निहिलेंटने एआय आधारित भावना ओळखणारे आणि भावनिक आरोग्यासाठी उपयुक्त nSEPIA अॅप लाँच केले

इमोस्केप™ तंत्रज्ञानावर आधारित nSEPIA अॅप वापरकर्त्यांना त्यांच्या भावना लगेच समजून घेण्यास मदत करते आणि भावनिक संतुलन राखण्यासाठी प्रत्येक व्यक्तिनुसार योग्य उपाय सुचवते.
मुंबई, 27 ऑगस्ट 2026: जागतिक स्तरावर तंत्रज्ञान आणि कन्सल्टिंग सेवा देणारी कंपनी निहिलेंट लिमिटेडने आज nSEPIA अॅप लॉन्च केल्याची घोषणा केली. हे एआय तंत्रज्ञानावर आधारित अॅप असून, ते लोकांना त्यांच्या भावना ओळखण्यास आणि भावनिक आरोग्य सुधारण्यास मदत करते. हे अॅप रोजच्या जीवनात वापरण्यासाठी तयार करण्यात आले आहे. nSEPIA वापरकर्त्यांना त्या क्षणी त्यांच्या मनाची आणि भावनांची स्थिती समजून घेण्यास मदत करते. त्यानंतर भावना अधिक चांगल्या आणि संतुलित ठेवण्यासाठी व्यक्तीच्या गरजेनुसार योग्य उपाय सुचवते. हे अॅप जगभरात अँड्रॉइड आणि आयओएस (iOS) वर डाउनलोड करता येणार आहे.
nSEPIA चा वापर करणे खूप सोपे आहे. आपल्या भावना समजून घ्या, त्यानुसार योग्य पाऊल उचला आणि त्यानंतर झालेला बदल जाणून घ्या. या अॅपमध्ये वापरकर्त्याला वैयक्तिकृत वेलनेस कंटेंटमधून आपल्या गरजेचा पर्याय स्वतः निवडण्याची गरज नाही. त्याऐवजी, nSEPIA प्रथम त्या वेळची व्यक्तीची भावनिक स्थिती समजून घेते आणि त्यानुसार योग्य उपाय सुचवते.
याचा अनुभव डिव्हाइसच्या कॅमेऱ्याद्वारे छोट्या आणि सोप्या प्रक्रियेपासून सुरू होतो. यामध्ये कोणत्याही प्रकारचा त्रास किंवा अस्वस्थता होत नाही. इमोशन एआय तंत्रज्ञानाच्या मदतीने nSEPIA चेहरा आणि डोळ्यांच्या आसपासच्या सूक्ष्म हालचाली तसेच डोके आणि शरीराच्या वरच्या भागाच्या हालचालींचे विश्लेषण करते. याच्या आधारे अॅप वापरकर्त्याची भावनिक स्थिती समजून घेण्याचा प्रयत्न करते. वापरकर्त्याची गोपनीयता जपण्यासाठी ही संपूर्ण प्रक्रिया डिव्हाइसवरच केली जाते. यानंतर nSEPIA व्यक्तीच्या भावनिक स्थितीनुसार संगीत, श्वसनाचे व्यायाम, योग आणि ध्यान यापैकी योग्य पर्याय वैयक्तिक स्वरूपात सुचवते.
सुचवलेली कृती केल्यानंतर वापरकर्ता आपल्या भावनिक स्थितीची पुन्हा तपासणी करू शकतो आणि त्यात झालेला बदल पाहू शकतो. त्यामुळे भावना समजून घेणे, त्यानुसार योग्य पाऊल उचलणे आणि त्यानंतर झालेल्या बदलाचा विचार करणे, अशी सातत्यपूर्ण प्रक्रिया तयार होते. यामुळे लोकांना केवळ आपल्या भावना व्यक्त करण्याऐवजी त्या अधिक चांगल्या प्रकारे समजून घेण्यास आणि त्यावर जागरूकपणे काम करण्यास मदत होते.
