पुणे, २४ डिसेंबर, २०२४
(क्रीडा प्रतिनिधी)
टीम स्पोर्टिफाय रनिंग ग्रुपने धानोरी ते मुंबई धावण्याच्या शर्यतीचे आयोजन केले होते. या रिले शर्यतीचा उद्देश पुण्यातील चेतना फाऊंडेशन या एन.जी.ओ.मध्ये विशेष गरज असलेल्या विशेष मुलांसाठी निधी उभारणे हा आहे.यापूर्वी संघाने २०२३, २०२२ आणि २०२१ अनुक्रमे धानोरी ते पाचगणी,धानोरी ते जेजुरी आणि धानोरी सिंहगड किल्ला रिले शर्यतीचे आयोजन केले होते.
या शर्यतीत १९ धावपटू होते आणि १७३ किलोमीटर अंतर १८ तासांत पूर्ण केले.या रिले शर्यतीचा मार्ग पुण्यातील धानोरी, विश्रांतवाडी,खडकी, चिंचवड, लोणावळा, खोपोली, पनवेल,वाशी,चेंबूर,गेट वे ऑफ इंडिया मुंबई असा होता.
आकाश होळकर,अरुण अकेला,आशिष पठाडे,हितेश सिरोया,किरण मोरे,कुणाल उपाध्ये, लक्षमीकण्डन,मंगेश थोरात,मनोज कल्याण,नीरज नागर,निखिल राऊत,प्रज्ञा इंगळे,रोहित परदेशी,सत्या उपाध्याय ,शैलेश कोल्हे ,श्वेता खेराज,श्रीकांत नुला, वैभव नेहे, विजय बनसोड या रिले शर्यतीत सहभागी झाले होते.
प्रशिक्षक विजय बनसोड यांनी हा कार्यक्रम यशस्वी करणाऱ्या धावपटू,समर्थक आणि स्वयंसेवकांचे आभार मानले. “धावणे म्हणजे फक्त फिटनेस नाही, समुदायांना एकत्र आणण्याचा आणि फरक करण्याचा हा एक मार्ग आहे,”
टीम स्पोर्टिफाय प्रत्येकाला या उद्देशा साठी योगदान देण्याचे आवाहन करत आहे.देणगी थेट त्यांच्या वेबसाइटवरून दिली जाऊ शकते: https://www.teamsportify.com/donation-for-chetna-foundation/
धावणे आणि तंदुरुस्त प्रकृती राहण्याबद्दल जागरूकता निर्माण व्हावी २०१७ मध्ये धानोरी,पुणे येथे टीम स्पोर्टिफीची स्थापना करण्यात आली.गेल्या सात वर्षांत या ग्रुपने धानोरी,लोहगाव,विश्रांतवाडी, टिंगरे नगर येथील शेकडो लोकांना मोफत प्रशिक्षण दिले आहे.गेल्या वर्षभर विविध क्रीडा कार्यक्रम आयोजित करतो आणि फिटनेस मनोरंजक बनविण्यावर लक्ष केंद्रित करतो.
