कमी आणि झिरो शुगर असलेल्या पेयांपासून ते संपूर्ण धान्ये, भरडधान्ये आणि स्नॅक्सच्या नवीन प्रकारांपर्यंत, ग्राहकांच्या बदलत्या आवडीनिवडी लक्षात घेऊन पेप्सिको आपल्या उत्पादनांमध्ये सातत्याने बदल करत आहे.
नवी दिल्ली, 13 ऑक्टोबर 2026 : पेप्सिको इंडिया आपल्या खाद्यपदार्थ आणि पेय व्यवसायाचा विस्तार करत असताना, भारतातील ग्राहकांच्या बदलत्या आणि अधिक जागरूक होत असलेल्या गरजा पूर्ण करण्यासाठी आपल्या उत्पादनांमध्येही बदल करत आहे. ग्राहकांना आवडणारी चव कायम ठेवून आरोग्य आणि निरोगी जीवनशैलीबाबत वाढती जागरूकता लक्षात घेऊन कंपनी अधिक आरोग्यदायी पर्यायांचा विस्तार करत आहे. यासाठी उत्पादनांच्या घटकांमध्ये बदल करणे, नवीन उत्पादने आणि प्रकार सादर करणे तसेच विविध घटकांचा वापर करण्यावर भर दिला जात आहे. यासोबतच उत्पादनांमधील पोषणमूल्ये आणि इतर वैशिष्ट्यांबाबत अधिक पारदर्शकता ठेवली जात आहे. त्यामुळे ग्राहकांना अधिक पर्याय उपलब्ध होत असून, त्यांच्या वैयक्तिक आवडीनिवडी आणि सेवनाच्या प्रसंगानुसार योग्य उत्पादन निवडण्यासाठी आवश्यक माहितीही मिळत आहे.
पेप्सिको इंडियाच्या पेय व्यवसायाने कमी आणि मध्यम कॅलरी असलेल्या पेयांच्या पर्यायांचा विस्तार करण्याच्या दिशेने महत्त्वपूर्ण प्रगती केली आहे. सध्या कंपनीच्या एकूण पेय उत्पादनांपैकी 70 टक्क्यांहून अधिक उत्पादने झिरो शुगर किंवा मध्यम कॅलरी असलेली आहेत. येत्या काळात हे प्रमाण टप्प्याटप्प्याने 90 ते 100 टक्क्यांपर्यंत नेण्याचे कंपनीचे उद्दिष्ट आहे. यासाठी उत्पादनांच्या घटकांमध्ये आवश्यक बदल करण्यासोबतच कमी आणि झिरो शुगर असलेल्या पेयांचे पर्याय वाढविण्यावर भर दिला जात आहे. यामध्ये पेप्सी ब्लॅक, 7अप झिरो शुगर, गेटोरेड झिरो आणि निंबूझ या पेयांचा समावेश आहे.
खाद्यपदार्थांच्या क्षेत्रात पेप्सिको इंडिया पोषणमूल्ये, विविध घटक आणि तयारीच्या नवीन पद्धतींच्या माध्यमातून ग्राहकांसाठी अधिक पर्याय उपलब्ध करून देत आहे. 2026 मध्ये क्वेकर ब्रँडमध्ये नव्याने बदल करण्यात आले असून, त्यातील प्रथिने, फायबर आणि संपूर्ण धान्यांचे गुणधर्म अधिक ठळकपणे ग्राहकांसमोर मांडण्यात आले आहेत. आरोग्यदायी पर्यायांच्या श्रेणीत रेड रॉक डेलीच्या बेक्ड प्रकारांचा समावेश आहे. यामध्ये 40 टक्के कमी चरबी आहे. तसेच, भारताच्या कृषी परंपरेचा गौरव करणारा भरडधान्य आधारित कुरकुरे ज्वारी पफ्स हा नवीन पर्यायही सादर करण्यात आला आहे. ग्राहकांच्या विविध चवी, आवडीनिवडी आणि जीवनशैलीशी सुसंगत अधिक पर्याय उपलब्ध करून देण्याच्या पेप्सिकोच्या व्यापक प्रयत्नांचा हे नवनवीन प्रयोग एक भाग आहेत. लेज, कुरकुरे, डोरिटोस, चीटोज, अंकल चिप्स, क्वेकर आणि रेड रॉक डेली यांसह कंपनीच्या सर्व ब्रँडमधील रेडी-टू-ईट खाद्यपदार्थांमध्ये कृत्रिम स्वाद किंवा रंगांचा वापर केला जात नाही.
या बदलत्या वाटचालीत पारदर्शकतेलाही महत्त्वाचे स्थान आहे. पेप्सिको इंडिया आपल्या उत्पादनांच्या पॅकेटवर पोषणमूल्यांची माहिती देते. यामध्ये ऊर्जा, एका वेळी सेवन करण्याचे प्रमाण आणि महत्त्वाच्या पोषक घटकांच्या शिफारस केलेल्या दैनंदिन आहारातील गरजेच्या तुलनेत असलेले योगदान यांचा समावेश आहे.
पेप्सिको इंडिया आणि दक्षिण आशियाच्या चीफ कॉर्पोरेट अफेअर्स ऑफिसर आणि सस्टेनेबिलिटी हेड यशिका सिंह म्हणतात, “पेप्सिको इंडियामध्ये आम्हाला विश्वास आहे की, ग्राहकांच्या बदलत्या आवडीनिवडी समजून घेणे आणि त्यांच्या विविध गरजा ओळखणे महत्त्वाचे आहे. ग्राहकांना आरोग्यदायी पर्याय निवडणे सोपे करून देणे ही केवळ आमची जबाबदारी नसून, नवकल्पना आणि व्यवसायाच्या वाढीचा अविभाज्य भाग आहे. आमच्या ब्रँडच्या माध्यमातून लोकांना विचारपूर्वक निवडी करण्यासाठी सक्षम करणे आणि त्यांच्या जीवनात आनंद निर्माण करणे, हे आमचे उद्दिष्ट आहे. कमी आणि झिरो शुगर असलेल्या पेयांपासून ते संपूर्ण धान्ये आणि भरडधान्यांसारख्या विविध घटकांपासून तयार केलेल्या स्नॅक्सपर्यंत, आम्ही ग्राहकांसाठी अधिक पर्याय उपलब्ध करून देत आहोत. आपल्या निवडींबाबत अधिक जागरूक होत असलेल्या ग्राहकांना हे पर्याय उपयुक्त ठरतील. त्याचवेळी, उत्पादनांची चव आणि त्यातून मिळणारा आनंद यांना आम्ही प्राधान्य देत आहोत. एकूणच, ग्राहकांच्या बदलत्या गरजांना प्रतिसाद देणारे आणि भारतातील विविध खाद्यसंस्कृती व पेयांच्या सवयी प्रतिबिंबित करणारे अधिकाधिक पर्याय उपलब्ध करून देणे, हाच आमचा प्रयत्न आहे.”
या सर्व उपक्रमांतून पेप्सिको इंडियाचा ग्राहकांच्या गरजांना केंद्रस्थानी ठेवून उत्पादनांमध्ये बदल करण्याचा दृष्टिकोन स्पष्ट होतो. भारतीय ग्राहकांच्या बदलत्या चवी, जीवनशैली आणि विविध प्रसंगांनुसार कंपनी आपल्या सध्याच्या उत्पादनांमध्ये सुधारणा करत असून, त्यांच्यासाठी नवे पर्यायही उपलब्ध करून देत आहे.
