डेक्कन एज्युकेशन सोसायटीचे ब्रिजलाल जिंदाल भौतिकपचार महाविद्यालय व सुभद्रा के. जिंदाल परिचरिका महाविद्यालय यांच्यातर्फे वारक-यांची मोफत वैद्यकीय तपासणी गुप्ते मंगल कार्यालय येथे करण्यात आली. यामध्ये स्नायूंचे विकार, सांधेदुखी, याचबरोबर रक्तदाब व रक्तशर्करा तपासण्यात आली. यावेळी नेत्ररोगतज्ञ व सुभद्रा के. जिंदाल नर्सिंग महाविद्यालयाच्या स्थानिक व्यवस्थापन समितीच्या अध्यक्षा डॉ. प्रिती अभ्यंकर यांनी वारक-यांची नेत्रतपासणी केली व चष्मेवाटप केले.
या उपक्रमास ब्रिजलाल जिंदाल फिजिओथेरपीच्या स्थानिक व्यवस्थापन समितीचे अध्यक्ष डॉ. शरद आगरखेडकर यांचे बहुमोल मार्गदर्शन लाभले.
आळंदी देवस्थानचे विश्वस्त. डॉ.भावार्थ देखणे यांनी भेट देऊन या उपक्रमास शुभेच्छा दिल्या.
