प्रेक्षकांची पसंती मिळालेली ही अँथॉलॉजी सीरिज पुन्हा एकदा महिलांच्या आयुष्यावरील धाडसी आणि भावनिक कथा घेऊन आली आहे.
28 ऑगस्ट, मुंबई – हंगामा ओटीटी वरील हसरतें ही सीरिज चौथ्या सीझनसह पुन्हा प्रेक्षकांच्या भेटीला येत आहे. महिलांच्या इच्छा, धैर्य आणि स्वतःचे आयुष्य नव्याने घडवण्याच्या प्रवासावर आधारित ही सीरिज यावेळी त्यांच्या खासगी आयुष्यातील भावनिक संघर्षांवर अधिक प्रकाश टाकते. पहिल्या तीन सीझनला प्रेक्षकांचा चांगला प्रतिसाद मिळाल्यानंतर, या नव्या सीझनमध्ये महिलांच्या मनातील आणि बंद दरवाजांआड सुरू असलेल्या संघर्षांची अधिक खोलवर कथा दाखवण्यात येणार आहे. शांत आणि संयमी दिसणाऱ्या महिलांच्या मनात असलेली इच्छा, बंडखोरी आणि स्वतःशीच सुरू असलेली झुंज या सीझनमध्ये पाहायला मिळणार आहे.
या सीझनमध्ये एकमेकांशी जोडलेल्या सहा कथा दाखवण्यात आल्या आहेत. या कथांमधून कर्तव्य आणि स्वतःच्या इच्छांमध्ये अडकलेल्या महिलांचा प्रवास पाहायला मिळतो. स्वतःवर लादलेले नियम मोडण्याची, आतापर्यंत मनात दडवून ठेवलेल्या भीतीचा सामना करण्याची आणि आपल्या इच्छा, भावना व्यक्त करून आयुष्य मनापासून जगण्याचा अधिकार पुन्हा मिळवण्याची त्यांची धडपड या कथांमधून दिसून येते.
हसरतें सीझन 4 चा प्रीमियर हंगामा ओटीटी वर 25 ऑगस्टपासून झाला आहे. दर आठवड्याला दोन नवीन भाग प्रदर्शित केले जातील. पहिले दोन भाग ‘छू कर मेरे मन को’ आणि ‘फाइंडिंग व्हॉइस’ हे 25 ऑगस्टला प्रदर्शित झाले. ‘छू कर मेरे मन को’ मध्ये नात्यांमधील तणाव आणि तुटलेली नाती सुधारण्याचे काम करणाऱ्या एका कुशल इंटिमसी थेरपिस्टला तिच्या आयुष्यातील अशा पुरुषाचा सामना करावा लागतो, ज्याने एकेकाळी तिचा आत्मविश्वास आणि स्वाभिमान तोडला होता. या अनुभवातून तिला जाणवते की खरे जवळचे नाते स्वतःवर प्रेम करण्यापासून आणि स्वतःला स्वीकारण्यापासून सुरू होते. ‘फाइंडिंग व्हॉइस’ मध्ये प्रसिद्ध पतीच्या छायेत अडकलेली आणि स्वतःचा आवाज गमावलेल्या गायिकेची कथा आहे. आयुष्यातील सर्व काही गमावल्याच्या रात्री ती तिचा आवाजही गमावते. मात्र, एका अनोळखी व्यक्तीचा तिच्यावरचा विश्वास तिला पुन्हा स्वतःचा आवाज आणि आत्मविश्वास मिळवून देतो.
‘झटपट आरती’ आणि ‘मकान मालिक’ हे भाग 1 सप्टेंबरला प्रदर्शित होतील. ‘झटपट आरती’ मध्ये एका छोट्या घरगुती स्वयंपाकी महिलेची कथा आहे. तिच्या महत्त्वाकांक्षेवर आणि तिच्या कर्तृत्वावर सतत प्रश्न उपस्थित केले जातात. मात्र, ती आपल्या स्वप्नांसाठी आणि स्वाभिमानासाठी लढण्याचा निर्णय घेते. तिच्या आयुष्याचा निर्णय तिच्या ‘पवित्रते’वर नाही, तर तिच्या धैर्यावर ठरते, हे ती सिद्ध करते.
