पुणे,दि. १६ डिसेंबर: शास्त्रीय संगीतात रूची ठेवणार्यांसाठी ‘स्वरयज्ञ’ तर्फे डॉ. पं. प्रविण गावकर यांचे शास्त्रीय संगीतावरील रियाजाच्या स्वरसंध्या ‘या ३ दिवसीय निवासी शिबिराचे आयोजन करण्यात आले आहे. हे शिबिर २२ ते २४ डिसेंबर २०२३ रोजी गोवा येथील साळ मधील राऊत फार्म या निसर्ग रम्य ठिकाणी होणार आहे. वय वर्ष ८ ते ६० वर्षापर्यंत कोणीही या शिबिरात सहभागी होऊ शकतात. देशभरातून संगीतप्रेमी या शिबिरात भाग घेतात.
सर्वांना परवडेल अक्षा वाजवी फी मध्ये सतत १६ वर्षे आयोजित होणारे
अशा प्रकारचे हे एकमेव शिबिर आहे.
या संदर्भात अधिक माहितीसाठी मो.नं. ९११२३७६०२८ वर संपर्क साधावा. तसेच जास्तीत जास्त नागरिकांनी यात सहभाग घ्यावा. असे आवाहन प्रसिद्ध गप्पाष्टककार डॉ. संजय उपाध्ये यांनी केले.
तीन दिवसीय शिबिरात
डॉ.संजय उपाघ्ये यांची शास्त्रीय संगीत व भारतीय संस्कृती यावर प्रवचने होणार असून आरोग्य, योग आणि आनंदी जीवन या विषयावर सुद्धा मार्गदर्शन केले जाणार आहे. यामध्ये ग्वाल्हेर घराण्याचे थोर आणि ज्येष्ठ शास्त्रीय गायक पं. लक्ष्मण कृष्णराव
पंडित यांच्या मार्गर्गदर्शनाखाली रियाज होणार आहे. तसेच वैद्य दिवाकरपंत बालावलकर व डॉ. अनुपमा पुरचटकर यांचे ही मार्गदर्शन लाभणार आहे.
भारतीय संस्कृतीची जपवणूक करणारे हे शिबिर आहे. तीन दिवस ज्यांना केवळ शास्त्रीय संगीत ऐकायचे आहे किंवा रियाज करावयाचा आहे त्यांना ही पर्वणीच आहे. या शिबिराला दरवर्ष शेकडो उत्साही नागरिक सहभागी होत असतात. त्यामुळे हे केवळ शास्त्रीय संगीताचे संमेलन आहे असे म्हणू शकतो.
००००००
