पुणे दि. १६ : नागरिकांना शासनाच्या विविध योजना उपलब्ध करुन देण्यासाठी तसेच त्यांच्या स्थानिक प्रश्नांची सोडवणूक करण्यासाठी सोमवार १७ मार्च रोजी सकाळी ११ वा. तालुकास्तरीय लोकशाही दिन आयोजित करण्यात आला आहे, अशी माहिती जिल्हाधिकारी जितेंद्र डुडी यांनी दिली आहे.
जिल्ह्यात पुणे शहर- मुंढवा, शिरुर-तहसिल कार्यालय, हवेली-कोंढवे धावडे, लोणी काळभोर- अष्टापूर, पिंपरी चिंचवड-निरगुडी, मावळ-लोणावळा, मुळशी-माले, खेड-वाडा, दौंड-यवत, पुरंदर-जेजुरी, जुन्नर-निमगाव सावा, आंबेगाव-मंचर, भोर-निगुडघर, वेल्हा-कोंढावळे खुर्द, बारामती-लोणी भापकर आणि इंदापूर- बावडा येथे लोकशाही दिन आयोजित करण्यात आला आहे.
नागरिकांचे प्रश्न तालुकास्तरावर मार्गी लावण्याच्या अनुषंगाने लोकशाही दिनाचे आयोजन करण्यात आले असून यामध्ये अधिकाधिक नागरिकांनी आपल्या अडचणी सोडवण्यासाठी सहभागी व्हावे, असे आवाहन जिल्हाधिकारी श्री. डुडी यांनी केले आहे