‘मकान मालिक’ मध्ये एका एकट्या आईची कथा आहे. ती शांतपणे आणि खंबीरपणे आपले आयुष्य सांभाळत असते. अनेक वर्षांनंतर पहिल्यांदाच ती कोणावर तरी विश्वास ठेवून आपले मन मोकळे करते. मात्र, ज्या पुरुषावर तिने विश्वास ठेवला, तो दिसतो तसा अजिबात नसल्याचे तिला समजते.
‘रनअवे मदर’ आणि ‘यू आर प्रिटी’ हे भाग 8 सप्टेंबरला प्रदर्शित होतील. ‘रनअवे मदर’मध्ये एका अशा आईची कथा आहे, जी अत्याचारी पतीपासून वाचण्यासाठी तीन वर्षांपासून घरापासून दूर राहते. आता तिला सोडून दिलेल्या त्या घरात परतावे लागते. पुन्हा स्वतःमधील निडर स्त्रीला शोधून ती आपले आयुष्य नव्याने उभे करते आणि अखेर पळत राहणे थांबवते.
‘यू आर प्रिटी’मध्ये पतीकडून अपमानित झालेल्या पत्नीची कथा आहे. पतीने तिला जणू काही ती अस्तित्वातच नाही, अशा प्रकारे दुर्लक्षित केले आहे. मात्र, ती पुन्हा स्वतःच्या शरीरावर, व्यवसायावर आणि स्वतःच्या किमतीवर विश्वास ठेवायला शिकते. त्यानंतर ती स्वतःच्या अटींवर पुन्हा आपल्या आयुष्यात परतते.
हसरतेंच्या चौथ्या सीझनमध्ये अनेक दमदार कलाकारांचा समावेश आहे. यामध्ये निशा रावल, ध्रुव चौधरी, मीरा देवस्थळे, झान खान, आकांक्षा पुरी, रेयांश वीर चड्ढा, चाहत खन्ना, अंश बागरी आणि अमिका शैल हे कलाकार महत्त्वाच्या भूमिकांमध्ये दिसणार आहेत.
या कथेकडे त्या का आकर्षित झाल्या, याबद्दल निशा रावल म्हणाली, “हंगामा ओटीटी वरील ‘हसरतें’च्या आधीच्या सीझनना प्रेक्षकांचा चांगला प्रतिसाद मिळाला होता. त्यामुळे जेव्हा मला चौथ्या सीझनची ऑफर मिळाली आणि विशेषतः ‘रनअवे मदर’ या भागाची कथा ऐकली, तेव्हा मला खूप आनंद झाला. माझ्या भूमिकेत करण्यासारखे खूप काही होते आणि या भूमिकेत अनेक भावनिक प्रसंग होते. मी पहिल्यांदाच वेब सीरिजमध्ये मुख्य भूमिकेत काम करत आहे, त्यामुळे हा अनुभव माझ्यासाठी आणखी खास आहे.”
ध्रुव चौधरी म्हणाले, “हसरतें सीझन 4 खास आहे, कारण या सीरिजमध्ये नात्यांकडे फक्त चांगले किंवा वाईट अशा दोनच बाजूंनी पाहिलेले नाही. प्रत्येक व्यक्तिरेखेमध्ये अनेक पैलू, भावना, कारणे आणि विरोधाभास आहेत. इच्छा, नाती आणि माणसांच्या भावनिक असुरक्षिततेचा इतक्या जवळून आणि संवेदनशील पद्धतीने शोध घेणाऱ्या कथांचा भाग होणे माझ्यासाठी खूप समृद्ध अनुभव होता.”
आपल्या भूमिकेबद्दल आणि आरतीशी असलेल्या नात्याबद्दल मीरा म्हणाली, “‘झटपट आरती’ या वेब सीरिजमध्ये आरतीची भूमिका साकारणे खूप मजेदार होते. आरतीला स्वयंपाकाची खूप आवड आहे आणि ती स्वयंपाकाचे व्हिडिओ बनवते. मलाही खऱ्या आयुष्यात स्वयंपाक करायला खूप आवडतो. स्वयंपाक केल्याने मला आराम मिळतो आणि मला चांगले वाटते. त्यामुळे जेव्हा मला वेळ मिळतो, तेव्हा मी घरी खूप स्वयंपाक करते. शूटिंगच्या वेळी सेटवरही मी स्नॅक्स बनवण्याचा प्रयत्न केला. एकदा मी बेसनाचा चिल्ला बनवला होता आणि माझ्या सहकलाकारांना तसेच दिग्दर्शकालाही तो खूप आवडला.”
