मुंबई, दि. ६ : वेद, शास्त्र आणि भारतीय संस्कृतीचे अभ्यासक श्री संत गुलाबराव महाराज यांच्या जयंतीनिमित्त मंत्रालयात त्यांच्या प्रतिमेस पुष्पहार अर्पण करून अभिवादन करण्यात आले.
मुख्यमंत्री यांचे प्रधान सचिव श्रीकर परदेशी यांनी श्री. संत गुलाबराव महाराज यांच्या प्रतिमेस पुष्पहार अर्पण करून आदरांजली वाहिली.
यावेळी सामान्य प्रशासन विभागाचे अवर सचिव रामदास कोळेकर, कक्ष अधिकारी निलेश हरड व संदेश उतेकर, तसेच सार्वजनिक बांधकाम विभागाचे सहायक कक्ष अधिकारी विजय शिंदे, अमोल चव्हाण आणि विनोद सोरटे यांनीही श्री. संत गुलाबराव महाराज यांच्या प्रतिमेस पुष्प अर्पण करून अभिवादन केले. मंत्रालयातील अधिकारी व कर्मचारी यावेळी उपस्थित होते.
