डीआरएचपी आणि संक्षिप्त डीआरएचपी वाचण्यासाठी लिंक: https://www.bseindia.com/corporates/download/360051/IPO%20Prior/HungerPangsLimitedDRHP_20261016223331.zip
‘बर्मा बर्मा रेस्टॉरंट अँड टी रूम’ची मालकी आणि संचालन करणाऱ्या हंगर पॅंग्स लिमिटेडने सिक्योरिटीज़ एंड एक्सचेंज बोर्ड ऑफ़ इंडिया (सेबी) कडे आपला ड्राफ्ट रेड हेरिंग प्रॉस्पेक्टस सादर केला आहे. ही भारतातील बर्मीज खाद्यपदार्थांवर आधारित सर्वात मोठी कॅज्युअल डायनिंग रेस्टॉरंट शृंखला असून, कंपनी प्रीमियम पॅन-एशियन कॅज्युअल डायनिंग क्षेत्रात कार्यरत आहे. ही कंपनी बर्माच्या खाद्यसंस्कृतीचा वारसा आणि परंपरा जपणाऱ्या खाद्यपदार्थांचा परिपूर्ण अनुभव देते.
या आयपीओअंतर्गत कंपनी ₹2 दर्शनी मूल्य असलेले ₹1,500.00 दशलक्षपर्यंतचे नवीन शेअर्स जारी करणार आहे. यासोबतच, कंपनीचे सध्याचे भागधारक ₹2 दर्शनी मूल्य असलेले 2,79,29,760 पर्यंतचे शेअर्स विक्रीसाठी उपलब्ध करणार आहेत.
या विक्रीमध्ये प्रवर्तक भागधारक अंकित वीरेंद्र गुप्ता आणि चिराग नरेंद्र छाजेड प्रत्येकी 60,00,000 पर्यंत इक्विटी शेअर्स, तर प्रवर्तक गटातील भागधारक ‘बीबीगप्लास पॉली प्रायव्हेट लिमिटेड’ 42,00,000 पर्यंत इक्विटी शेअर्स विकणार आहे. तसेच गुंतवणूकदार भागधारकांपैकी ‘नेगेन टेक अपॉर्च्युनिटीज एंजल फंड’ 64,68,315 पर्यंत इक्विटी शेअर्स, ‘व्हेंचर कॅटलिस्ट एंजल ग्रोथ फंड’ 27,72,000 पर्यंत इक्विटी शेअर्स आणि ‘एल व्ही एंजल फंड’ 5,25,315 पर्यंत इक्विटी शेअर्स विकणार आहे. याशिवाय इतर भागधारकांमध्ये निसर्ग अजयकुमार वखारिया (15,48,540 पर्यंत इक्विटी शेअर्स), श्वेता शर्मा (2,58,090 पर्यंत इक्विटी शेअर्स) आणि मेहुल किरीट मेहता (1,57,500 पर्यंत इक्विटी शेअर्स) आपले शेअर्स विक्रीसाठी उपलब्ध करणार आहेत (या सर्वांना एकत्रितपणे “विक्री करणारे भागधारक” म्हटले आहे).
या नवीन शेअर्सच्या विक्रीतून मिळणारा निव्वळ पैसा कंपनीद्वारे भारतात नवीन ‘बर्मा बर्मा’ रेस्टॉरंट्स सुरू करण्यासाठी आणि इतर सामान्य कॉर्पोरेट कामांसाठी वापरला जाईल.
हंगर पॅंग्सने आपली ओळख बर्मीज खाद्यपदार्थांभोवती निर्माण केली आहे, ज्यामध्ये जेवणासोबतच तिथल्या संस्कृतीची ओळख, रेस्टॉरंटची अनोखी रचना आणि ग्राहकांना जेवणाचा आगळावेगळा अनुभव दिला जातो. या रेस्टॉरंट्सची रचना बर्मीज वारशापासून प्रेरित आहे, तर त्यांचा मेन्यू खाद्यसंशोधन, नवनवीन प्रयोग आणि एका पद्धतशीर संशोधन व विकास प्रक्रियेतून तयार केला जातो. सर्व रेस्टॉरंट्समध्ये जेवणाची चव आणि दर्जा एकसमान राखण्यासाठी कंपनी प्रमाणित रेसिपी, ठराविक कार्यपद्धती (एसओपी), मध्यवर्ती खरेदी यंत्रणा आणि पद्धतशीर प्रशिक्षण कार्यक्रमांचा वापर करते.
