जपानच्या टेलिमॅक्स सेवांमधील आघाडीची कंपनी सेको सोल्युशन्सने पुण्यातील IoT सोल्यूशन्समध्ये काम करणाऱ्या इंडिकस सॉफ्टवेअर कंपनीशी टेलिमॅटिक्स सेवांच्या क्षेत्रामध्ये बदल घडवून आणण्यासाठी एक महत्त्वाचा करार केला आहे. या करारामुळे वेगाने बदलणाऱ्या मार्केटच्या अनुषंगाने टेलीमॅटिक्स सेवा विकसित करण्यासाठी सेको सोल्युशन्सचा पुढाकार लक्षात येतो.
2011 मध्ये टेलिमॅटिक्स क्षेत्रात प्रवेश केल्यापासून, सेको सोल्युशन्स सर्वसमावेशक टेलिमॅटिक्स सेवा वितरीत करण्यासाठी मालकी संवाद तंत्रज्ञान आणि IoT नवकल्पनांचा वापर करण्यात आघाडीवर आहे. यामध्ये प्रामुख्याने ऑटोमोबाईल कंपन्या आणि भाडेतत्वावर देणाऱ्या कंपन्यांचा समावेश आहे. इंडिकस सॉफ्टवेअरसोबतची ही भागीदारी सेवांमध्ये प्रगत कस्टमायझेशन क्षमतांचा समावेश करून ग्राहकांच्या वाढत्या मागण्या पूर्ण करण्यासाठी सेको सोल्युशन्सची क्षमता धोरणात्मकरित्या सिंद्ध करते.
सेको सोल्युशन्सची फ्लीट सेवा ‘ड्राइव्हक्लाउड+’ चा विस्तार करण्यासाठी जेन एआय आणि लो-कोड/नो-कोड तंत्रज्ञानाद्वारे चालवलेल्या इंडिकस सॉफ्टवेअरच्या अत्याधुनिक IoT प्लॅटफॉर्म ‘कंटिनेओ’ चा वापर करण्याचा या कराराचा हेतू आहे. या करारामुळे सेकोला मोठ्या प्रमाणात चालना मिळेल अशी अपेक्षा आहे. तसेच हा करार विकसनशील ग्राहकांच्या गरजा पूर्ण करण्याची आणि टेलिमॅटिक्स क्षेत्रात त्याचा ठसा उमठवण्यासाठी फायदेशीर ठरेल अशी सेको सोल्युशन्सला अपेक्षा आहे.
या कराराबद्दल बोलताना सेको सोल्युशन्सचे अध्यक्ष जुन सेकिन म्हणाले, “आमचे नाविन्यपूर्ण संवाद तंत्रज्ञान आणि इंडिकसचे अत्याधुनिक IoT सोल्यूशन्स विविध उद्योगांमध्ये आमच्या ग्राहकांना अतुलनीय गोष्टी देऊ करतात. इंडिकस सॉफ्टवेअरसोबतची आमची भागीदारी टेलिमॅटिक्स सेवांमध्ये क्रांती घडवण्याच्या आमच्या प्रवासातील एक महत्त्वाचा क्षण आहे. आमचे उद्दिष्ट हे आहे की आमचा एकत्रित अनुभव वापरून असे उपाय विकसित करणे जे केवळ ग्राहकांच्या अपेक्षांची पूर्तता करत नाहीत तर ते अर्थपूर्ण मार्गाने देखील आहेत.”
यावेळी इंडिकस सॉफ्टवेअरच्या सीईओ शिल्पा व्यापारी म्हणाल्या, “आम्ही सेको सोल्युशन्ससोबत काम करण्यास खूप उत्सुक आहोत. या भागीदारीद्वारे, आम्ही टेलीमॅटिक्स कंपन्यांना आमच्या ‘कंटिनेओ’ प्लॅटफॉर्मची पूर्ण क्षमता दाखवू शकतो ज्यामुळे नावीन्यपूर्णतेला चालना मिळते आणि गुंतवणुकीवरील
परतावा सुधारेल. ही भागीदारी औद्योगिक ज्ञानाला तंत्रज्ञानाच्या पराक्रमाशी जोडते. एकत्रितपणे, आम्हाला खात्री आहे की आम्ही टेलीमॅटिक्स सेवा संधींचा विस्तार करू शकतो.”
काय आहे ‘कंटिनेओ’?
कंटिनेओची मालकी इंडिकस सॉफ्टवेअरकडे आहे. कंटिनेओ एक AI X IoT डिजिटल ट्रान्सफॉर्मेशन प्लॅटफॉर्म आहे. जो त्याच्या नाविन्यपूर्ण लो-कोड आणि नो-कोड (LCNC) सह मल्टी-टेनंट ऍप्लिकेशन्स आणि मायक्रोसर्व्हिसेसचा विकास करण्यास सक्षम करतो आणि विविध क्षेत्रातील केलेल्या कामांचा ट्रॅक रेकॉर्ड ठेवतो. जसे की फॅक्टरी डिएक्स, टेलिमॅटिक्स, लाईफ सायन्सेस, रिटेल आणि स्मार्ट सिटीज्.
याव्यतिरिक्त, ‘NeoPilot Generative AI Conversational Assistant’ जो या वर्षी रिलीज होणार आहे, नैसर्गिक भाषा (NLP) वापरून कंटिनेओ ॲप्लिकेशन्स तयार करण्यासाठी आणि तो बसवण्यासाठी एआय एजंट ऑर्केस्ट्रेशनचा वापर करेल.
IoT बिग-डेटा प्लॅटफॉर्म असलेले कंटिनेओ आधीच सेको सोल्युशन्स कॉर्पोरेट सुरक्षित ड्रायव्हिंग सपोर्ट क्लाउड सर्व्हिस ‘DriveCloud+’ च्या सहकार्याने बेस प्लॅटफॉर्म म्हणून कार्यरत आहे. यासह वाहनातील उपकरणांच्या अंतर्भूत डेटाच्या आधारे ड्रायव्हिंग स्थितींमध्ये दृश्यमानता आणणारी सेवा तयार आणि ऑपरेट करण्याची क्षमता सिद्ध केली आहे.
या व्यावसायिक भागिदारीद्वारे, सेको सोल्युशन्स आणि इंडिकस सॉफ्टवेअर नव्या ग्राहकांच्या गरजा पूर्ण करण्यासाठी आणि टेलीमॅटिक्स व्यवसायाचा विस्तार करण्यासाठी त्यांची ताकद एकत्रीतपणे वापरतील. सेको सोल्युशन्स आपल्या तंत्रज्ञानाचा वापर उद्योगात योगदान देण्यासाठी करत राहील ज्यामध्ये ऑटोमोबाईल वाहतूक हे वाहतुकीचे नवीन साधन म्हणून विविध स्वरूप धारण करेल अशी अपेक्षा आहे.
या करारावर स्वाक्षरी केल्यामुळे, इंडिकस सॉफ्टवेअर आणि सेको सोल्युशन्स टेलीमॅटिक्स उद्योगात विकास, नावीन्य आणि प्रतिसाद वाढवण्यासाठी एकत्र काम करू शकतात, ज्यामुळे दोन्ही कंपन्यांसाठी एक नवीन अध्या
य सुरू होईल.
