सैनिक कल्याण विभागाच्या संकेतस्थळावर नोंदणी करण्याचे आवाहन

पुणे, दि. 4 : सैनिक कल्याण विभागामार्फत माजी सैनिक, माजी सैनिक विधवा, वीरपत्नी, वीरमाता व वीरपिता यांना ऑनलाईन पद्धतीने आर्थिक मदतीचा लाभ घेण्याकरीता www.ksb.gov.in या संकेतस्थळावर नवीन ओळखपत्राकरिता नोंदणी करण्याचे आवाहन करण्यात येत आहे.
सेवानिवृत्त सैनिकी अधिकारी, माजी सैनिक, माजी सैनिक विधवा, वीरपत्नी, वीरमाता व वीरपिता यांनी सैनिक कल्याण विभागाच्या www.mahasainik.maharashtra.gov.in या संकेतस्थळावर नोंदणी करावी. नोंदणी केल्यानंतर कागदपत्रांसह जिल्हा सैनिक कल्याण कार्यालय, नवीन प्रशासकीय इमारत, चौथा मजला, बी. विंग, विधानसमोर पुणे-1 येथे अर्जाची मूळ प्रत जमा करुन आपली माहिती अद्यावत करावी तसेच नवीन ओळखपत्रही प्राप्त करुन घ्यावे, असे आवाहन जिल्हा सैनिक कल्याण अधिकारी ले.कर्नल हंगे स.दै. (नि) यांनी केले आहे.
00000