तळेगाव: भारतात कर्करोगाचे रुग्ण चिंताजनकपणे वाढत आहेत. कर्करोगाच्या रुग्णांना आणि त्यांच्या कुटुंबियांना भेडसावणाऱ्या शारीरिक, भावनिक आणि मानसिक आव्हानांना तोंड देण्यासाठी टीजीएच ऑन्कोलाइफ कॅन्सर हॉस्पिटलने व्ही केअर फाउंडेशनच्या संयुक्त विद्यमाने त्यांचा पहिला ‘ऑन्कोलाइफ योद्धा’ पेशंट सपोर्ट ग्रुप सुरू केला आहे. यात कर्करुग्ण, कर्करोगावर मात केलेले रुग्ण आणि त्यांच्या कुटुंबियांना एकत्र येण्यासाठी, त्यांचे अनुभव सादर करण्यासाठी तसेच एकमेकांच्या अनुभवांमधून प्रेरणा व प्रोत्साहन देण्याचे काम करते. याठिकाणी लाफ्टर योगा क्लबचे श्री. अशोक भाकरे, सीएसआर च्या संचालिका डॉ. नेहा कुलकर्णी, व्ही केअर फाउंडेशनच्या संस्थापक श्रीमती वंदना गुप्ता, सेंटर हेड डॉ. संतोष साहू, ऑन्को लाईफ हॉस्पिटलचे व्यवस्थापकीय संचालक सचिन देशमुख आदी मान्यवर उपस्थित होते.
याठिकाणी आयोजित पहिल्या सपोर्ट ग्रुप मीटमध्ये 35 हून अधिक रुग्ण, कर्करोगावर मात केलेले योध्दा आणि त्यांचे कुटुंब उपस्थित होते. लाफ्टर योगा क्लबचे श्री. अशोक भाकरे आणि त्यांच्या टीमने आयोजित हास्य सत्राने उपस्थितांचा उत्साह वाढला. सीएसआर च्या संचालिका डॉ. नेहा कुलकर्णी यांनी जीवनातील आव्हानांना स्वीकारण्यावर त्यांच्या प्रेरक भाषणाने प्रेक्षकांना प्रेरित केले, तर व्ही केअर फाउंडेशनच्या संस्थापक आणि स्वतः स्तनाच्या कर्करोगातून वाचलेल्या श्रीमती वंदना गुप्ता यांनी त्यांच्या प्रेरणादायी प्रवासाचे वर्णन केले.
गेल्या काही वर्षांत भारतात कर्करोगाच्या रुग्णांमध्ये चिंताजनक वाढ होत आहे, लाखो लोक या आजाराशी झुंजत आहेत आणि अनेकांना त्यांचा मौल्यवान जीव गमवावा लागत आहेत. यासाठी वैद्यकीय उपचारांच्या पलीकडे जाणाऱ्या आणि भावनिक आणि मानसिक आधारासह विशेष आधाराची आवश्यकता आहे. टीजीएच ऑन्कोलाइफ कॅन्सर हॉस्पिटलने रुग्णांना आणि त्यांच्या कुटुंबियांना अनुभवांची देवाणघेवाण करण्यासाठी, त्यांच्या पुढील प्रवासासाठी प्रेरणा देण्यासाठी एक सपोर्ट ग्रुप तयार केला आहे. हा सपोर्ट ग्रुप कर्करोगाच्या रुग्णांसाठी आणि त्यांच्या कुटुंबियांसाठी वरदान ठरेल.
ऑन्को लाईफ हॉस्पिटलचे व्यवस्थापकीय संचालक सचिन देशमुख सांगतात की, “ऑन्को लाईफ योद्धा’ पेशंट सपोर्ट ग्रुप हा कर्करुग्णांना आधार देण्याचे काम करते. बरे केवळ शारीरिक उपचाराच नाही तर प्रोत्साहानाचीही तितकीच गरज असते. कर्करोगाविरुद्धच्या लढाईत कोणीही एकटे पडणार नाही हे आमचे मुख्य ध्येय आहे. एकत्रितपणे आपण कर्करोगावर मात करू शकतो आणि आम्हाला आशा आहे की हा सपोर्ट ग्रुप असंख्य लोकांना कर्करोगाविरुद्ध लढण्यासाठी प्रेरित करेल.
सेंटर हेड डॉ. संतोष साहू यांनी सांगतात की, कर्करोगाचे निदान केवळ रुग्णांसाठीच नाही तर त्यांच्या कुटुंबियांसाठीही तितकेच धक्कादायक असते. कर्करोगाचा परिणाम एखाद्याच्या जीवनाच्या प्रत्येक पैलूवर होतो. या सपोर्ट ग्रुपद्वारे, आम्ही एक असे वातावरण तयार करत आहोत जिथे रुग्ण आणि त्यांच्या कुटुंबियांना योग्य सल्ला, भावनिक आधार आणि प्रेरणा मिळू शकते. योग्य वेळी योग्य आधार देऊन, आम्ही रुग्णांना त्यांच्या आव्हानांना तोंड देण्यास मदत करतो. आम्हाला आशा आहे की या उपक्रमातून रुग्ण, आणि त्यांच्या कुटुंबियांना या आजाराशी लढण्यास नक्कीच मदत होईल.
