विद्यार्थ्यांनी मार्केटबाबत सतत अद्ययावत राहिले पाहिजे, तसेच सैद्धांतिक अभ्यासाबरोबर प्रात्यक्षिकांवर भर द्यावा, असे मत बजाज ऑटो लिमिटेड कंपनीच्या सीएसआर विभागाचे उपाध्यक्ष सुधाकर गुडीपती यांनी व्यक्त केले.
डीईएस पुणे विद्यापीठात श्री. मुकुंददास लोहिया यांच्या नावाने पीजीडी स्टडी आणि फिल्म अँड ड्रॉमॅटिक्स या दोन विभागांचे आणि बिझनेस अँड मॅनेजमेंट या विषयावरील व्याख्यानमालेचे उद्घाटन गुडीपती यांच्या हस्ते करण्यात आले.
डीईएसचे अध्यक्ष प्रमोद रावत, उपाध्यक्ष ऍड. अशोक पलांडे, कार्यवाह डॉ. आनंद काटिकर, कुलगुरू डॉ. प्रसाद खांडेकर, उद्योगपती पुरुषोत्तमदास लोहिया, सी. ए. विनीत देव यांची प्रमुख उपस्थिती होती.
देव म्हणाले, ” विकसित भारतासाठी विद्यार्थ्यांनी नवनवीन कौशल्ये आत्मसात करून प्रयोगशील राहिले पाहिजे. शाश्वत विकास व पर्यावरणाचे रक्षण महत्त्वाचे आहे.”
डॉ. खांडेकर म्हणाले, “डीईएस पुणे विद्यापीठाच्या नवीन लोहिया कॉम्प्लेक्ससाठी लोहिया कुटुंबियांनी दिलेल्या योगदानाबद्दल संस्था कृतज्ञ आहे.”
