किया कॅरेन्स क्लॅव्हिस ईव्हीने १,१०० हून अधिक युनिट्सचा टप्पा पार केला

किया इंडियाच्या कॅरेन्स क्लॅव्हिस ईव्हीने १,१०० हून अधिक युनिट्सचा टप्पा ओलांडला; रेफेक्स मोबिलिटीसोबत १०० युनिट्सची कॉर्पोरेट फ्लीट भागीदारी
जुलै २०२५ मध्ये लॉन्च झाल्यापासून किया इंडियाच्या कॅरेन्स क्लॅव्हिस ईव्हीच्या १,१०० हून अधिक युनिट्स कॉर्पोरेट फ्लीटमध्ये दाखल झाल्या आहेत.
रेफेक्स मोबिलिटीसोबत १०० कॅरेन्स क्लॅव्हिस ईव्हींच्या फ्लीट तैनातीचा करार करण्यात आला असून, त्यातील पहिल्या वाहनांच्या ताफ्याचे आज किया इंडियाच्या वरिष्ठ अधिकाऱ्यांच्या उपस्थितीत हस्तांतरण करण्यात आले.
वैयक्तिक वापरापुरती मर्यादित न राहता इलेक्ट्रिक मोबिलिटीचा विस्तार कॉर्पोरेट आणि फ्लीट वाहतूक क्षेत्रात करण्याच्या किया इंडियाच्या बांधिलकीला या उपक्रमातून बळ मिळाले आहे.
किया कॅरेन्स क्लॅव्हिस ईव्हीचा
१,१०० हून अधिक युनिट्सचा टप्पा पार
नवी दिल्ली, १७ ऑगस्ट २०२६: भारतातील आघाडीच्या मास-प्रिमियम वाहन उत्पादकांपैकी एक असलेल्या किया इंडियाने त्यांच्या कॅरेन्स क्लॅव्हिस ईव्हीच्या १,१०० हून अधिक युनिट्सचा टप्पा पार केला. स्वच्छ, कार्यक्षम आणि शाश्वत व्यावसायिक वाहतुकीकडे भारताचा वाढता कल अधोरेखित करणारा हा महत्त्वपूर्ण टप्पा आहे.
कंपनीने दिलेल्या माहितीनुसार, जुलै २०२५ मध्ये लॉन्च झाल्यापासून कॅरेन्स क्लॅव्हिस ईव्हीच्या १,१०० हून अधिक युनिट्स कॉर्पोरेट फ्लीटमध्ये तैनात करण्यात आल्या आहेत. यातील पहिल्या वाहनांच्या ताफ्याचे किया इंडियाच्या वरिष्ठ नेतृत्वाच्या उपस्थितीत आयोजित कार्यक्रमात हस्तांतरण करण्यात आले.
किया इंडियाचा विद्युतीकरणाचा दृष्टिकोन केवळ ईव्ही मॉडेल्स सादर करण्यापुरता मर्यादित नसून, इलेक्ट्रिक मोबिलिटी अधिक व्यवहार्य आणि सुलभ करणारी संपूर्ण परिसंस्था उभारण्यावर कंपनीचा भर आहे. कॅरेन्स क्लॅव्हिस ईव्हीमध्ये प्रशस्त जागा, अत्याधुनिक तंत्रज्ञान, आरामदायी सुविधा आणि कार्यक्षम इलेक्ट्रिक पॉवरट्रेन यांचा समतोल साधण्यात आला आहे. त्यामुळे कॉर्पोरेट आणि फ्लीट मोबिलिटीच्या बदलत्या गरजा पूर्ण करण्यासाठी हे वाहन योग्य ठरते.
कियाच्या व्यापक ईव्ही परिसंस्थेत चार्जिंग सुविधा आणि विक्रीनंतरच्या सेवांचा समावेश असून, त्यामुळे ग्राहकांना इलेक्ट्रिक मोबिलिटीकडे संक्रमण करणे अधिक सोपे होते. रेफेक्स मोबिलिटीसोबतची ही भागीदारी किया इंडियाच्या इलेक्ट्रिक मोबिलिटीविषयक क्षमता आणि रेफेक्सच्या फ्लीट व्यवस्थापनातील अनुभवाला एकत्र आणते. यामुळे संस्थांना त्यांच्या दैनंदिन वाहतूक गरजांमध्ये ईव्हीचा समावेश करणे अधिक सुलभ होणार आहे.
