मुंबई/नवी दिल्ली,20 मार्च 2026: एव्हरसॉर्स कॅपिटलच्या पाठबळावर स्थापन झालेल्या अग्रगण्य ग्रीन NBFC इकोफाय ने 380.5 कोटी रुपये (सुमारे USD 42 दशलक्ष) इतक्या नवीन इक्विटी भांडवलाची यशस्वी उभारणी जाहीर केली आहे.
या फंडिंग राऊंडमध्ये दोन प्रमुख जागतिक विकास वित्त संस्था (DFIs) – ब्रिटिश इंटरनॅशनल इन्व्हेस्टमेंट (BII), यूकेची विकास वित्त संस्था आणि इम्पॅक्ट इन्व्हेस्टर, तसेच फिनफंड डिजिटल अॅक्सेस इम्पॅक्ट फंड I (DAIF) ज्याचे व्यवस्थापन फिनफंड, फिनलंडची विकास वित्त संस्था आणि इम्पॅक्ट इन्व्हेस्टर करते – यांनी नवीन गुंतवणूकदार म्हणून सहभाग घेतला.या गुंतवणूकीमुळे इकोफायच्या वेगळ्या, रिटेल-केंद्रित मॉडेलवरील जागतिक गुंतवणूकदारांचा वाढता विश्वास वाढला आहे.
नवीन वाढीमुळे भांडवल इकोफायला रूफटॉप सोलर, इलेक्ट्रिक वाहने आणि SME फायनान्सिंगमध्ये विस्तार करण्यास मदत करेल. हे सर्व मजबूत बॅलन्स शीट, अनुभवी नेतृत्व, सुदृढ गव्हर्नन्स फ्रेमवर्क आणि उच्च कार्यक्षम, उद्देशपूर्ण संस्कृतीच्या आधारावर साध्य होईल.
स्थापनेपासून केवळ तीन वर्षांत, इकोफायने भारतातील अग्रगण्य रिटेल-केंद्रित ग्रीन फायनान्स प्लॅटफॉर्म उभारला आहे, जो रूफटॉप सोलर, इलेक्ट्रिक वाहने आणि इतर शाश्वत मालमत्ता श्रेणींमध्ये 1,20,000+ ग्राहकांना सेवा पुरवतो. कंपनीने आपले AUM INR 1,400+ कोटींवर नेले आहे, असे कंपनीचे व्यवस्थापकीय संचालक आणि सीईओ राजश्री नाम्बियार यांनी सांगितले.
मजबूत संस्थात्मक गुंतवणूकदारांच्या पाठबळासह आणि भक्कम भांडवल संरचनेच्या आधारे, इकोफाय आपल्या पुढील वाढीच्या टप्प्यात प्रवेश करत आहे. या टप्प्यात कंपनी बँका आणि वित्तीय संस्थांसोबत भागीदारी करून उच्च-गुणवत्तेच्या किरकोळ हरित कर्जपुरवठ्याचा विस्तार करण्यावर लक्ष केंद्रित करणार आहे.
दरम्यान, इकोफाय इलेक्ट्रिक वाहनांसाठी (दोन व तीन चाकी), रूफटॉप सोलार आणि लघु-मध्यम उद्योगांसाठी कर्जपुरवठा करते. एव्हरसॉर्स कॅपिटलच्या पाठबळामुळे शून्य-कार्बन जगाकडे संक्रमणाला गती दे्ण्याचे कंपनीच्या उद्दिष्टाला नवा आयाम मिळणार आहे. आपल्या कार्बन फूटप्रिंट कमी करून पृथ्वीला संतुलन परत मिळवून देऊ इच्छिणाऱ्या व्यक्ती आणि लघु व्यवसायांसोबत ही कंपनी
भागीदारी करते.
