मुंबई, 18 जुलै 2026: आयडीबीआय बँक लिमिटेडच्या (IDBI Bank) संचालक मंडळाची आज मुंबईत बैठक झाली आणि 30 जून 2026 रोजी संपलेल्या तिमाहीचे आर्थिक निष्कर्ष मंजूर करण्यात आले.
आर्थिक वर्ष 2026-27 च्या पहिल्या तिमाहीसाठी ऑपरेशन कामगिरी
बँकेने आर्थिक वर्ष 2027च्या पहिल्या तिमाहीत (Q1 FY 27) 2,115 कोटी रुपयांचा निव्वळ नफा नोंदवला आहे, जो आर्थिक वर्ष 2026च्या पहिल्या तिमाहीत 2,007 कोटी रुपये एवढा होता. वार्षिक 5% आणि तिमाहीत 9% वाढ नोंदवली आहे.
ऑपरेटिंग नफा 2,168 कोटी रुपये इतका राहिला.
आर्थिक वर्ष 2026च्या पहिल्या तिमाहीतील ठेवींवरील खर्च 4.84% वरून कमी होऊन आर्थिक वर्ष 2027च्या पहिल्या तिमाहीत 4.59% झाला आहे. यात वार्षिक आधारावर 25 बेसिस पॉइंट्सची (bps) आणि तिमाहीत 1 बेसिस पॉइंटची घट झाली आहे.
आर्थिक वर्ष 2026च्या पहिल्या तिमाहीतील 4.98% च्या तुलनेत, आर्थिक वर्ष 2027च्या पहिल्या तिमाहीत निधीचा खर्च कमी होऊन 4.68% झाला आहे. यात वार्षिक 30 बेसिस पॉइंट्सची आणि तिमाहीच्या तुलनेत 3 बेसिस पॉइंट्सची घट झाली आहे.
निव्वळ व्याज उत्पन्न (मिळालेले व्याज वजा व्याजाचा खर्च) आर्थिक वर्ष 2026च्या पहिल्या तिमाहीतील ₹3,166 कोटींच्या तुलनेत आर्थिक वर्ष 2027च्या पहिल्या तिमाहीत वाढून ₹3,486 कोटी झाले आहे. यात वार्षिक 10% ची वाढ झाली आहे.
निव्वळ व्याज मार्जिन (NIM) 3.61% इतके राहिले.
मालमत्तेवरील परतावा (ROA) 1.89% इतका राहिला. यात गेल्या तिमाहीच्या तुलनेत 14 बेसिस पॉइंट्सची वाढ झाली आहे.
व्यावसायिक वाढ
30 जून 2025 रोजी असलेल्या ₹2,96,782 कोटींच्या तुलनेत, 30 जून 2026 रोजी एकूण ठेवींमध्ये वार्षिक 10% ची वाढ होऊन त्या ₹3,25,757 कोटींवर पोहोचल्या.
30 जून 2025 रोजी असलेल्या ₹1,32,467 कोटींच्या तुलनेत, 30 जून 2026 रोजी कासा ठेवींमध्ये 7% ची वार्षिक वाढ होऊन त्या ₹1,42,162 कोटींवर पोहोचल्या.
30 जून 2026 रोजी कासा (CASA) प्रमाण 43.64% इतके होते.
30 जून 2025 रोजी असलेल्या ₹2,11,907 कोटींच्या तुलनेत, 30 जून 2026 रोजी निव्वळ कर्जांमध्ये (Net Advances) 22% ची वार्षिक वाढ होऊन ती ₹2,58,968 कोटींवर पोहोचली. तसेच, 31 मार्च 2026 रोजी असलेल्या ₹2,53,626 कोटींच्या तुलनेत, निव्वळ कर्जांमध्ये गेल्या तिमाहीच्या तुलनेत 2% ची वाढ झाली.
30 जून 2026 रोजी एकूण कर्ज पोर्टफोलिओमधील कॉर्पोरेट आणि किरकोळ कर्जांचे प्रमाण 30:70 असे होते.
मालमत्तेचा दर्जा
30 जून 2025 रोजीचे 2.93% आणि 31 मार्च 2026 रोजीचे 2.32% यांच्या तुलनेत, 30 जून 2026 रोजी ग्रॉस एनपीए प्रमाण सुधारून 2.30% झाले.
