भारतातील आघाडीची टेलिकॉम कंपनी ‘वी’ ने जगातील पहिल्या क्रमांकाचा ऑडिओ स्ट्रीमिंग प्लॅटफॉर्म ‘स्पॉटीफाय’ सोबत एका नवीन भागीदारीची घोषणा आज केली. ‘वी’ चे मजबूत नेटवर्क आणि स्पॉटीफायचा अप्रतिम ऑडिओ स्ट्रीमिंग अनुभव एकत्र आणून, ‘वी’ ग्राहकांना अधिक चांगला फायदा करून देणे हा या भागीदारीचा उद्देश आहे.
आजपासून, ‘वी’ पोस्टपेड ग्राहकांना त्यांचा प्लॅन ॲक्टिव्हेट करताच किंवा सुरू ठेवताच, कोणत्याही अतिरिक्त शुल्काशिवाय संपूर्ण ‘स्पॉटीफाय प्रीमियम’चा आनंद घेता येईल. ग्राहकांना डिजिटल मनोरंजनाचा अधिकाधिक आनंद घेता यावा यासाठी, ‘वी’ आणि ‘स्पॉटीफाय’ आपली भागीदारी आणखी वाढवणार आहेत आणि भविष्यात अशाच नवनवीन ऑफर्स आणणार आहेत.
‘वी’ च्या या नवीन ऑफरमुळे ग्राहकांना रोजच्या रोज उत्कृष्ट डिजिटल अनुभव अधिकाधिक सोप्या पद्धतीने घेता येतील आणि त्यांना सर्वोत्तम कनेक्टिव्हिटीसोबत प्रीमियम लाइफस्टाइल व मनोरंजनाचे फायदे मिळतील. मग प्रवास असो, वर्कआउट असो, आराम करणे असो किंवा फिरणे असो—’वी’ युजर्सना आता त्यांच्या मोबाईलवर त्यांच्या आवडीच्या संगीताचा मनमुराद आनंद घेता येईल. पात्र प्लॅन्सवरील ‘वी’ पोस्टपेड ग्राहकांना आता ३ महिन्यांसाठी स्पॉटीफाय प्रीमियमचे मोफत सबस्क्रिप्शन मिळेल, ज्याद्वारे त्यांना हे लाभ मिळतील:
जाहिरातींचा अडथळा न येता, ऐका १० कोटींपेक्षा जास्त गाण्यांमधून तुमची आवडीची गाणी, अगदी सलग.
ऑफलाईन डाऊनलोड्स: गाणी, प्लेलिस्ट, अल्बम्स आणि ७० लाखांपेक्षा जास्त पॉडकास्ट कधीही आणि कुठेही ऑफलाईन ऐकण्यासाठी सेव्ह करा.
सदा सर्वकाळ उत्तम कंट्रोल: सर्व डिव्हाइसेसवर कोणतेही गाणे प्ले करा, अनलिमिटेड स्किप्सचा आनंद घ्या आणि तुमच्या क्युवर असेल तुमचे पूर्ण नियंत्रण.
हाय-क्वालिटी ऑडिओ स्ट्रीमिंग: ‘स्पॉटीफाय प्रीमियम’ तब्बल ३२० kbps स्ट्रीमिंगसह अतिशय उत्तम ऑडिओ क्वालिटी देते — हा एक असा मोठा फरक आहे जो संगीतप्रेमींपासून ते अगदी सामान्य श्रोत्यांनाही सहज जाणवेल.
या भागीदारीबद्दल बोलताना ‘वी’ चे चीफ मार्केटिंग ऑफिसर अवनीश खोसला म्हणाले, “संगीत हा आमच्या ग्राहकांच्या डिजिटल आयुष्याचा एक महत्त्वाचा भाग आहे. आमच्या ग्राहकांसाठी प्रीमियम म्युझिक आणि ऑडिओचा इतका अप्रतिम अनुभव घेऊन येताना आम्हाला आणि ‘स्पॉटीफाय’ला खूप आनंद होत आहे. गेल्या काही वर्षांत जागतिक पातळीवरील आघाडीच्या कंपन्यांसोबत मिळून आम्ही जे मनोरंजनाचे जग तयार केले आहे, ते या भागीदारीमुळे आणखी समृद्ध होईल. स्पॉटीफायसोबत एकत्र येऊन आम्ही ग्राहकांना उत्कृष्ट कंटेंट देणार आहोत, ज्यामुळे ‘वी’ ही ग्राहकांसाठी पहिली पसंती ठरेल.”
या भागीदारीबद्दल बोलताना ‘स्पॉटीफाय इंडिया’ चे मॅनेजिंग डायरेक्टर अमरजीत बात्रा म्हणाले, “प्रवास करताना, वर्कआउट करताना किंवा आराम करताना—लाखो भारतीयांच्या रोजच्या आयुष्यात संगीत हे अनिवार्य आहे. भारतातील टेलिकॉम क्षेत्रातील आघाडीची कंपनी ‘वी’ सोबतच्या आमच्या या पहिल्याच अनोख्या भागीदारीमुळे, आम्ही देशभरातील गाण्यांच्या आणि पॉडकास्टच्या चाहत्यांसाठी ‘स्पॉटीफाय प्रीमियम’ अधिक सोपे आणि सुलभ करत आहोत. तसेच, यामुळे अधिक ‘वी’ युजर्सना प्रीमियम स्ट्रीमिंगच्या खऱ्या मूल्याचा अनुभव घेता येईल. भारतातील संगीतप्रेमींसाठी हाय-क्वालिटी गाणी ऐकणे आणि त्यावर स्वतःचा पूर्ण कंट्रोल असणे हा एक नवीन ट्रेंड बनावा, हाच आमचा उद्देश आहे. याद्वारे आम्ही केवळ गाणी ऐकण्याचा अनुभवच वाढवत नाही, तर भारतातील कलाकार, क्रिएटर्स आणि संपूर्ण संगीत क्षेत्रासाठी दीर्घकालीन प्रगतीची दारे खुली करत आहोत.”
यापूर्वी कधीही स्पॉटीफाय न वापरलेले पात्र युजर्स ‘वी’ ॲपद्वारे त्यांचे मोफत स्पॉटीफाय प्रीमियम सबस्क्रिप्शन ॲक्टिव्हेट करू शकतील. स्पॉटीफाय प्रीमियम सबस्क्रिप्शन हे ‘वी’च्या ₹४५१, ₹५५१, ₹७५१ आणि ₹१२०१ (REDX) या इंडिविज्युअल पोस्टपेड प्लॅन्सवर, तसेच ₹७०१/₹७५१, ₹८७१, ₹१२०१/₹१३०१, ₹१४०१/₹१५२६ आणि ₹१६०१ (REDX Family) या फॅमिली पोस्टपेड प्लॅन्सवर एक निश्चित फायदा म्हणून उपलब्ध असेल. फॅमिली प्लॅन्ससाठी, हा फायदा फक्त प्रायमरी सदस्यालाच मिळेल.
३ महिन्यांचा हा मोफत कालावधी संपल्यानंतर, ग्राहक ‘वी’च्या सोयीस्कर ‘ॲड टू बिल’ सुविधेद्वारे दर महिन्याला ₹१३९ भरून आपले ‘स्पॉटीफाय प्रीमियम’ सबस्क्रिप्शन पुढे सुरू ठेवू शकतात.
