पुणे, भारत, १७ सप्टेंबर, २०२६: जागतिक ओईएम कंपन्यांना सेवा पुरवणारी, एक आघाडीची ऑटोमोटिव्ह पार्ट्स आणि मोबिलिटी सोल्युशन्स कंपनी, टाटा ऑटोकॉम्प सिस्टीम्स लिमिटेड, १५ ते २० सप्टेंबर, २०२६ दरम्यान जर्मनीतील हॅनोवर येथे आयोजित करण्यात आलेल्या आयएए ट्रान्सपोर्टेशन २०२६ मध्ये व्यावसायिक वाहन क्षेत्रासाठी आपल्या क्षमतांचे प्रदर्शन करत आहे. या प्रदर्शनाचे उद्घाटन टाटा मोटर्सचे सीव्हीसीपीओ जयकुमार चुट्टार आणि पॅकारचे सीपीओ ब्रेनन गॉर्डी यांच्या हस्ते झाले.
आयएए ट्रान्सपोर्टेशन २०२६ हे व्यावसायिक वाहने, वाहतूक आणि मोबिलिटी यासाठी जगातील आघाडीचे व्यासपीठ आहे. हे कनेक्टेड, इलेक्ट्रिक आणि शाश्वत मोबिलिटीमधील नवकल्पना प्रदर्शित करण्यासाठी उद्योगक्षेत्रातील दिग्गजांना एकत्र आणते. टाटा समूहाची कंपनी असलेल्या टाटा ऑटोकॉम्पने या कार्यक्रमात आपल्या जागतिक क्षमतांचे प्रदर्शन केले आहे. ही या क्षेत्रातील सर्वात वैविध्यपूर्ण मोबिलिटी सोल्युशन्स पुरवणाऱ्यांपैकी एक आहे. कंपनीने आपल्या २२ व्यावसायिक युनिट्सची ताकद प्रदर्शित केली, ज्यात आघाडीच्या जागतिक उत्पादकांसोबतच्या ११ संयुक्त उपक्रमांचा समावेश आहे. जगभरातील ७४ उत्पादन प्रकल्पांच्या मोठ्या नेटवर्कच्या माध्यमातून, कंपनी ग्राहकांच्या बदलत्या गरजांनुसार तयार केलेली आधुनिक आणि स्थानिक पातळीवरील सोल्युशन्स पुरवते.
टाटा ऑटोकॉम्प चार प्रमुख तंत्रज्ञान क्षेत्रांमध्ये आपली क्षमता प्रदर्शित करत आहे: इलेक्ट्रिकल आणि ईव्ही, इंटिरियर्स आणि एक्सटीरियर्स, थर्मल आणि सेवा. कंपनीकडे मजबूत अंतर्गत अभियांत्रिकी आणि उत्पादन कौशल्य, तसेच जागतिक तंत्रज्ञान सहयोग आहे. शाश्वत मोबिलिटीवर लक्ष केंद्रित करून, कंपनी वाहन विद्युत प्रणाली, थर्मल व्यवस्थापन, इंटिरियर्स आणि एक्सटीरियर्स, आणि अभियांत्रिकी-आधारित सेवा प्रदान करते. यामुळे जगभरातील ओईएमसाठी एक विश्वसनीय पुरवठा शृंखला सहयोगी बनण्यासाठी कंपनी सज्ज आहे. युरोपियन व्यावसायिक वाहन विभागाच्या सध्याच्या आणि भविष्यातील गरजा लक्षात घेऊन, टाटा ऑटोकॉम्पचा ईव्ही पोर्टफोलिओ व्यावसायिक मोबिलिटीच्या विद्युतीकरणास समर्थन देतो. प्रदर्शनात प्रदर्शित होणाऱ्या उत्पादनांमध्ये बॅटरी पॅक, ट्रॅक्शन मोटर्स, बॅटरी कूलिंग सिस्टीम, इलेक्ट्रिक कंप्रेसर, पॉवर इलेक्ट्रॉनिक्स, बीटीएमएस, बसबार आणि चार्जर यांचा समावेश आहे. कंपनी आपल्या अंतर्गत डिझाइन आणि उत्पादन क्षमतांचे प्रदर्शनही करत आहे.