झान खान म्हणाले, “हसरतें सीझन 4 मध्ये भावनांचे चित्रण खूप वेगळ्या पद्धतीने करण्यात आले आहे. या कथा धाडसी आहेत, पण मुळात त्या अशा लोकांबद्दल आहेत, जे स्वीकार, प्रेम आणि स्वतःची ओळख शोधत आहेत. माझी व्यक्तिरेखा या प्रवासाला आणखी एक वेगळी बाजू देते. या व्यक्तिरेखेतील विविध पैलू आणिगुंतागुंत समजून घेणे आणि ती साकारताना कलाकार म्हणून काम करणे माझ्यासाठी खूप रोमांचक होते.”
आकांक्षा पुरी म्हणाली, “हसरतें सीझन 4 ची खास गोष्ट म्हणजे या मालिकेत महिलांना वेगवेगळ्या भावना आणि गुणांसह दाखवले आहे. त्या भावनिक, महत्त्वाकांक्षी, चुका करणाऱ्या, उत्साही आणि मजबूत असू शकतात. कधी कधी हे सर्व गुण एकाच वेळी त्यांच्यात असू शकतात. माझ्या व्यक्तिरेखेचा प्रवास स्वतःची किंमत पुन्हा ओळखण्याचा आहे. स्वतःसाठी जगायला सुरुवात करण्यापूर्वी दुसऱ्या कोणीतरी आपली किंमत मान्य करण्याची वाट पाहण्याची गरज नाही, हे तिला समजते.”
रेयांश वीर चड्ढा म्हणाले, “हसरतें सीझन 4 मधील व्यक्तिरेखा अतिशय मानवी भावनांनी प्रेरित आहेत. त्यामुळे त्यांच्या परिस्थिती वेगवेगळ्या असल्या तरी या कथा प्रेक्षकांना आपल्या वाटतात. माझ्या व्यक्तिरेखेत अनेक पैलू आणि गुंतागुंत आहे. ही भूमिका साकारताना मला नाती आणि मानवी वागणुकीची एक वेगळी बाजू समजून घेण्याची संधी मिळाली.”
‘मकान मालिक’मध्ये एकट्या आईची भूमिका साकारणाऱ्या चाहत खन्नाने सांगितले, “हसरतें सीझन 4 ही सीरिज शेवटी महिलांच्या सक्षमीकरणाची आणि त्यांच्या संघर्षातून पुन्हा उभे राहण्याच्या ताकदीची कथा आहे. माझी व्यक्तिरेखा एक एकटी आई आणि कॅफे चालवणारी महिला आहे. ती स्वतंत्र, खंबीर आणि स्वतःच्या अटींवर आयुष्य उभे करण्यासाठी निर्धाराने प्रयत्न करणारी आहे. मात्र, ज्या पुरुषाशी तिने लग्न केले आहे, तो तिच्या समजुतीप्रमाणे नसल्याचे समोर आल्यानंतर तिच्या आयुष्याला अनपेक्षित वळण मिळते. प्रेम, मातृत्व, विश्वासघात आणि स्वतःचा शोध अशा अनेक गोष्टींना सामोरे जाणारी व्यक्तिरेखा साकारणे माझ्यासाठी आव्हानात्मक आणि तितकेच रोमांचक होते.”
अंश बागरी म्हणाले, “हसरतें सीझन 4 मध्ये काम करण्याची मला सर्वात जास्त उत्सुकता यासाठी होती की, या मालिकेत नात्यांकडे पारंपरिक चौकटींपलीकडे पाहण्याचे धाडस केले आहे. या कथांमधील व्यक्तिरेखा परिपूर्ण नाहीत आणि कधी कधी त्यांच्या वागण्याचा अंदाजही येत नाही. त्यामुळे त्या अधिक मनोरंजक वाटतात. प्रत्येक पात्राच्या मनात आणि आयुष्यात अनेक गोष्टी दडलेल्या आहेत. प्रेक्षकांना या गोष्टी हळूहळू समजून घेण्यात नक्कीच मजा येईल.”