30 जून 2025 रोजीचे 0.21% याच्या तुलनेत, 30 जून 2026 रोजी नेट एनपीए (Net NPA) प्रमाण 0.16% इतके होते.
30 जून 2026 रोजी प्रोव्हिजन कव्हरेज रेशो (तांत्रिक राईट-ऑफ्ससह) 99.31% इतका होता. सप्टेंबर 2023 पासून हा रेशो सातत्याने 99%च्या वर राहिला आहे.
भांडवल परिस्थिती
30 जून 2025 रोजीचे 25.39% आणि 31 मार्च 2026 रोजीच्या 26.65% यांच्या तुलनेत, 30 जून 2026 रोजी CRAR सुधारून 26.92% झाला.
30 जून 2025 रोजीचे 23.71% आणि 31 मार्च 2026 रोजीच्या 25.56% यांच्या तुलनेत, 30 जून 2026 रोजी टियर 1 भांडवल सुधारून 26.38% झाले.
30 जून 2025 रोजी ₹1,92,965 कोटी इतकी असलेली जोखीम-भारित मालमत्ता, 30 जून 2026 रोजी ₹2,30,728 कोटी इतकी होती.
महत्त्वाच्या घडामोडी
आर्थिक वर्ष 2025-26 साठी ‘अटल पेन्शन योजना’ (APY) अंतर्गत नावनोंदणीची वार्षिक उद्दिष्टे पूर्ण करण्यातील उत्कृष्ट कामगिरीची दखल घेत, वित्त मंत्रालयाच्या आर्थिक सेवा विभागातर्फे आयडीबीआय बँकेला “APY ॲन्युअल अवॉर्ड ऑफ अल्टिमेट अचिव्हर” हा पुरस्कार प्रदान करण्यात आला. मे 2026 मध्ये पेन्शन फंड रेग्युलेटरी अँड डेव्हलपमेंट ऑथॉरिटीद्वारे आयोजित एका कार्यक्रमात हा पुरस्कार देण्यात आला; यातून देशभरात आर्थिक समावेशन आणि सामाजिक सुरक्षा उपक्रमांना चालना देण्याबाबत बँकेची वचनबद्धता अधोरेखित झाली.
बँकिंग परिसंस्थेमध्ये नावीन्यपूर्णतेला चालना देण्यासाठी आणि डिजिटल परिवर्तनाला गती देण्यासाठी आयडीबीआय बँकेने ‘आयडीबीआय इनोव्हेट 2026’ या देशव्यापी हॅकाथॉनच्या आयोजनाची घोषणा केली आहे. या उपक्रमांतर्गत, बँकिंग क्षेत्रातील वास्तविक आव्हानांसाठी तंत्रज्ञान-आधारित उपाय विकसित करण्यासाठी देशभरातील स्टार्ट-अप्स, फिनटेक कंपन्या, डेव्हलपर्स आणि नवोन्मेषकांना सहभागी होण्यासाठी आमंत्रित करण्यात आले आहे. या मंचाद्वारे, बँक उदयोन्मुख तंत्रज्ञान आणि नाविन्यपूर्ण विचारांचा उपयोग करून ग्राहकांचा अनुभव वाढवणे, कार्यात्मक कार्यक्षमता मजबूत करणे आणि बँकिंग सेवांच्या भविष्य-सज्ज परिवर्तनास पाठिंबा देऊ इच्छिते.
अंतर्गत लेखापरीक्षण प्रक्रिया अधिक बळकट करण्यासाठी एआय (AI) आधारित ‘i Netra’ प्रणालीचा नावीन्यपूर्ण वापर केल्याबद्दल IDBI बँकेचा “इंटरनल ऑडिट एक्सलन्स अवॉर्ड्स 2026” (Internal Audit Excellence Awards 2026) मध्ये गौरव करण्यात आला. हा सन्मान लेखापरीक्षणाची परिणामकारकता वाढवणे, जोखीम-निरीक्षण सुधारणे आणि नाविन्यावर आधारित अंतर्गत लेखापरीक्षणातील उत्कृष्टतेचे नवीन निकष प्रस्थापित करणे यांसाठी प्रगत तंत्रज्ञानाचा वापर करण्याच्या बँकेच्या कटिबद्धतेवर शिक्कामोर्तब करतो.
