पुणे: अंकुरा हॉस्पिटलने, इन्फेक्शन कंट्रोल अकॅडमी ऑफ इंडियाच्या सहकार्याने डॉक्टर तसेच परिचारिकांना संसर्गास प्रतिबंध आणि नियंत्रण मिळविण्याबाबत सक्षम करण्यासाठी विशेष कार्यशाळेचे आयोजन केले होते. या कार्यक्रमात सुमारे ११५ वैद्यकीय कर्मचारी सहभागी झाले होते. यामध्ये संसर्ग नियंत्रण पद्धती, त्यामधील आधुनिकता आणि कौशल्ये, प्रशिक्षण सत्र, प्रात्यक्षिक आणि अभ्यासपूर्ण व्याख्यानांचा समावेश होता.
एखादा संसर्ग हे आरोग्यसेवा क्षेत्रातील एक सर्वात मोठे आव्हान ठरते, ज्यामुळे आरोग्य सुविधांसाठी त्वरित संसर्ग नियंत्रण उपाय अंमलात आणणे आवश्यक आहे. अंकुरा हॉस्पिटलचे बालरोग तज्ज्ञ इंटेन्सिव्हिस्ट डॉ. विश्रृत जोशी आणि अंकुरा हॉस्पिटलचे नवजात शिशु तज्ञ आणि बालरोगतज्ञ डॉ. सिद्धार्थ मदभूशी यांनी सेंट्रल लाईन इन्सर्शन आणि त्याची देखभाल या विषयावर प्रात्यक्षिक सत्राचे आयोजन केले होते. या कार्यशाळेत सहभागींना प्रत्यक्ष अनुभव घेण्यास मदत झाली. आरोग्यसेवेशी संबंधित संसर्ग, केंद्रीय निर्जंतुकीकरण सेवा विभागाचे मॉक ड्रिल, ऑपरेटिंग थिएटर आणि आयसीयूमध्ये संसर्ग प्रतिबंध आणि नियंत्रण, संसर्ग नियंत्रणात परिचारिकांची भूमिका, निदानपुर्व देखभाल आणि व्यावसायिक सुरक्षा सत्रे यातून संसर्ग रोखण्यात आणि रुग्णांच्या सुरक्षिततेला प्रोत्साहन देण्यात त्याची भूमिका कशी महत्त्वाची आहे याविषयी माहिती दिली.
या कार्यक्रमाचे प्रमुख पाहुणे आणि संसर्ग नियंत्रण अकॅडमी ऑफ इंडिया (IFCAI) चे अध्यक्ष डॉ. रंगा रेड्डी बुरी यांनी संसर्ग नियंत्रणाच्या जागतिक आणि भारतीय परिस्थितीवर भाष्य केले आणि संसर्गामुळे संपुर्ण आरोग्यसेवेवर कसा भार पडतो, रुग्णांची संख्या वाढते, रुग्णालयात राहण्याची वेळ वाढते आणि रुग्ण आणि आरोग्यसेवा प्रणालींवर आर्थिक ताण येतो यावर चर्चा केली.
अंकुरा हॉस्पिटलमधील श्री. शिजो एनएस, श्रीमती चित्रा आयसीएन आणि श्रीमती लीना या नर्सिंग टीमने दिलेल्या माहितीनुसार, कोणत्याही रुग्णालयात परिचारिका हा संसर्ग नियंत्रणाचा मुख्य कणा असतो. त्यांनी वेळोवेळी घेतलेली दक्षता, प्रशिक्षण आणि प्रोटोकॉलचे पालन हे संसर्गाचा प्रसार रोखण्यात महत्त्वाची भूमिका बजावते.
नव मातांसाठी, आरोग्यसेवेशी संबंधित संसर्गामुळे शस्त्रक्रियेच्या ठिकाणी होणारे संक्रमण, प्रसुतिपूर्व सेप्सिस किंवा मूत्रमार्गाचे संक्रमण होऊ शकते, ज्यामुळे बरे होण्याचा कालावधी वाढतो. नवजात बालकांमध्ये, नवजात शिशुंमध्ये सेप्सिस, न्यूमोनिया किंवा रक्तप्रवाहासंबंधी संसर्ग यासारख्या संसर्गांमुळे दीर्घकालीन आरोग्य समस्या उद्भवू शकतात. हातांची स्वच्छता राखणे आणि सुरक्षिततेच्या नियमावलीचे पालन करणे यासारख्या योग्य संसर्ग नियंत्रण पद्धती एकत्रित करून, आरोग्यसेवेशी संबंधित संसर्गाची शक्यता लक्षणीयरीत्या कमी करता येते, अशी प्रतिक्रिया मेजर (डॉ.) ज्योत्स्ना वेंकटेश, संसर्ग नियंत्रण सल्लागार, अंकुरा रुग्णालय, पुणे यांनी व्यक्त केली.
या कार्यशाळेत विविध परिचारिका आणि वैद्यकिय तज्ज्ञ उपस्थित होते, ज्यांनी संसर्ग प्रतिबंधक पद्धती शिकण्यासाठी आणि त्यात सुधारण्यासाठी विशेष प्रयत्न केले.
