भविष्यासाठी सज्ज भारतीय उद्योगांसाठी शोकेस – इंडस्ट्रीयल एआय, इंडस्ट्रीयल सिम्युलेशन, एआय कारखाने, डिजिटल ग्रीड्स, ऑटोनॉमस बिल्डींग्स, इंडस्ट्रीयल एआय, डिजिटल ट्विन्स, नेक्स्ट-जन ऑटोमेशन आणि एनर्जी सिस्टिम्स
विविध उद्योगांमध्ये लागू केलेले 700+ डिजिटल संदर्भ | 25 धोरणात्मक ईकोसिस्टम पार्टनर्स
लक्ष केंद्रित क्षेत्रे: ऑटोमोटिव्ह, डेटा सेंटर्स, मोबिलिटी, लाईफ सायन्सेस, पॉवर युटिलिटीज, सेमीकंडक्टर्स आणि पाणी व सांडपाणी व्यवस्थापन
आज सीमेंस ने आपल्या प्रमुख कार्यक्रम ट्रान्सफॉर्म – सीमेंस इनोव्हेशन डे 2026 मध्ये इंडस्ट्रीयल एआय, डिजिटल ट्विन्स, ऑटोमेशन आणि इलेक्ट्रिफिकेशन या क्षेत्रांमध्ये भारतातील तंत्रज्ञान नेतृत्व अधिक पक्के केले. या कार्यक्रमात CXO, उद्योग क्षेत्रातील नेते, धोरणनिर्माते, भागीदार आणि तंत्रज्ञान तज्ज्ञ एकत्र आले होते, जेणेकरून सीमेंस भारताच्या औद्योगिक, पायाभूत सुविधा आणि गतिशीलता परिवर्तनाच्या पुढील अध्यायाला जलद, मोठ्या प्रमाणात आणि मोजता येण्याजोग्या परिणामासह कसे आकार देत आहे याचा अनुभव घेता येईल. सीमेंस ने 25 इकोसिस्टम भागीदारांच्या सहकार्याने भारतभर विविध उद्योगांमध्ये 700 पेक्षा अधिक डिजिटल संदर्भांची अंमलबजावणी केली आहे.
आपल्या भाषणात डॉ. पीटर कोएर्टे, मेंबर ऑफ द मॅनेजिंग बोर्ड, चीफ टेक्नॉलॉजी ऑफिसर आणि चीफ स्ट्रॅटेजी ऑफिसर, सीमेंस एजी म्हणाले, “एआय क्रांती या शतकासाठी तितकीच परिवर्तनकारी आहे, जितकी मागील शतकासाठी वीज होती. आता महत्त्वाचे म्हणजे एआय ला उद्योगांच्या वास्तविक जगात आणणे – कारखान्यांमध्ये, पायाभूत सुविधांमध्ये आणि ऊर्जा प्रणालींमध्ये. भारत या परिवर्तनात केवळ एक महत्त्वाचा घटक नाही, तर एक महत्त्वाचा नेता आहे. देशातील 150 वर्षांच्या भागीदारीसह, इंडस्ट्रीयल एआय ची क्षमता प्रत्यक्ष परिणामांमध्ये रूपांतरित करण्यासाठी एकत्र काम करत असल्याचा सीमेंस ला अभिमान आहे.”
सुनील माथुर, मॅनेजिंग डायरेक्टर आणि चीफ एक्झिक्युटिव्ह ऑफिसर, सीमेंस लिमिटेड आपल्या उद्घाटनपर भाषणात म्हणाले, “भारताची अर्थव्यवस्था वेगाने वाढत असताना आणि उद्योगांचे आधुनिकीकरण होत असताना, व्यवसायांनी उत्पादकता वाढवण्यासाठी, लवचिकता मजबूत करण्यासाठी आणि डिकार्बनायझेशन साध्य करण्यासाठी डिजिटलायझेशन, इंडस्ट्रीयल एआय आणि ऑटोमेशनचा किती प्रभावीपणे उपयोग केला यावर त्यांची स्पर्धात्मकता अवलंबून असेल. ट्रान्सफॉर्म 2026 मध्ये आम्ही सीमेंस इकोसिस्टमची ताकद प्रदर्शित करत आहोत—जिथे वास्तविक जग आणि डिजिटल जग एकत्र येतात—ज्यामुळे भारतीय उद्योगांना त्यांच्या महत्त्वाकांक्षा ह्या प्रत्यक्ष अंमलबजावणीत रूपांतरित करता येतील आणि दैनंदिन कार्यपद्धतींना दीर्घकालीन वाढीच्या इंजिनमध्ये बदलता येईल.”
भारतीय उद्योग आधुनिकीकरण, डिकार्बनायझेशन आणि लवचिकता निर्माण करण्यासाठी वेगाने पुढे जात असताना, ट्रान्सफॉर्म – सीमेंस इनोव्हेशन डे 2026 मध्ये सीमेंस कशाप्रकारे अत्याधुनिक तंत्रज्ञानांचे जसे एआय -आधारित कारखाने, हायपरस्केल डेटा सेंटर्स, इंटीलीजेंट बिल्डिंग, सस्टेनेबल मोबिलिटी आणि भविष्यासाठी सज्ज पॉवर ग्रिडपर्यंत प्रत्यक्ष परिणामांमध्ये रूपांतर करत आहे हे सादर करण्यात आले. सीमेंस ने दाखवून दिले की इंडस्ट्रीयल एआय आता केवळ प्रयोगाच्या टप्प्यात न राहता उद्योगांमध्ये व्यापक स्तरावर वापरात येत आहे. लाईव्ह शोकेसमध्ये दाखवण्यात आले की एआय, ऑटोमेशन, सॉफ्टवेअर आणि इलेक्ट्रिफिकेशन यांचे एकत्रीकरण करून ग्राहकांना उत्पादकता आणि उत्पादन क्षमता वाढवता येते, डाउनटाइम आणि ऊर्जा वापर कमी करता येतो, डिजिटल ट्विन्स आणि सिम्युलेशनच्या मदतीने डिझाइन ते उत्पादनाचा कालावधी कमी करता येतो, तसेच कारखाने, पायाभूत सुविधा आणि युटिलिटीजमध्ये मालमत्तेची कार्यक्षमता आणि लवचिकता सुधारता येते.
