलेट्स (“EBOs”) उभारण्यासाठीच्या भांडवली खर्चाकरिता, कंपनीची उपकंपनी असलेल्या कल्टस्पोर्ट प्रायव्हेट लिमिटेडमध्ये गुंतवणूक;
कंपनीद्वारे चालवल्या जाणाऱ्या विद्यमान आणि निश्चित केलेल्या केंद्रांसाठी भाडे/परवाना करार, संबंधित देयकांसाठीचा खर्च;
ब्रँडबद्दलची जागरूकता वाढवण्यासाठी ब्रँड मार्केटिंग, जाहिरात आणि व्यवसाय वृद्धीसाठीचा खर्च; आणि
सर्वसाधारण कॉर्पोरेट उद्दिष्टे.
31 मार्च 2026 पर्यंत, ही कंपनी भारतातील सर्वात मोठे फिटनेस आणि सक्रिय जीवनशैलीचे व्यासपीठ होती. रेडसीर अहवालानुसार, भारतातील 77 शहरांमध्ये पसरलेली 708 फिटनेस केंद्रे ही या क्षेत्रातील दुसऱ्या क्रमांकाच्या सर्वात मोठ्या कंपनीच्या तुलनेत चार पट अधिक होती. तसेच, 2026 या आर्थिक वर्षात, कंपनीच्या फिटनेस सेवा व्यवसायाकडे 987,020 शुल्क भरून सदस्यत्व घेतलेले सदस्य होते आणि फिटनेस उत्पादनांच्या व्यवसायात 42.3 लाखांहून अधिक उत्पादनांची विक्री तसेच वितरण करण्यात आले होते.
विविध स्रोतांतून मिळणाऱ्या उत्पन्नाचा कंपनीच्या व्यवसायाला लाभ मिळतो; यामध्ये फिटनेस सेवांचा वाटा एकूण उत्पन्नापैकी सुमारे 70% आहे, तर उर्वरित 30% वाटा फिटनेस उत्पादनांच्या व्यवसायाचा आहे. यामुळे कंपनीला नियमित आणि व्यावसायिक असे संतुलित उत्पन्न मिळते.
कंपनीने वाढती नफाक्षमता आणि व्यावसायिक वाढ दाखवली आहे. कंपनीच्या कामकाजातून मिळणाऱ्या महसुलात वाढ झाली असून, आर्थिक वर्ष 2024 मधील ₹9,266.62 दशलक्षवरून आर्थिक वर्ष 2026 मध्ये तो ₹17,206.06 दशलक्षपर्यंत पोहोचला आहे; यात आर्थिक वर्ष 2025 मधील 31.17% च्या तुलनेत आर्थिक वर्ष 2026 मध्ये 36.26% ची वार्षिक वाढ नोंदवली गेली आहे. तसेच, ॲडजस्टेड EBITDA मार्जिनमध्येही सुधारणा होऊन ते आर्थिक वर्ष 2025 मधील -2.76% वरून आर्थिक वर्ष 2026 मध्ये 8.41% पर्यंत वाढले आहे.
कल्ट एलिटचे स्वरूप हायब्रीड फिटनेस सेंटरसारखे आहे, जे ताकद, योग, डान्स आणि बॉक्सिंग यासारख्या विविध प्रकारांमध्ये उपकरणांवर आधारित जिम वर्कआउट्ससोबतच प्रशिक्षकांच्या नेतृत्वाखालील ग्रुप क्लासेस देते. तर, कल्ट निओ हे एक प्रो-सेगमेंट जिम स्वरूप आहे, जे कंपनीमध्येच डिझाइन केलेली उपकरणे, उत्कृष्ट वातावरण आणि प्रमाणित कर्मचाऱ्यांसह एक प्रमाणित फिटनेस अनुभव देते. एक्सक्लुझिव्ह ब्रँड आउटलेट्स (EBOs) ही कंपनीद्वारे चालवली जाणारी रिटेल दुकाने आहेत, जी केवळ कल्ट-ब्रँडेड फिटनेस उत्पादनांच्या विक्रीसाठी राखीव आहेत.
उत्तम उत्पादनेच उत्तम ब्रँड घडवतात, असा कंपनीचा विश्वास आहे. रेडसीर अहवालानुसार, फिटनेस आणि सक्रिय जीवनशैली ब्रँड्सना नवीन ग्राहकांच्या सहभागासाठी खूप प्रयत्न करावा लागतो, ब्रँडबद्दल विश्वास निर्माण करण्यासाठी तसेच ग्राहकांना योग्य ती सवय लावण्यासाठी, वचनबद्धतेची पूर्तता करणाऱ्या उत्पादनांसह एक मजबूत ब्रँड असणे महत्त्वाचे आहे. गेल्या 10 वर्षात, आपल्या फिटनेस सेवा आणि फिटनेस उत्पादनांमध्ये ग्राहकांच्या व्यापक सहभागाद्वारे, कंपनीने एक असा ब्रँड तयार केला आहे जो गंमत, सामाजिक जाणीव आणि फिटनेससाठी एक महत्त्वाकांक्षी पण सहज उपलब्ध होणारा दृष्टिकोन दर्शवतो.
