गोदरेज हाऊसिंग फायनान्सने खराडी येथे आपल्या परवडणाऱ्या गृहवित्त व्यवसायाचा विस्तार केला असून छत्रपती संभाजीनगर, अमळनेर, चाळीसगाव, जळगाव, लातूर, पंढरपूर, नागपूर यांसह अन्य भागांमध्येही आपल्या सेवा विस्तारल्या आहेत.
हा विस्तार विविधांगी वित्तपुरवठा व्यवसाय उभारण्याच्या गोदरेज कॅपिटलच्या महत्त्वाकांक्षेचे प्रतिबिंब आहे.
पुणे, महाराष्ट्र | 27th ऑक्टोबर 2026: गोदरेज इंडस्ट्रीज समूहाची वित्तीय सेवा शाखा असलेल्या गोदरेज कॅपिटलने आपली उपकंपनी गोदरेज हाऊसिंग फायनान्सच्या माध्यमातून महाराष्ट्रातील परवडणाऱ्या गृहवित्त क्षेत्रातील आपले स्थान अधिक मजबूत केले आहे. पुण्यातील खराडी येथे व्यवसायाचा विस्तार करून कंपनीने राज्यातील उच्च क्षमतेच्या शहरी सूक्ष्म बाजारपेठांवर आणि उभरत्या निवासी क्षेत्रांवर लक्ष केंद्रित करण्याची आपली भूमिका अधिक बळकट केली आहे.
मजबूत पायाभूत सुविधा, माहिती तंत्रज्ञान क्षेत्राच्या नेतृत्वाखाली वाढणाऱ्या रोजगाराच्या संधी आणि दळणवळण व जीवनशैलीशी संबंधित सुविधांमधील सुधारणांमुळे खराडी हे पुण्यातील सर्वाधिक वेगाने विकसित होणाऱ्या निवासी सूक्ष्म बाजारपेठांपैकी एक म्हणून उदयास आले आहे. प्रमुख व्यावसायिक जिल्हे आणि तंत्रज्ञान केंद्रांच्या जवळ असलेल्या या भागात घरांची मागणी सातत्याने वाढत आहे. विशेषतः नोकरदार व्यावसायिक आणि प्रथमच घर खरेदी करणाऱ्यांकडून या भागाला चांगली मागणी मिळत आहे.
सुरू असलेले निवासी प्रकल्प विकास, घर खरेदीदारांचा सातत्यपूर्ण प्रतिसाद आणि घरांच्या नोंदणीतील पुण्याची व्यापक वाढती गती यांमुळे खराडीचे स्थान एक स्थिर आणि उच्च विकासक्षमता असलेली निवासी बाजारपेठ म्हणून अधिक मजबूत होत आहे. या सर्व घटकांमुळे परवडणाऱ्या तसेच मध्यम श्रेणीतील घरांची मागणी सातत्याने वाढत असून पुण्याच्या विस्तारणाऱ्या शहरी गृहबाजारपेठेच्या विकासात खराडी महत्त्वपूर्ण योगदान देत आहे.
या विस्ताराबाबत भाष्य करताना गोदरेज हाऊसिंग फायनान्सचे व्यवस्थापकीय संचालक आणि मुख्य कार्यकारी अधिकारी श्री. मेहेरनोश टाटा म्हणाले, “महाराष्ट्रातील शहरी तसेच उदयोन्मुख केंद्रांमध्ये घरांची असलेली मजबूत मागणी लक्षात घेता हे राज्य आमच्यासाठी प्राधान्याची बाजारपेठ आहे. टियर-2 शहरांमध्ये आणि सूक्ष्म बाजारपेठांमध्ये विस्तार करण्यामागील आमचा उद्देश प्रथमच घर खरेदी करणाऱ्या आणि स्वयंरोजगार असलेल्या ग्राहकांना घर खरेदी अधिक परवडणारी व्हावी आणि गृहवित्त सहज उपलब्ध व्हावे हा आहे. वितरण-केंद्रित दृष्टिकोन, तंत्रज्ञानाच्या साहाय्याने कर्जजोखीम मूल्यांकन आणि ग्राहककेंद्रित उपाययोजनांच्या माध्यमातून मोठ्या प्रमाणावर जबाबदार आणि सर्वसमावेशक गृहवित्त सेवा उपलब्ध करून देण्याचे आमचे उद्दिष्ट आहे.”
भारत सरकारच्या ‘सर्वांसाठी घरे’ या व्यापक संकल्पनेला पाठबळ देण्यासाठी गोदरेज कॅपिटल पगारदार आणि स्वयंरोजगार करणाऱ्या ग्राहकांसह प्रथमच घर खरेदी करणाऱ्यांसाठी लवचिक परतफेड कालावधीचे परवडणारे गृहकर्ज उपलब्ध करून देते. परिसंस्थेवर आधारित धोरणाचा भाग म्हणून, उदयोन्मुख सूक्ष्म बाजारपेठांपर्यंत पोहोचण्यासाठी कंपनी 4,000 हून अधिक स्थानिक संपर्क प्रतिनिधी, विकासक आणि वितरण भागीदारांसोबतचा सहयोग अधिक मजबूत करत आहे. त्याचबरोबर, चालू आर्थिक वर्षाच्या अखेरीस व्यवस्थापनांतर्गत मालमत्ता (AUM) 11,800 कोटी रु. पेक्षा अधिक करण्याचे कंपनीचे उद्दिष्ट आहे.
ऑगस्ट 2026 अखेर गोदरेज कॅपिटलची एकूण व्यवस्थापनांतर्गत मालमत्ता (AUM) 30,000 कोटी रु. पेक्षा अधिक होती. यामध्ये गोदरेज हाऊसिंग फायनान्सच्या पोर्टफोलिओमध्ये महाराष्ट्राचा वाटा जवळपास 30% आहे. खराडी व्यतिरिक्त, कंपनीने शिर्डी, छत्रपती संभाजीनगर, नागपूर, जळगाव, लातूर, पंढरपूर, बदलापूर, अमळनेर आणि चाळीसगाव यांसारख्या प्रमुख केंद्रांमध्येही आपले स्थान विस्तारले आहे. यावरून कंपनीच्या दीर्घकालीन विकास आराखड्यात महाराष्ट्राला असलेले धोरणात्मक महत्त्व अधोरेखित होते.