इंडस्ट्रीयल एआय, डिजिटल ट्विन्स, ऑटोमेशन सॉफ्टवेअर, इलेक्ट्रिफिकेशन आणि सायबरसिक्युरिटीवर काम करणारे 10,000 पेक्षा अधिक इंजिनियर्स, सॉफ्टवेअर आर्किटेक्ट्स आणि क्षेत्रातील तज्ञ यांच्या सहकार्याने, बेंगळुरू आणि पुणे येथील सीमेंस चे ग्लोबल इनोव्हेशन आणि डेव्हलपमेंट सेंटर्स कंपनीच्या जागतिक तंत्रज्ञान रोडमॅपमध्ये महत्त्वाची भूमिका बजावत आहेत.
भारतामधील आमचे सॉफ्टवेअर इंजिनियर्स काही महत्त्वाच्या मुख्य तंत्रज्ञानांवर काम करतात, जे जागतिक स्तरावरील अनेक उत्पादन घोषणांचा आधार आहेत. यामध्ये सीमेंस चा डिजिटल रिअॅलिटी व्ह्यूअर आणि अलीकडेच सुरू करण्यात आलेला डिजिटल ट्विन कंपोझर यांचा समावेश आहे. हे दोन्ही उपाय ट्रान्सफॉर्म – सीमेंस इनोव्हेशन डे 2026 मध्ये सादर करण्यात आले. हे उपाय सीमेंस च्या इंडस्ट्रीयल एआय ऑपरेटिंग सिस्टमच्या दृष्टिकोनातील महत्त्वाचे घटक आहेत. यामुळे डिजिटल ट्विन्स केवळ फाइल्स आणि डॅशबोर्डपुरते मर्यादित न राहता अधिक अनुभवात्मक आणि उच्च-गुणवत्तेच्या वातावरणात विकसित होतात, ज्यामुळे संपूर्ण लाइफसायकलमध्ये जलद निर्णय घेणे, पडताळणी आणि ऑप्टिमायझेशन शक्य होते. या उपायांच्या मदतीने संस्था विविध परिस्थितींचे व्हर्च्युअल सिम्युलेशन आणि पडताळणी करू शकतात, जोखीम कमी करू शकतात आणि उत्पादने, प्रक्रिया आणि सुविधांमध्ये नवकल्पना वेगाने पुढे नेऊ शकतात.
सीमेंस लिमिटेड ही उद्योग, पायाभूत सुविधा आणि मोबिलिटी क्षेत्रांवर लक्ष केंद्रित करणारी अग्रगण्य तंत्रज्ञान कंपनी आहे. कंपनीचे उद्दिष्ट म्हणजे प्रत्येकासाठी दैनंदिन जीवनात परिवर्तन घडवणारे तंत्रज्ञान निर्माण करणे. वास्तविक आणि डिजिटल जग एकत्र करून, सीमेंस आपल्या ग्राहकांना डिजिटल आणि शाश्वततेच्या परिवर्तनाला वेग देण्यास सक्षम करते, ज्यामुळे कारखाने अधिक कार्यक्षम, शहरे अधिक राहण्यायोग्य आणि वाहतूक अधिक शाश्वत बनते. अधिक माहितीसाठी इंटरनेटवर www.siemens.co.in येथे भेट द्या.
भविष्यसूचक विधाने: “या दस्तऐवजात सीमेंस च्या व्यवस्थापनाच्या विश्वासांवर आधारित भविष्याभिमुख विधाने समाविष्ट आहेत. ‘anticipate’, ‘believe’, ‘estimate’, ‘forecast’, ‘expect’, ‘intend’, ‘plan’, ‘should’ आणि ‘project’ हे शब्द अशा विधानांची ओळख पटवण्यासाठी वापरले गेले आहेत. ही विधाने भविष्यातील घटनांबाबत कंपनीच्या सध्याच्या दृष्टिकोनाचे प्रतिबिंब दर्शवतात आणि ती विविध जोखमी व अनिश्चिततेच्या अधीन आहेत. अनेक घटकांमुळे प्रत्यक्ष परिणाम येथे नमूद केलेल्या अंदाजांपेक्षा लक्षणीयरीत्या वेगळे असू शकतात. यामध्ये सर्वसाधारण आर्थिक आणि व्यावसायिक परिस्थितीतील बदल, चलन विनिमय दर व व्याजदरांतील बदल, स्पर्धात्मक उत्पादनांची सुरूवात, नवीन उत्पादने किंवा सेवांना अपेक्षित प्रतिसाद न मिळणे आणि व्यवसाय धोरणातील बदल यांचा समावेश होऊ शकतो. प्रत्यक्ष परिणाम येथे दर्शवलेल्या अंदाजांपेक्षा लक्षणीयरीत्या वेगळे असू शकतात. सीमेंस या भविष्याभिमुख विधानांचे अद्यतन करण्याची कोणतीही जबाबदारी स्वीकारण्याचा हे
तू ठेवत नाही.”