थर्मल मॅनेजमेंट प्रदर्शनामध्ये इंजिन कूलिंग सोल्यूशन्स, सीव्हीटीएमएस, बीटीएमएस आणि एचव्हीएसी यांचा समावेश आहे. इंटिरियर आणि एक्सटीरियर विभागांमध्ये, टाटा ऑटोकॉम्प आपल्या हलक्या वजनाच्या तंत्रज्ञानाच्या क्षमतांचे प्रदर्शन करत आहे. हे तंत्रज्ञान कार्यक्षमता, आराम, टिकाऊपणा आणि सौंदर्य यावर लक्ष केंद्रित करते. प्रदर्शित केल्या जाणाऱ्या उत्पादनांमध्ये कंपोझिट घटक, स्टीलला पर्याय असलेली उत्पादने आणि हेवी-ड्यूटी प्लास्टिक इंटिरियर पार्ट्स यांचा समावेश आहे.
टाटा ऑटोकॉम्पचा सप्लाय चेन विभाग, ट्रान्समिशन पार्ट्स, रॅचेट टाय-डाउन्स, कार्गो मॅनेजमेंट आणि टोइंग उत्पादने यांसारख्या ऑटो घटकांचे प्रदर्शन करत आहे. हे सप्लाय चेन बिझनेस युनिट जागतिक ओईएम आणि टियर 1 कंपन्यांसाठी उत्पादन आणि पुरवठा साखळी भागीदार आहे. हे युनिट आरएफक्यू व्यवस्थापनापासून ते ऑटोमोटिव्ह घटकांच्या घरपोच वितरणापर्यंत सर्व सोल्यूशन्स प्रदान करते. मजबूत पुरवठादार सहयोग, प्रगत उत्पादन क्षमता आणि ग्राहक-केंद्रित दृष्टिकोन या युनिटला अद्वितीय बनवतात.
टाटा ऑटोकॉम्प सिस्टीम्सचे उपाध्यक्ष, डॉ. अरविंद गोयल म्हणाले: “विद्युतीकरण, उत्सर्जनाबाबत काटेकोर नियम आणि हलक्या वजनाच्या व टिकाऊ उपायांच्या मागणीमुळे व्यावसायिक वाहन उद्योगात वेगाने बदल होत आहेत. आमच्या आर्टिफेक्स इंजिनिअरिंग सेंटरच्या आणि आघाडीच्या जागतिक ओईएम कंपन्यांसोबतच्या आमच्या दीर्घकालीन संबंधांच्या आधारावर, आम्ही संपूर्ण मोबिलिटी सोल्यूशन्स प्रदान करतो. टियर 0.5 सहयोगी म्हणून आमचे एक अद्वितीय स्थान आहे, जे ओईएम आणि उत्पादकांसोबत नाविन्यपूर्ण मोबिलिटी सोल्यूशन्सची रचना आणि विकास करण्यासाठी काम करते. आम्ही आमचा जागतिक ठसा विस्तारत असताना, या क्षमता प्रदर्शित करण्यासाठी आयएए ट्रान्सपोर्टेशन २०२६ हे एक महत्त्वाचे व्यासपीठ आहे.”
टाटा ऑटोकॉम्प सिस्टीम्सचे व्यवस्थापकीय संचालक आणि मुख्य कार्यकारी अधिकारी, श्री. मनोज कोल्हटकर म्हणाले: “टाटा ऑटोकॉम्पमध्ये, आम्ही देतअसलेल्या प्रत्येक सोल्यूशनद्वारे सातत्यपूर्ण गुणवत्ता प्रदान करणे आणि ग्राहकांचे संपूर्ण समाधान सुनिश्चित करणे यावर भर दिला जातो. युरोपियन ओईएम आव्हानांना तोंड देत असताना, आम्ही विश्वसनीयता, जलद प्रतिसाद आणि वास्तविक मूल्य निर्माण करणाऱ्या दीर्घकालीन भागीदारीसाठी वचनबद्ध आहोत.”