तंत्रज्ञान हा कंपनीच्या सर्वसमावेशक प्लॅटफॉर्मचा मुख्य आधारस्तंभ आहे. आपल्या कामकाजाच्या सर्वच टप्प्यांवर कंपनी तंत्रज्ञानाचा वापर करते – ज्यामध्ये वैयक्तिकृत वर्कआउट शिफारसी आणि एआय (AI)-आधारित निर्णयप्रक्रियेपासून ते प्रमाणित सेवा प्रदान करणे, क्षमतेचा योग्य वापर आणि मोठ्या प्रमाणात कार्यक्षमता वाढवणे यांचा समावेश आहे. यामुळेच, आपल्या फिटनेस सेंटर्सच्या विस्तृत जाळ्याद्वारे आणि डिजिटल सेवांच्या माध्यमातून कंपनी ग्राहकांना सातत्यपूर्ण तसेच उच्च दर्जाचा फिटनेस अनुभव देऊ शकते.
कपड्यांच्या श्रेणीमध्ये, कंपनी मास-प्रीमियम अर्थात सर्वसामान्यांसाठी उपलब्ध पण प्रीमियम दर्जाची उत्पादने, या विभागात कार्यरत आहे आणि परफॉर्मन्स आणि ॲथलीजर (क्रीडा आणि दैनंदिन वापरासाठी योग्य) उत्पादने उपलब्ध करून देते; यामध्ये रनिंग, ट्रेनिंग, योगा, कॉम्बॅट-आधारित फिटनेस प्रकार आणि इतर उपक्रमांसाठीच्या विशेष श्रेणींचा समावेश आहे. पादत्राणांच्या श्रेणीमध्येही कंपनी ‘व्हॅल्यू’ (किफायतशीर) आणि ‘मास-प्रीमियम’ विभागात काम करते. रनिंग तसेच ट्रेनिंगसारख्या उपक्रमांसाठी कामगिरी आणि आरामदायीपणावर भर देणारी उत्पादने सादर करते. उपकरणांच्या श्रेणीमध्ये, कंपनी घरगुती तसेच व्यावसायिक जिम आणि फिटनेस सेंटर्ससाठी फिटनेस उपकरणे, रिकव्हरी उत्पादने, फिटनेस ॲक्सेसरीज आणि सायकल्स उपलब्ध करून देते.
भारतातील फिटनेस सुविधांची बाजारपेठ 2025 या कॅलेंडर वर्षात अंदाजे 256 अब्ज रुपये (सुमारे 2.9 अब्ज अमेरिकन डॉलर्स) इतकी असल्याचे आणि 2030 पर्यंत ती 487-531 अब्ज रुपयांपर्यंत (5.6-6.1 अब्ज अमेरिकन डॉलर्स) वाढण्याची अपेक्षा आहे. यात 14-16% इतका वार्षिक चक्रवाढ वृद्धी दर (CAGR) अपेक्षित असून, शहरी भागातील लोकांच्या हातात वाढलेले उत्पन्न, आरोग्याबाबत वाढलेली जागरूकता आणि मोठ्या प्रमाणावर कार्यरत असलेल्या फिटनेस प्लॅटफॉर्म्समुळे आवाक्यातील सेवा आणि सुलभ उपलब्धता हे घटक या वाढीस चालना देत आहेत. रेडसीर अहवालानुसार, सर्वांगीण आरोग्यासाठी तंदुरुस्त आणि सक्रिय जीवनशैली अत्यंत आवश्यक आहे; आणि लोकांना व्यायाम करण्यासाठी दर्जेदार फिटनेस सेंटर्सची उपलब्धता, तसेच त्यांच्या फिटनेस प्रवासात त्यांना मदत करणारी दर्जेदार आणि परवडणारी उत्पादने मिळणे गरजेचे आहे.
रेड हेरिंग प्रॉस्पेक्टसद्वारे देऊ केले जाणारे इक्विटी शेअर्स बीएसई आणि एनएसई या स्टॉक एक्स्चेंजवर सूचीबद्ध करण्याचा प्रस्ताव आहे.
ॲक्सिस कॅपिटल लिमिटेड, गोल्डमन सॅक्स (इंडिया) सिक्युरिटीज प्रायव्हेट लिमिटेड, जेफरीज इंडिया प्रायव्हेट लिमिटेड, जेएम फायनान्शियल लिमिटेड आणि मॉर्गन स्टॅनली इंडिया कंपनी प्रायव्हेट लिमिटेड हे या इश्यूचे बूक रनिंग लीड मॅनेजर्स (BRLMs) आहेत.
