पुणे दि. 11 : लष्करातील जवानांवर कायदेशीर संघर्षाचा ताण येऊ नये या उद्देशाने राष्ट्रीय विधी सेवा प्राधिकरण वीर परिवार सहायता योजना, २०२५ अंतर्गत जिल्हा सैनिक कल्याण कार्यालय, पुणे येथे, जिल्हा विधी सहायता केंद्र सुरु करण्यात आले आहे.
या विधी सेवा केंद्राचे उद्घाटन 7 ऑगस्ट रोजी करण्यात आले. यावेळी प्रमुख जिल्हा व सत्र न्यायाधीश तथा अध्यक्ष जिल्हा विधी सेवा प्राधिकरण महेंद्र के महाजन, न्यायाधीश तथा सचिव जिल्हा विधी सेवा प्राधिकरण श्रीमती सोनल एस पाटील, अध्यक्ष, जिल्हा ग्राहक तक्रार निवारण डॉ. अरुण गायकवाड, तसेच जिल्हा सैनिक कल्याण अधिकारी लेफ्टनंट कर्नल सतेश दैवानराव हंगे (निवृत्त), व कर्मचारी उपस्थितीत होते.
जिल्हा विधी सेवा प्राधिकरण ही योजना आठवडयातून दोन दिवस मंगळवार आणि गुरूवार सकाळी १०.३० ते १२.०० वा. या वेळेत कार्यन्वीत असेल. तरी गरजुंनी या योजनेचा लाभ घ्यावा असे आवाहन लेफ्टनंट कर्नल सतेश देवानराव हंगे (निवृत्त), जिल्हा सैनिक कल्याण अधिकारी, पुणे यांनी प्रसिध्दी पत्रकान्वये केले आहे.
00000
