मुंबई: राज्यातील परिवहन महामंडळाच्या बसेसचे होणारे अपघात कमी करण्यासंदर्भात ठोस पावले उचलण्यात यावीत तसेच राज्यातील बस स्थानका व परिसर स्वच्छ व उत्तम सोई सुविधांनी युक्त असावा बस स्थानकातील स्वच्छतागृहांच्या स्वच्छतेला प्राधान्य द्यावे असे निर्देश राज्याचे परिवहन राज्यमंत्री माधुरीताई यांनी दिले
आज परिवहन विभागाची आढावा बैठक घेण्यात आली या बैठकीला परिवहन महामंडळाचे उपाध्यक्ष व व्यवस्थापकीय संचालक डॉ.माधव कुसेकर वित्तीय सल्लागार व मुख्य लेखा अधिकारी श्री गिरीश देशमुख महाव्यवस्थापक श्री नंदकुमार कोळकर व इतर अधिकारी उपस्थित होते यावेळी महामंडळात च्या बसचे होणारे अपघात कमी करण्यासाठी उपाय योजना करण्याबाबत सूचना देण्यात आल्या
सोबतच बसचे वाहक व चालक यांच्या मुक्कामी असणार्या ठिकाणी सोयी सुविधा उपलब्ध करून देण्याबाबत सूचना करण्यात आल्या सोबतच यांच्या निवासस्थानाच्या प्रकल्प लवकरत लवकर मार्गी लावण्याच्या सुचना दिल्या याबरोबरच बस स्थानकावर तृतीयपंथांना राखीव स्वच्छता ग्रह उपलब्ध करून देण्याबाबत तात्काळ कार्यवाही करण्याच्या सूचना दिल्या आहेत. बस स्थानक व लोकांना उत्तम सुविधा व सुरक्षित प्रवासासाठी पुढील काळात अनेक उपाययोजना राबविण्यात येणार आहेत अशी माहिती राज्याचे परिवहन राज्यमंत्री माधुरीताई मिसाळ यांनी दिली.
