🚩🚩🚩 *गेली १० वर्ष पुण्यात भिक्षेकऱ्यांची सेवा करणारे डॉक्टर अभिजीत सोनवणे*

*पुण्यात नव्हे तर संपूर्ण महाराष्ट्रामध्ये बेगर्स डॉक्टर म्हणून ओळखले जाणारे अभिजीत सोनवणे यांच्या भेटीचा अलीकडेच योग आला*
*त्यांच्याशी गप्पा मारताना त्यांनी सांगितले की पुण्यात जवळजवळ अकराशे भिक्षेकरी नोंद आहे यांच्याशी त्यांचा संपर्क असून त्यातील काही भिक्षेकरी यांना त्यांनी स्वयंरोजगार हा मार्ग दाखविला आहे* .
*कौटुंबिक कारणास्तव तसेच घरदार नाही कोणी व्यवसाय नोकरी देत नाही असे असंख्य स्त्री पुरुषांना भिक्षेचा मार्ग अवलंबावा लागतो त्यामुळे त्यांच्यात जे आजारपण वाढते अशांसाठी सेवा देणारे डॉ अभिजीत हे आपली व्यथा सांगत होते*
*पुण्यातील गर्दीच्या ठीकाणी हे भिक्षा मागत असायचे पण आता त्यांना डॉक्टरांचा सहानुभुतिचा आधार मिळाला त्यामुळे त्यातील काही जण व्यवसाय करू लागले आहेत*
*शनिवार वाड्याच्या सभोवताली जे वेगवेगळ्या प्रकारचे छोटे मोठे व्यवसाय करीत आहेत त्यातील बहुतांश पूर्वी भिक्षेकरीच होते पण आज ते स्वताच्या हिमतीवर आपले आर्थिक गुजराण करत आहेत*
*यातील काही भिक्षेकर्‍यांची मुले तर* पदविधर होत आहेत, एक
*बीएससी होत आहे एक एमबीबीएस होत, आहे तर एक मुलगी* *युपीएससीला बसलेली आहे* .
*डॉ म्हणाले केवळ त्यांच्या आरोग्याची काळजी घेणे एवढेच महत्त्वाचे नाही तर त्यांना स्वतःच्या पायावर उभे करणे गरजेचे आहे हे लक्षात आल्यानंतर त्यांना स्वयंपूर्णतेचा मार्ग दाखविला आहे आणि ते त्या मार्गावर मार्गक्रमण करीत आहेत*
*भिकारी हा शब्द त्यांना वापरू नये कारण तो त्यांचा अपमान होतो. त्यांच्या समस्येवर चर्चा करताना डॉक्टर सोनवणे म्हणाले की आज मला त्यांच्यासाठी खूप काम करायचे आहे त्यासाठी जागेची आवश्यकता आहे जर या सेवा प्रकल्पाला शासनाने किंवा काही सामाजिक संस्थांनी किंवा एखाद्या दानशुर व्यक्तीने सहकार्य केले तर ही सामाजिक समस्या मोठ्या प्रमाणात संपुष्टात येईल*
*जागा उपलब्ध झाली तर या भिक्षेकरी बांधवांना स्वयंरोजगार देवून त्यांना स्वावलंबी बनवता येईल*
*त्यांच्यासाठी लागणारे औषधेही नियमित एखाद्या संस्थेने दिली तर तेही मोठे सहकार्य होईल*
*आमच्या या सेवा संस्थेला जागेची आवश्यकता आहे परंतु अनेकदा शासन दरबारी अनेक प्रयत्न करूनही ती जागा आज पर्यंत मिळाली नाही अशी खंत त्यांनी व्यक्त केली* .
*डॉ सोनवणे यांच्या या भेटीत नांदेड सिटीचे जेष्ठ संचालक ॲड नरसिंह लगड, जम्मु काश्मिर येथील बॉर्डर लेस फौंडेशनचे अध्यक्ष श्री अधिक कदम, सामाजिक कार्यकर्ते व जेष्ठ पत्रकार श्री प्रकाश गोरे, डॉ शितलकुमार गांधी , पिंपरी चिंचवड प्राधिकरणातील सामाजिक कार्यकर्ते श्री मधुकर पगार, श्री मिलींद पाटील, श्री प्रतिक गोरे हे उपस्थित होते*
*आज हे डॉक्टर दांपत्य अहोरात्र भिक्षेकर्‍यांची सेवा करीत आहे पत्नी सुद्धा डॉक्टर असून तीही डॉक्टरांच्या पाठीमागे खंबीरपणे उभी आहे स्वतः डॉक्टर मोटरसायकल वरती औषधे त्यांना लागणाऱ्या गरजेच्या वस्तु घेऊन ते पुण्याच्या वेगवेगळ्या भागांमध्ये जात असतात*
*पुण्यातील विविध मंदिरासमोर जे भिक्षेकरी असतात त्यांच्यासाठी त्यांनी ७ दिवसही वाटून दिलेले आहेत अशा प्रत्येक वारी ते वेगवेगळ्या भागात जाऊन भिक्षेकर्‍यांना तन-मन धनाने सहकार्य करीत आहेत अशा या डॉक्टरांच्या सेवेला खरोखर सलाम !!*
*नुकत्याच झालेल्या विधानसभा निवडणुकीत अनेक महत्वाच्या चौकात या बांधवांनी राष्ट्रहितासाठी शंभर टक्के मतदानाचे फलक लावून आवाहन केले होते*
*या बांधवांची घरे नाहीत, आधार कार्ड नाही, बँकेत खाते नाही तरी राष्ट्रहितासाठी हे अभियान त्यांनी राबवले म्हणून या शासनाने अशा समस्यांसाठी मदत करावी असेही डॉक्टरांनी आपली इच्छा व्यक्त केली*
*संपर्क* – डॉ अभिजीत सोनवणे *M 9822267357*