31 जुलै 2026 पर्यंतच्या आकडेवारीनुसार, कंपनीने भारतात 9 शहरांमध्ये 22 रेस्टॉरंट्स, 1 डिलिव्हरी किचन आणि 3 गोदामांचे नेटवर्क उभारलेले आहे. कंपनीची रेस्टॉरंट्स प्रीमियम मॉल्स, प्रमुख व्यावसायिक रस्ते आणि कॉर्पोरेट पार्क अशा मोक्याच्या ठिकाणी आहेत. 30 जून 2026 पर्यंत कंपनीकडे 21 रेस्टॉरंट्स होती, ज्यांची एकूण बैठक क्षमता 1,991 आसनांची होती. आर्थिक वर्ष 2026 मध्ये त्यांच्या एका बिलाची सरासरी मूल्य ₹2,400 होती. आर्थिक स्थितीबद्दल बोलायचे झाल्यास, कामकाजातून मिळणारा महसूल आर्थिक वर्ष 2025 मधील ₹1,060.99 दशलक्षवरून वाढून आर्थिक वर्ष 2026 मध्ये ₹1,554.97 दशलक्ष झाला आहे, जी 46.56% ची वाढ दर्शवते. यादरम्यान ईबीआयटीडीए ₹213.54 दशलक्षवरून वाढून ₹256.77 दशलक्ष झाला आहे, तर आर्थिक वर्ष 2026 मध्ये ईबीआयटीडीए मार्जिन 16.51% राहिले आहे.
कंपनीच्या वाढीचे उद्दिष्ट भारतातील रेस्टॉरंट्सचे जाळे विस्तारणे, नवीन ब्रँड्स आणि विविध खाद्यपदार्थ विकसित करणे, खाद्यसंस्कृतीत नवनवीन प्रयोग सुरू ठेवणे आणि ग्राहकांशी नाते अधिक घट्ट करणे यावर केंद्रित आहे. नवीन रेस्टॉरंट सुरू करताना कंपनी तिथला परिसर, प्रीमियम ग्राहकांची संख्या, वाहतुकीची सोय, जागेची रचना, आर्थिक गणित आणि ब्रँडची प्रतिमा या सर्व गोष्टींचा विचार करते. यासोबतच, कंपनी नवीन संकल्पनांच्या माध्यमातून पॅन-एशियन खाद्यक्षेत्रातील इतर संधींचाही शोध घेत आहे.
कंपनीने डाइन-इनसोबतच आपल्या डिलिव्हरी व्यवसायाचाही विस्तार केला आहे, ज्याचा आर्थिक वर्ष 2026 मधील कामकाजाच्या एकूण महसुलात 10.76% वाटा होता. कंपनी आपले “बर्मा बर्मा शॉप” प्लॅटफॉर्म चालवते आणि रेडी-टू-ईट अर्थात खाण्यासाठी तयार असलेले पदार्थ व इतर पॅकेज्ड अन्नपदार्थांसह आपल्या डिलिव्हरी आणि डीटूसी (थेट ग्राहकांपर्यंत) सेवांचा विस्तार करण्याचा प्रयत्न करत आहे.
एफ अँड एस अहवालानुसार, आर्थिक वर्ष 2026 मध्ये भारतातील फुल-सर्व्हिस डायनिंग मार्केटचे मूल्य अंदाजे ₹1.52 ट्रिलियन होते आणि आर्थिक वर्ष 2030 पर्यंत ते अंदाजे ₹2.18 ट्रिलियनपर्यंत पोहोचण्याचा अंदाज आहे, जो जवळपास 9.4% चा चक्रवाढ सीएजीआर दर्शवतो. आर्थिक वर्ष 2026 मध्ये फुल-सर्व्हिस डायनिंग मार्केटमध्ये कॅज्युअल डायनिंग रेस्टॉरंट्सचा वाटा 95% पेक्षा जास्त होता. लोकांचे वाढते उत्पन्न, वाढते शहरीकरण, ग्राहकांच्या बदलत्या आवडीनिवडी, बाहेर जेवायला जाण्याचे वाढलेले प्रमाण आणि काहीतरी वेगळा अनुभव घेण्याची वाढती मागणी यामुळे या बाजारपेठेला फायदा होण्याची अपेक्षा आहे. या बाजारपेठेत, प्रीमियम सेवांची वाढती मागणी आणि वेगवेगळ्या खाद्यसंस्कृती व वैशिष्ट्यपूर्ण अनुभवांना मिळणारे प्राधान्य यामुळे बर्मा बर्मासारख्या संघटित रेस्टॉरंट शृंखलेला भारतातील शहरांमध्ये आपला विस्तार करण्याची मोठी संधी उपलब्ध झाली आहे.
पँटोमॅथ कॅपिटल अ‍ॅडव्हायझर्स प्रायव्हेट लिमिटेड ही या आयपीओसाठी एकमेव बुक रनिंग लीड मॅ
नेजर कंपनी आहे.
