पुणे, दि. 1 : महाराष्ट्र राज्य परीक्षा परिषदेमार्फत 22 फेब्रुवारी 2026 रोजी घेण्यात येणाऱ्या पूर्व उच्च प्राथमिक व पूर्व माध्यमिक शिष्यवृत्ती परीक्षेचे नियमित शुल्कासह अर्ज भरण्यास दिनांक 8 डिसेंबर 2025 पर्यंत मुदतवाढ देण्यात आली आहे.
परीक्षेचे शाळा नोंदणी व विद्यार्थ्यांचे अर्ज http://www.mscepune.in या संकेतस्थळावर विलंब शुल्कासह 9 ते 15 डिसेंबर, अतिविलंब शुल्कासह 16 ते 23 डिसेंबरपर्यंत तसेच अतिविशेष विलंब शुल्कासह 24 ते 31 डिसेंबरपर्यंत सादर करता येतील. 31 डिसेंबरनंतर कोणत्याही परिस्थितीत विद्यार्थ्यांचे ऑनलाईन अथवा ऑफलाईन आवेदनपत्र भरता येणार नाही, याची नोंद घ्यावी, असे परीक्षा परिषदेच्या आयुक्त अनुराधा ओक यांनी कळविले आहे.
0000
