पुणे : राष्ट्रीय कला अकादमी (न्यास) आणि नू.म.वि. प्रशाला व कनिष्ठ महाविद्यालय यांच्या संयुक्त विद्यमाने ‘अवघा रंग एक झाला’ या गालिचा रंगावली प्रदर्शनाचे आयोजन करण्यात आले आहे. दि. २५ आणि २६ जानेवारी रोजी अप्पा बळवंत चौकातील नू.म.वि. प्रशालेत सकाळी ९ ते रात्री ९ यावेळेत हे प्रदर्शन होणार आहे, अशी माहिती राष्ट्रीय कला अकादमीच्या संचालिका रोमा अमर लांडे यांनी दिली.
प्रदर्शनाचे उद्घाटन २५ जानेवारी रोजी सकाळी ९ वाजता होणार आहे. राष्ट्रीय कला अकादमीचे २७ व्या वर्षात पदार्पण झाले आहे. त्यानिमित्त संस्थेच्या कला साधकांच्या सहयोगाने हे प्रदर्शन आयोजित करण्यात आले आहे. प्रदर्शनाचे यंदा ६ थे वर्ष आहे.
वंदे मातरम, दिनविशेष, पारंपारिक खेळ, विविध पारंपारिक सांज (दागिने), थ्री डी रांगोळी अशा विविध गालीचा रांगोळी पाहण्याची संधी पुणेकरांना मिळणार आहे. प्रदर्शन पाहण्यासाठी विनामूल्य प्रवेश आहे.
