प्लॅटिनमआरएक्सच्या ब्रँडेड-जेनेरिक औषधांच्या पर्यायांमुळे दीर्घकालीन आजार असलेल्या रुग्णांचा दरमहा औषधांवरील खर्च सुमारे 50 ते 60 टक्क्यांनी कमी होत आहे.
भारत, मे 2026 : परवडणाऱ्या ब्रँडेड-जेनेरिक औषधे उपलब्ध करून देणाऱ्या भारतातील सर्वात विश्वासार्ह प्लॅटफॉर्म असलेल्या प्लॅटिनमआरएक्सने मोठा टप्पा गाठला असून देशभरातील 10 लाखांहून अधिक रुग्णांना आपली सेवा दिली आहे. दर्जेदार जेनेरिक पर्याय उपलब्ध करून देत कंपनीने ग्राहकांच्या औषध खर्चात एकूण 128 कोटी रुपयांपेक्षा जास्त बचत केली आहे.
मधुमेह, उच्च रक्तदाब आणि हृदयविकारासारख्या आजारांमुळे लाखो भारतीयांना दरमहा 2,000 ते 5,000 रुपयांपर्यंत औषधांवर खर्च करावा लागतो. या वाढत्या खर्चामुळे 70 कोटींहून अधिक लोक औषधांचे डोस चुकवतात, औषधे पुन्हा घेण्यास उशीर करतात किंवा उपचार अर्धवट सोडतात. ही परिस्थिती बदलण्यासाठी प्लॅटिनमआरएक्सची सुरुवात करण्यात आली.
हा प्लॅटफॉर्म प्रत्येक औषधासाठी एक काळजीपूर्वक निवडलेला आणि उच्च दर्जाचा ब्रँडेड जेनेरिक पर्याय उपलब्ध करून देतो. ही औषधे नामांकित फार्मा कंपन्यांकडून थेट घेतली जातात आणि त्यामध्ये मूळ ब्रँडेड औषधांप्रमाणेच 100 टक्के समान सॉल्ट कॉम्पोझिशन असते. परवानाधारक फार्मासिस्टमार्फत औषधे दिली जातात आणि भारतातील 20 हजारांहून अधिक पिनकोडपर्यंत डिलिव्हरी केली जाते. मोठ्या शहरांमध्ये एका दिवसात, तर इतर भागांत 1 ते 3 दिवसांत औषधे पोहोचवली जातात. या प्लॅटफॉर्मच्या माध्यमातून रुग्ण गुणवत्ता आणि सुरक्षिततेत कोणतीही तडजोड न करता दर महिन्याला औषधांच्या खर्चात 50 ते 60 टक्के बचत करू शकतात.
आशुतोष पांडे, सह-संस्थापक, प्लॅटिनमआरएक्स म्हणाले, “भारतीय रुग्णांचे 128 कोटी रुपये वाचणे हे आमच्यासाठी केवळ आकडेवारी नाही, हे ते पैसे आहेत जे आता कुटुंबांच्या दैनंदिन गरजांसाठी, मुलांच्या शिक्षणासाठी आणि घरखर्चासाठी वापरले जात आहेत. औषधांच्या वाढत्या खर्चामुळे अनेक कुटुंबांवर आर्थिक ताण येतो आणि अनेकदा या गरजा मागे पडतात. आमचा विश्वास आहे की चांगल्या दर्जाची औषधे ही लक्झरी असू नयेत, प्रत्येकाला परवडणाऱ्या किमतीत मिळायला हवीत. आज जवळपास 10 लाख कुटुंबांपर्यंत पोहोचल्यानंतर हा विचार मोठ्या बदलाचे रूप घेत आहे.”
जेनेरिक औषधांच्या बाजारात प्लॅटिनमआरएक्सने आपली वेगळी ओळख निर्माण केली आहे. याची सर्वात मोठी खासियत म्हणजे सोपी आणि विश्वासार्ह व्यवस्था. हे प्लॅटफॉर्म रुग्णांना अनेक पर्याय देऊन गोंधळात टाकत नाही, तर प्रत्येक सॉल्टसाठी फक्त एकच विश्वासार्ह आणि तपासलेला ब्रँडेड जेनेरिक पर्याय उपलब्ध करून देते. त्यामुळे रुग्णांचा विश्वास वाढतो आणि डॉक्टरांनी दिलेल्या महागड्या ब्रँडेड औषधांऐवजी कमी किमतीच्या ब्रँडेड-जेनेरिक औषधांकडे वळणे सोपे होते.
प्लॅटिनमआरएक्सची स्थापना आशुतोष पांडे आणि पियुष कुमार यांनी केली. हे दोघेही अनुक्रमे इंडियन इन्स्टिट्यूट ऑफ टेक्नॉलॉजी दिल्ली आणि इंडियन इन्स्टिट्यूट ऑफ मॅनेजमेंट कोलकाता येथील माजी विद्यार्थी आहेत. भारतात परवडणारी औषधे उपलब्ध असली तरी लोकांमध्ये विश्वास आणि योग्य माहितीची कमतरता आहे, या विचारातून त्यांनी कंपनी सुरू केली. रुग्णांमध्ये ब्रँडेड जेनेरिक औषधांचा वापर 2024 मध्ये 22 टक्के होता, तो 2025 मध्ये जवळपास दुपटीने वाढून 40 टक्क्यांपर्यंत पोहोचला आहे. 2026 अखेरीस हा आकडा 70 टक्क्यांहून जास्त होण्याची अपेक्षा आहे. या आकडेवारीवरून रुग्णांचा ब्रँडेड जेनेरिक औषधांवरील विश्वास हळूहळू वाढत असल्याचे दिसून येत आहे. दीर्घकालीन आजार असलेले रुग्ण दरमहा औषधांच्या खर्चात सरासरी 1,500 रुपयांची बचत
करत आहेत.
