पुणे, १८ ऑक्टोबर २०२६: युनिटी कमिटी यांच्या वतीने आयोजित युनिटी करंडक एकदिवसीय क्रिकेट स्पर्धेत आठ संघ सहभागी होणार आहेत. ही स्पर्धा १९ ऑक्टोबरपासून रॉक २७ स्पोर्ट्स अकादमी आणि क्रिकप्लस येथे सुरू होणार आहे.
स्पर्धेचे संचालक राहुल इंगवले आणि बापू तांबे यांनी सांगितले की, स्पर्धेत आर्यन क्रिकेट क्लब, ब्रिलियंट्स, स्केल अप, चंद्रोस क्रिकेट अकादमी, सीएनए, एमजे क्रिकेट अकादमी, आदिनाथ क्रिकेट अकादमी आणि राजे क्रिकेट अकादमी हे संघ आपले कौशल्य पणाला लावणार आहेत.
“युनिटी करंडक एकदिवसीय क्रिकेट स्पर्धेच्या माध्यमातून प्रतिभावान क्रिकेटपटूंना आपले कौशल्य दाखविण्यासाठी आणि दर्जेदार सामन्यांचा अनुभव मिळविण्यासाठी एक चांगले व्यासपीठ उपलब्ध करून देण्याचा आमचा प्रयत्न आहे. आठ संघांच्या सहभागामुळे ही स्पर्धा चुरशीची आणि रंगतदार होईल, अशी आम्हाला अपेक्षा आहे. या स्पर्धेमुळे खेळाडूंमध्ये खिलाडूवृत्ती, सांघिक भावना आणि स्पर्धात्मक दृष्टिकोन वाढण्यास मदत होईल. तसेच उदयोन्मुख क्रिकेटपटूंना आपली गुणवत्ता सिद्ध करण्याची संधी मिळेल,” असे स्पर्धेचे संचालक राहुल इंगवले आणि बापू तांबे यांनी सांगितले.
ही स्पर्धा साखळी आणि बाद पद्धतीने खेळविण्यात येणार असून, सर्व सामने ५० षटकांचे असतील. स्पर्धेतील विजेत्या आणि उपविजेत्या संघांना करंडक देऊन गौरविण्यात येणा
र आहे.
