हैदराबाद आणि जयपूरनंतर पुणे हे या ब्रँडचे तिसरे मार्केट बनले.
● शहरातील वाढत्या पेट-पॅरेंट समुदायाच्या बदलत्या गरजा लक्षात घेऊन, या ब्रँडने विज्ञानाधारित आणि उच्च दर्जाचे पेट न्यूट्रिशन पुण्यात उपलब्ध.
पुणे, ०४ नोव्हेंबर २०२६: विप्रो कन्झ्युमर केअर अँड लायटिंगने आज पुण्यात आपला प्रीमियम पेट न्यूट्रिशन ब्रँड ‘स्नगल्स’ लाँच करण्याची घोषणा केली. भारतातील टप्प्याटप्प्याने होणाऱ्या विस्ताराचा भाग म्हणून, पुणे हे स्नगल्सचे तिसरे मार्केट आहे. स्नगल्स हे भारतातील अशा प्रकारचे पहिले ड्राय डॉग फूड, ज्यामध्ये किबल आणि फ्रीझ-ड्राईड चिकनचे तुकडे एकत्र दिले आहेत. मानवासाठी योग्य असलेल्या घटकांपासून बनवलेले हे खाद्य भारतातील पेट-पॅरेंट्सना योग्य किमतीत परिपूर्ण पोषण आणि उत्तम चव देते. पुण्यातील वाढत्या पेट-पॅरेंट समुदायाची उच्च-दर्जाचे, संतुलित पोषण आणि पाळीव प्राण्यांच्या सर्वांगीण आरोग्याची गरज पूर्ण करण्याच्या उद्देशाने हे लाँच करण्यात आले.
भारतातील पेट केअर क्षेत्रात पुणे हे एक महत्त्वाचे मार्केट म्हणून उदयास आले आहे. सुमारे ७३ लाख लोकसंख्या असलेल्या या शहरात ३ लाखांहून अधिक पाळीव प्राणी असून, या संख्येत दरवर्षी सुमारे १३ टक्क्यांनी वाढ होत आहे. वाढते पाळीव प्राणी संगोपन, प्रीमियम उत्पादनांकडे ग्राहकांचा वाढता कल आणि सक्षम पेट केअर इकोसिस्टम यामुळे शहरात दर्जेदार पेट न्यूट्रिशनसाठी मोठी संधी निर्माण झाली आहे. पेट स्टोअर्स, विशेष पशुवैद्यकीय सेवा, सक्रिय पेट-पॅरेंट समुदाय तसेच ई-कॉमर्स आणि क्विक-कॉमर्सचा वाढता वापर या बाजारपेठेला आणखी बळकटी देत आहेत. आर्थिकदृष्ट्या सक्षम ग्राहकवर्ग आणि उच्च दर्जाच्या उत्पादनांची वाढती मागणी यामुळे स्नगल्ससाठी पुणे हे महत्त्वाचे मार्केट ठरते.
विप्रो कन्झ्युमर केअर अँड लायटिंग (भारत) चे पेट केअरचे मॅनेजिंग पार्टनर डॉ. सौरभ शेखर म्हणाले, “भारतातील जास्तीत जास्त पेट-पॅरेंट्सपर्यंत स्नगल्स पोहोचवण्याच्या आमच्या प्रवासात पुणे हे एक महत्त्वाचे पाऊल आहे. पेट-पॅरेंट्स आता अधिकाधिक दर्जेदार आणि पोषक पर्यायांच्या शोधात आहेत, त्यामुळे आम्हाला या मार्केटमध्ये ब्रँडसाठी मोठी क्षमता दिसते. पाळीव प्राणी आणि त्यांच्या कुटुंबांच्या बदलत्या गरजा पूर्ण करणारे विचारपूर्वक तयार केलेले पोषण देऊन, पेट-पॅरेंटिंगच्या प्रवासात स्नगल्सला एक विश्वासू साथीदार बनवण्याचे आमचे ध्येय आहे. जसजसा आमचा विस्तार होत जाईल, तसतसे आम्ही ग्राहकांकडून शिकत राहू आणि प्रत्येक मार्केटमध्ये विचारपूर्वक आमचा ब्रँड उभा करू.”
