अमेरिकेत आणि भारतात मुलखावेगळी कामगिरी करीत असलेल्या विविध स्त्रियांच्या प्रेरणादायी जीवन कथा असलेल्या;अमेरिका स्थित लेखिका चित्रा मेहेंदळे ह्यांच्या ” जिचं तिचं आकाश ” ह्या पुस्तकाचे प्रकाशन येत्या मंगळवारी विले पार्ले ( पूर्व) येथील प्रबोधनकार ठाकरे क्रिडा संकुलाच्या सभागृहात होत आहे.
या प्रकाशन सोहोळ्यास प्रमुख पाहुणे म्हणून नगरसेविका श्रीमती अंजली सामंत, प्रबोधनकार ठाकरे क्रिडा संकुलाचे संचालक
श्री अरविंद प्रभू आणि ग्रंथालीचे विश्वस्त श्री सुदेश
हिंगलासपूरकर हे उपस्थित राहणार आहेत. कार्यक्रमाचे अध्यक्षस्थान अभिनेत्री रजनी वेलणकर ह्या भूषविणार आहेत.तर कार्यक्रमाचे सूत्रसंचालन संचालन सौ अलका भुजबळ करणार आहेत.
नुकत्याच झालेल्या जागतिक महिला दिनाच्या पार्श्वभूमीवर
उठून दिसणारे ह्या पुस्तकाचे वैशिष्टय़ म्हणजे सर्व कथा नायिका, लेखिका, प्रकाशिका, कार्यक्रमाच्या अध्यक्षा ह्या सर्व महिलाच आहेत.
ह्या पुस्तकाची निर्मिती ग्रंथाली ने केली असून
न्यूज स्टोरी टुडेने प्रकाशन केले आहे.