याच विचारातून nSEPIA चे “इमोशन्स. इन बॅलन्स.” म्हणजेच “भावना संतुलनात” हे संदेशवाक्य देण्यात आले आहे.
nSEPIA च्या लॉन्चबद्दल बोलताना एल.सी. सिंह, संस्थापक आणि कार्यकारी अध्यक्ष, निहिलेंट लिमिटेड म्हणाले, “गेल्या अनेक वर्षांपासून आम्ही आपल्या भावना आपल्या विचारांवर, निर्णयांवर, इतरांशी असलेल्या संबंधांवर आणि जीवन जगण्याच्या पद्धतीवर कसा परिणाम करतात, हे समजून घेण्याचा प्रयत्न करत आहोत. nSEPIA हीच समज रोजच्या जीवनात आणते. हे अॅप व्यक्तीला त्याच वेळी आपल्या भावना ओळखण्याची संधी देते. केवळ भावना अनुभवत राहण्याऐवजी, भावनिक संतुलनाकडे जाण्यासाठी योग्य पाऊल उचलण्यास मदत करते. या प्रकारे तंत्रज्ञान माणसाच्या विचारांमध्ये किंवा भावनांमध्ये बदल करण्याचा प्रयत्न करत नाही, तर व्यक्तीला स्वतःला अधिक चांगल्या प्रकारे समजून घेण्यास मदत करते. तंत्रज्ञान माणसासाठी अधिक उपयुक्त आणि मानवी बनवणे हा निहिलेंटच्या मोठ्या उद्दिष्टांपैकी एक महत्त्वाचा भाग आहे.”
या उपक्रमाबद्दल बोलताना डॉ. विहंग वाहीया, कन्सल्टंट सायकियाट्रिस्ट आणि प्रोफेसर एमेरिटस ऑफ सायकियाट्री म्हणाले, “भावना या मानवी वर्तनाचा आणि चांगल्या मानसिक आरोग्याचा महत्त्वाचा भाग आहेत. मात्र, आतापर्यंत भावनांचा परिणाम समजून घेणे हे मोठ्या प्रमाणावर व्यक्ती स्वतःच्या भावना किती ओळखू, समजून घेऊ आणि व्यक्त करू शकते, यावर अवलंबून होते. त्यामुळे भावना अधिक अचूक आणि निष्पक्ष पद्धतीने समजून घेण्याच्या दिशेने हे एक महत्त्वाचे पाऊल आहे. निहिलेंट या क्षेत्रात काम करत असल्याने, nSEPIA च्या माध्यमातून ही संकल्पना पुढे नेली जात आहे, हे पाहून आनंद होत आहे. nSEPIA मध्ये व्यक्तीची भावनिक स्थिती समजून घेणे ही पहिली पायरी आहे. त्यानंतर त्या व्यक्तीला अधिक चांगल्या भावनिक संतुलनाकडे जाण्यासाठी योग्य मदत आणि मार्गदर्शन दिले जाते.”
nSEPIA मध्ये आधुनिक तंत्रज्ञानासोबत भावना संतुलित ठेवण्यासाठी आणि भावनिक आरोग्य सुधारण्यासाठी प्रस्थापित ज्ञान आणि प्रभावी पद्धतींचाही वापर करण्यात आला आहे. यामध्ये संगीतासाठी भारतीय शास्त्रीय राग, पाश्चात्त्य सिम्फोनिक संगीत आणि खास तयार केलेले संगीत असे विविध पर्याय आहेत. ध्यान, श्वसनाचे व्यायाम आणि योगाशी संबंधित अनुभव भारतीय परंपरांवर आधारित आहेत. यामध्ये बी.के.एस. अय्यंगार यांच्या परंपरेने प्रेरित व्यायामांचाही समावेश आहे. या सर्व कृती संबंधित तज्ज्ञांच्या सल्ल्यानुसार आणि मार्गदर्शनानुसार तयार करण्यात आल्या आहेत. याशिवाय, गाइडेड रिफ्लेक्शनच्या (मार्गदर्शित आत्मपरीक्षण) माध्यमातून वापरकर्त्यांना आपल्या मनातील भावना शांतपणे समजून घेण्याची आणि त्यावर विचार करण्याची आणखी एक संधी मिळते.