अमिका शैल म्हणाल्या, “हसरतें सीझन 4 ही मालिका शेवटी महिलांनी स्वतःचा आवाज आणि स्वतःचे निर्णय पुन्हा मिळवण्याबद्दल आहे. प्रत्येक कथेत महिलांचा भावनिक प्रवास वेगळा आहे, पण सर्व कथांमध्ये एक गोष्ट समान आहे. इतरांच्या अपेक्षांनुसार जगणे थांबवून स्वतःच्या इच्छेनुसार आयुष्य जगण्याचे धैर्य. अशा प्रामाणिक आणि जवळून मानवी भावना मांडणाऱ्या कथेत काम करणे माझ्यासाठी खूप सुंदर अनुभव होता.”
हंगामा ओटीटी बद्दल:
हंगामा डिजिटल मीडिया एंटरटेनमेंट प्रा. लि.चा एक भाग असलेले हंगामा अॅप एकाच प्लॅटफॉर्मवर विविध प्रकारचे मनोरंजन उपलब्ध करून देते. यामध्ये नवीन गाणी, ब्लॉकबस्टर चित्रपट, प्रेक्षकांना खिळवून ठेवणारे ओरिजिनल शो, लोकप्रिय म्युझिक व्हिडिओ आणि प्रसिद्ध पॉडकास्ट यांचा समावेश आहे.
या प्लॅटफॉर्मवर प्रेक्षकांना हॉलीवूड, बॉलिवूड तसेच विविध भारतीय प्रादेशिक भाषांमधील लोकप्रिय आणि गाजलेले चित्रपट वेगवेगळ्या प्रकारांमध्ये पाहता येतात. ओरिजिनल कंटेंटच्या क्षेत्रात प्रवेश केल्यानंतर हंगामा भारतातील डिजिटल कंटेंटची नवी ओळख निर्माण करण्यात महत्त्वाची भूमिका बजावत आहे. हंगामा ओरिजिनल्स \च्या माध्यमातून हा प्लॅटफॉर्म पारंपरिक कथाकथनाच्या चौकटीपलीकडे जाणारे शो तयार करतो आणि डिजिटल प्रेक्षकांसाठी दर्जेदार कथा सादर करतो.
ओरिजिनल कंटेंटसोबतच, हंगामा व्हिडिओच्या लायब्ररीमध्ये इंग्रजी, हिंदी आणि इतर प्रादेशिक भाषांमधील 5,000 हून अधिक चित्रपट उपलब्ध आहेत. याशिवाय 1,500 हून अधिक शॉर्ट फिल्म्सचा मोठा संग्रहही आहे. या लायब्ररीमध्ये विविध भाषांमधील मुलांसाठी आणि टीव्हीसाठी 7,500 हून अधिक तासांचा कंटेंट तसेच संगीत, फिल्म गॉसिप, विनोद, अध्यात्म आणि इतर विविध प्रकारांतील 1.5 लाखांहून अधिक शॉर्ट-फॉर्म व्हिडिओ उपलब्ध आहेत.
हंगामाच्या म्युझिक लायब्ररीमध्ये 3 कोटींहून अधिक गाणी, म्युझिक व्हिडिओ आणि पॉडकास्ट आहेत. हे कंटेंट 20 हून अधिक भारतीय आणि आंतरराष्ट्रीय भाषांमध्ये उपलब्ध आहे. यासोबतच ओरिजिनल कंटेंट, ऑनलाइन रेडिओ चॅनेल्स आणि निवडक प्लेलिस्टही उपलब्ध आहेत. कारमध्ये सहज ऑडिओ स्ट्रीमिंग करता यावे यासाठी हे अॅप अॅपल कारप्ले आणि अँड्रॉइड ऑटो सोबतही जोडलेले आहे.
हंगामाने विविध प्लॅटफॉर्म आणि डिजिटल सेवांवर आपल्या ग्राहकांपर्यंत पोहोचण्यासाठी अनेक पर्याय उपलब्ध करून दिले आहेत. यामध्ये टाटा प्ले बिंग, वॉचो, बीएसएनएल, प्लेबॉक्स टीव्ही, रेलवायर ब्रॉडबँड, एअरटेल एक्सस्ट्रीम प्ले आणि डोर टीव्ही यांचा समावेश आहे.
अधिक माहितीसाठी www.hungama.org येथे भेट द्या.