पाळीव प्राणी आणि त्यांच्या कुटुंबातील नाते जसजसे अधिक घट्ट होत आहे, तसतसे पेट-पॅरेंट्स पोषण आणि आरोग्याकडे जास्त लक्ष देत आहेत. या नात्यातील आपुलकी आणि प्रेमातून प्रेरणा घेत, स्नगल्स हे नाव पाळीव प्राण्यांच्या आयुष्यातील प्रत्येक टप्प्यावर विचारपूर्वक पोषण आणि काळजी देण्याच्या ब्रँडच्या बांधिलकीला दर्शवते.
भारतातील पेट फूड मार्केटमध्ये सध्या महत्त्वपूर्ण बदल होत असून, ६७% पेट-पॅरेंट्स पहिल्यांदाच पाळीव प्राणी पाळत आहेत. पाळीव प्राण्यांकडे कुटुंबातील सदस्य म्हणून पाहण्याचा कल वाढत असल्याने, त्यांच्या आहार आणि आरोग्याकडेही अधिक गांभीर्याने पाहिले जात आहे. त्यामुळे वय, जीवनशैली आणि विशिष्ट गरजा लक्षात घेऊन शास्त्रशुद्ध पद्धतीने तयार केलेल्या संतुलित आहाराची मागणी वाढत आहे.
याच पार्श्वभूमीवर, स्नगल्सने पुण्यातील ड्राय डॉग फूड मार्केटमध्ये प्रवेश केला आहे. मानवांसाठी योग्य असलेल्या घटकांपासून तयार केलेल्या या उत्पादनात किबल आणि फ्रीझ-ड्राईड चिकनचे अनोखे मिश्रण आहे. अनुभवी पशुवैद्यकांच्या मार्गदर्शनाखाली विकसित केलेल्या या खाद्याची पोषणमूल्ये, चव आणि गुणवत्ता सुनिश्चित करण्यासाठी जागतिक दर्जाच्या प्रयोगशाळांमध्ये तसेच भारतातील विविध भौगोलिक परिस्थितींमध्ये व्यापक चाचण्या घेण्यात आल्या आहेत.
या उत्पादनांमध्ये पाळीव प्राण्यांच्या आरोग्य आणि विकासासाठी आवश्यक पोषक घटकांचा समावेश करण्यात आला आहे. स्नायूंच्या विकासासाठी प्रीमियम प्रोटीन, मेंदू आणि डोळ्यांच्या विकासासाठी डीएचए व व्हिटॅमिन ए, पचनक्रिया सुरळीत ठेवण्यासाठी प्रीबायोटिक्स व पोस्टबायोटिक्स, तसेच निरोगी त्वचा आणि चमकदार केसांसाठी ओमेगा ३ व ६ आणि साल्मन ऑईल यांचा त्यात समावेश आहे. जागतिक दर्जाचे पोषण भारतीय ग्राहकांना योग्य किमतीत उपलब्ध करून देण्याच्या उद्देशाने स्नगल्सने ही श्रेणी विकसित केली आहे.
या प्रारंभिक श्रेणीत पाळीव प्राण्यांचे वय आणि आकार लक्षात घेऊन तीन प्रकार उपलब्ध आहेत: पप्पी ऑल ब्रीड्स, अडल्ट स्मॉल ब्रीड आणि अडल्ट मिडीयम अँड लार्ज ब्रीड. ही उत्पादने पेट रिटेल स्टोअर्स, पशुवैद्यकीय दवाखाने, आधुनिक रिटेल स्टोअर्स, ई-कॉमर्स आणि क्विक-कॉमर्स प्लॅटफॉर्मवर उपलब्ध असतील. विप्रोच्या विस्तृत डिस्ट्रिब्युशन नेटवर्कच्या माध्यमातून ही उत्पादने देशभरातील ग्राहकांपर्यंत पोहोचवण्याचे कंपनीचे उद्दिष्ट आहे.
ही श्रेणी १ किलो, ३ किलो, ५ किलो आणि १० किलोच्या पॅकमध्ये उपलब्ध असून, त्यांची किंमत ५३० रु
पयांपासून सुरू होते.