nSEPIA ला शक्ती देणारे तंत्रज्ञान म्हणजे इमोस्केप™ हे निहिलेंटचे मेडिकल-ग्रेड इमोशन एआय प्लॅटफॉर्म आहे. इमोस्केपमध्ये आर्टिफिशियल इंटेलिजन्स (एआय), कॉम्प्युटर व्हिजन आणि मशीन लर्निंगचा वापर केला जातो. हे निहिलेंटच्या पेटंटद्वारे सुरक्षित असलेल्या तांत्रिक रचनेवर आधारित आहे. या तंत्रज्ञानाची पायाभरणी नाट्यशास्त्रात सांगितलेल्या नवरस सिद्धांतावर आधारित आहे. या प्लॅटफॉर्मच्या क्षमतेची वैज्ञानिक आणि शैक्षणिक संशोधनाच्या माध्यमातूनही चाचणी घेण्यात आली आहे. मानवी भावनांचे अधिक निष्पक्ष पद्धतीने मूल्यांकन करणे हा याचा उद्देश आहे. इमोस्केप हे व्यावसायिक आणि संस्थात्मक वापरासाठी तयार करण्यात आले आहे, तर nSEPIA हे भावना समजून घेणारे तंत्रज्ञान सामान्य लोकांसाठी रोजच्या वापरात उपलब्ध करून देते.
nSEPIA च्या जागतिक लॉन्चद्वारे निहिलेंटचा उद्देश भावना समजून घेणे आणि त्याबाबत जागरूक होण्याची प्रक्रिया रोजच्या जीवनात सोपी आणि सर्वांसाठी सहज उपलब्ध करून देणे हा आहे. यामागील मुख्य उद्देश लोकांना भावना निर्माण होताच त्या ओळखता याव्यात, त्या समजून योग्य पद्धतीने हाताळता याव्यात आणि आपल्या भावनिक जीवनात अधिक चांगले संतुलन राखता यावे, यासाठी मदत करणे हा आहे.
इमोशन्स. इन बॅलन्स
nSEPIA बद्दल
nSEPIA हे निहिलेंटने विकसित केलेले एआय आधारित भावना ओळखणारे आणि भावनिक आरोग्यासाठी उपयुक्त अॅप आहे. निहिलेंटच्या प्रमुख इमोस्केप ™ इमोशन एआय प्लॅटफॉर्मच्या मदतीने हे अॅप व्यक्तीची भावनिक स्थिती रिअल टाइममध्ये समजून घेण्यास मदत करते. त्यानंतर संगीत, ध्यान, श्वसनाचे व्यायाम आणि योग यांपैकी वैयक्तिक गरजेनुसार योग्य उपाय सुचवते. हे उपाय केल्यानंतर वापरकर्ता पुन्हा आपली भावनिक स्थिती तपासू शकतो, झालेला बदल समजून घेऊ शकतो आणि दैनंदिन जीवनात अधिक भावनिक समतोल साधण्याच्या दिशेने पुढे जाऊ शकतो.
निहिलेंटबद्दल
निहिलेंट ही जागतिक स्तरावर काम करणारी कन्सल्टिंग, उत्पादने आणि सोल्यूशन्स कंपनी आहे. कंपनी बिझनेस ट्रान्सफॉर्मेशन, डिजिटल इनोव्हेशन, डेटा अॅनालिटिक्स आणि तंत्रज्ञानाशी संबंधित उपाययोजना यामध्ये विशेष काम करते. 2000 मध्ये स्थापन झालेल्या आणि पुणे, भारत येथे मुख्यालय असलेल्या निहिलेंटचे काम अनेक देशांमध्ये सुरू आहे. तंत्रज्ञान आणि मानवकेंद्रित नवकल्पनांच्या माध्यमातून विविध संस्थांना त्यांच्या कामकाजात बदल आणि प्रगती घडवून आणण्यास कंपनी मदत करते. निहिलेंटच्या प्रमुख उत्पादनांमध्ये इमोस्केप ™ हे इमोशन एआय प्लॅटफॉर्म आणि nSEPIA हे एआय आधारित भावना ओळखणारे व भावनिक आरोग्यासाठी उपयुक्त अॅप यांचा समावेश आहे.