पुणे, १३ नोव्हेंबर २०२६: हिवाळ्याची चाहूल लागताच घराघरांत बाहेर काढली जाणारी च्यवनप्राशची परिचित बरणी आणि आजी-आजोबांनी किंवा आई-वडिलांनी प्रेमाने खाऊ घातलेला च्यवनप्राशचा चमचा, हे चित्र भारतीय कुटुंबांच्या दैनंदिन जीवनाचा अविभाज्य भाग राहिले आहे. आजचे ग्राहक आपल्या आरोग्याबाबत अधिक सजग होत असताना, या पारंपरिक सवयीतून एक महत्त्वाचा विचार पुढे येत आहे — तो म्हणजे केवळ एका ऋतूपुरते मर्यादित न राहता वर्षभर आरोग्याची काळजी घेणे.
डाबर च्यवनप्राशने हीच संकल्पना ‘आतून बळकटी’ (Strength from Within) या विचाराभोवती केंद्रित केली आहे. रोगप्रतिकारशक्ती वाढवण्याच्या आपल्या पारंपरिक ओळखीचा विस्तार करत, ब्रँडने ‘ट्रिपल-ॲक्शन’ (तिहेरी कृती) ही संकल्पना मांडली आहे. यामध्ये शरीर (Body), अवयव (Organs) आणि पेशी (Cells) या तीन स्तरांवर मिळणाऱ्या संरक्षणावर प्रकाश टाकण्यात आला आहे, ज्यामुळे ग्राहकांना या उत्पादनाच्या सखोल फायद्यांची अधिक स्पष्ट माहिती मिळते.
या संकल्पनेमागे एक साधे निरीक्षण आहे: बहुतांश लोक आपल्या आरोग्याचे मोजमाप बाहेरून दिसणाऱ्या तंदुरुस्तीवरून किंवा दिवसभराच्या धावपळीत टिकून राहण्याच्या क्षमतेवरून करतात. मात्र, दैनंदिन सुदृढतेसाठी शरीराच्या अंतर्गत गरजांकडे लक्ष देणेही तितकेच महत्त्वाचे असते. डाबर च्यवनप्राशसाठी हीच बाब एक परिचित आयुर्वेदिक औषधीला आधुनिक जीवनशैलीतील आरोग्य सवयींशी जोडण्याची उत्तम संधी ठरली आहे.
डाबर इंडिया लिमिटेडचे मार्केटिंग डायरेक्टर श्रीराम पद्मनाभन याप्रसंगी म्हणाले, “पिढ्यान्‌पिढ्या कुटुंबांनी आपल्या आरोग्य सवयींचा एक भाग म्हणून डाबर च्यवनप्राशवर विश्वास ठेवला आहे. ही जवळीक आमची ताकद असली, तरी ज्या उत्पादनासोबत ग्राहक लहानाचे मोठे झाले आहेत, त्यामागील नेमके फायदे त्यांना अधिक चांगल्या प्रकारे समजावून सांगण्याची ही एक संधी आहे. आमची ‘ट्रिपल-ॲक्शन’ संकल्पना शरीर, अवयव आणि पेशी या तिन्ही स्तरांवरील संरक्षणावर विशेष भर देते. ही समज अधिक दृढ करून, ग्राहकांनी च्यवनप्राशकडे केवळ हिवाळ्यापुरते मर्यादित न पाहता दैनंदिन आरोग्य काळजीचा भाग म्हणून पाहावे, यासाठी आम्ही प्रयत्नशील आहोत.”
हा दृष्टिकोन विशेषतः अशा तरुण ग्राहकांसाठी अधिक समर्पक आहे, जे आता स्वतःच्या आरोग्याबाबत स्वतंत्र निर्णय घेऊ लागले आहेत. कुटुंबाकडूनच त्यांना च्यवनप्राशची ओळख झालेली असली, तरी आता ते आपल्या दैनंदिन जीवनात या परिचित उत्पादनांचा समावेश करण्यामागील ठोस कारणे शोधत आहेत. उत्पादनाचे फायदे स्पष्ट केल्यामुळे केवळ पिढीजात सवय म्हणून नव्हे, तर एका जाणीवपूर्वक घेतलेल्या निर्णयाच्या आधारावर त्यांना च्यवनप्राशची निवड करणे सोपे होते.
डाबर इंडिया लिमिटेडच्या हेल्थ सप्लिमेंट्स विभागाचे मार्केटिंग हेड बिनित कुमार म्हणाले, “डाबर च्यवनप्राश नेहमीच कुटुंबाची काळजी आणि सुदृढतेशी जोडले गेले आहे. ग्राहक आपल्या आरोग्याबाबत अधिक सक्रिय होत असताना, उत्पादनाच्या व्यापक फायद्यांबद्दल जागरूकता वाढवण्याची संधी आम्हाला दिसत आहे. च्यवनप्राश आतून संरक्षण कसे देते, हे ‘ट्रिपल-ॲक्शन’ संकल्पनेतून सहज स्पष्ट होते. त्यामुळे सर्वच पिढ्यांच्या दैनंदिन आरोग्य दिनचर्येत याचा नैसर्गिकरीत्या समावेश करणे सोपे जाते.”
ब्रँडसाठी ही पिढ्यान्‌पिढ्या चालत आलेल्या विश्वासाला आरोग्याप्रती असलेल्या अधिक सजग दृष्टिकोनाशी जोडण्याची एक महत्त्वाची संधी आहे. डाबरचा आयुर्वेदिक वारसा उत्पादनाला आपलेपणा देतो, तर ‘ट्रिपल-ॲक्शन’ ही संकल्पना अंतर्गत संरक्षणाचे महत्त्व अत्यंत सोप्या भाषेत समजावून सांगते.
हंगामी रोगप्रतिकारशक्तीच्या पलीकडे जाऊन हा संवाद अधिक व्यापक करत, डाबर च्यवनप्राश एका जुन्या कौटुंबिक परंपरेला दैनंदिन जीवनाशी जोडण्याचा प्रयत्न करत आहे. या माध्यमातून निरोगी राहण्याच्या प्रवासात ‘आतील बळकटीला’ सातत्यपूर्ण स्थान देण्यासाठी ग्राहकांना प्रोत्साहित केले
जात आहे.