या महत्त्वपूर्ण टप्प्याबद्दल बोलताना किया इंडियाचे वरिष्ठ उपाध्यक्ष – विक्री व विपणन, अतुल सूद म्हणाले, “दैनंदिन कॉर्पोरेट वाहतुकीमध्ये इलेक्ट्रिक मोबिलिटी सहजपणे समाविष्ट करता येते, हे दाखवून देणारी रेफेक्स मोबिलिटीसोबतची आमची भागीदारी शाश्वत वाहतुकीच्या दिशेने एक महत्त्वपूर्ण पाऊल आहे. कॅरेन्स क्लॅव्हिस ईव्ही हे फ्लीट ऑपरेशन्ससाठी सक्षम आणि व्यावहारिक वाहन असून, त्यातील प्रशस्त केबिन, आरामदायी आसनव्यवस्था, दीर्घकाळाच्या दैनंदिन वापरासाठी उपयुक्त सुविधा आणि फ्लीटच्या गरजा लक्षात घेऊन दिलेली रेंज यामुळे ते या क्षेत्रासाठी योग्य ठरते. तसेच, प्रगत बॅटरी मॅनेजमेंट सिस्टम कार्यक्षमता आणि सुरक्षिततेला पूरक ठरते.”
ते पुढे म्हणाले, “या क्षमतेची दखल घेत आम्ही कॅरेन्स क्लॅव्हिस ईव्हीचा विस्तार वैयक्तिक ग्राहकांपासून फ्लीट ऑपरेशन्सपर्यंत केला आहे. भारताच्या इलेक्ट्रिक मोबिलिटी संक्रमणात कॉर्पोरेट फ्लीटची भूमिका महत्त्वाची आहे. नाविन्यपूर्ण इलेक्ट्रिक मोबिलिटी सोल्यूशन्स अधिकाधिक ग्राहकांपर्यंत पोहोचवणे आणि भारतासाठी अधिक स्वच्छ, स्मार्ट व जबाबदार मोबिलिटी निर्माण करण्याच्या आमच्या दृष्टिकोनाशी समान ध्येय असलेल्या भागीदारांसोबत काम करणे, यासाठी किया इंडिया कटिबद्ध आहे.”
या भागीदारीबद्दल रेफेक्स मोबिलिटीचे मुख्य कार्यकारी अधिकारी अनिरुद्ध अरुण म्हणाले, “रेफेक्स मोबिलिटीमध्ये आम्ही कार्यक्षम, विश्वासार्ह आणि शाश्वत फ्लीट सोल्यूशन्स विकसित करण्यासाठी कटिबद्ध आहोत. १०० कॅरेन्स क्लॅव्हिस ईव्हींच्या तैनातीसाठी किया इंडियासोबतची आमची भागीदारी उत्कृष्ट ईव्ही उत्पादन आणि ग्राहकांच्या गरजा पूर्ण करण्यासाठी आवश्यक असलेली आमची कार्यक्षम क्षमता यांना एकत्र आणते.”
ते पुढे म्हणाले, “कॅरेन्स क्लॅव्हिस ईव्हीची प्रशस्त जागा, आरामदायी सुविधा आणि इलेक्ट्रिक कार्यक्षमता यामुळे ते दैनंदिन फ्लीट ऑपरेशन्सच्या गरजांसाठी अत्यंत योग्य आहे. त्यामुळे सेवांच्या गुणवत्तेशी कोणतीही तडजोड न करता उद्योगांना विश्वासार्ह आणि शून्य-उत्सर्जन मोबिलिटी सोल्यूशन उपलब्ध करून देणे आम्हाला शक्य होईल. भारतातील अधिक स्वच्छ आणि शाश्वत कॉर्पोरेट मोबिलिटीला चालना देण्याच्या आमच्या सामायिक बांधिलकीच्या दिशेने हे एक महत्त्वपूर्ण पाऊल आहे. भविष्यात किया इंडियासोबत ही भागीदारी आणखी मजबूत करण्यासाठी आम्ही उत्सुक आहोत.”
कॉर्पोरेट ईव्ही मोबिलिटी क्षेत्रातील किया इंडियाचा वाढता विस्तार हा कंपनीच्या ‘Movement that Inspires’ या तत्त्वज्ञानाचे प्रतिबिंब आहे. वैयक्तिक प्रवासाच्या पलीकडे जाऊन समाज आणि पर्यावरणावर व्यापक सकारात्मक परिणाम साधण्याचा कंपनीचा प्रयत्न आहे. भारताच्या स्वच्छ आणि शाश्वत वाहतुकीकडे होणाऱ्या संक्रमणाला पाठबळ देतानाच, इलेक्ट्रिक मोबिलिटी अधिक सुलभ, सोयीस्कर आणि भविष्यासाठी सज्ज करण्यावर किया इंडियाचा भर आहे.