क्रिसिलने वेदांता समूहातील कंपन्यांचे रेटिंग AA+ पर्यंत वाढवले

वेदांता लिमिटेड, वेदांता ॲल्युमिनियम आणि वेदांता ऑइल अँड गॅसचे रेटिंग AA+ करण्यात आले.
वेदांता पॉवरच्या गॅरंटीड फॅसिलिटीजचे रेटिंग AA+(CE) पर्यंत अपग्रेड करण्यात आले.
ही रेटिंग वाढ यशस्वी विभाजन, कर्ज कमी करण्याची प्रक्रिया आणि संपूर्ण पोर्टफोलिओमधील विक्रमी नफा दर्शवते.
वेदांता लिमिटेडची एका दशकाहून अधिक काळातील सर्वात मजबूत क्रेडिट स्थिती – २०१४ नंतरचे सर्वोच्च रेटिंग.
मुंबई, १७ जुलै २०२६: क्रिसिल रेटिंग्जने वेदांता लिमिटेड (NSE: VEDL), वेदांता ॲल्युमिनियम (NSE: VAML) आणि वेदांता ऑइल अँड गॅस (NSE: VOGL) यांचे दीर्घकालीन रेटिंग AA+/Stable पर्यंत वाढवले आहे आणि या तिन्ही कंपन्यांना “रेटिंग वॉच विथ डेव्हलपिंग इम्प्लिकेशन्स” मधून वगळले आहे. वेदांता आयर्न अँड स्टीलची (NSE: VISL) उपकंपनी असलेल्या ईएसएल स्टील लिमिटेडचे (ESL Steel Ltd) रेटिंग AA/Stable असेच ठेवण्यात आले आहे, तर वेदांता पॉवरच्या (NSE: VEDPOWER) गॅरंटीड फॅसिलिटीजचे रेटिंग वाढवून AA+(CE) करण्यात आले आहे. हे वेदांता लिमिटेडचे एका दशकाहून अधिक काळातील सर्वात मजबूत क्रेडिट स्टँडिंग असून २०१४ नंतरचे हे सर्वोच्च रेटिंग आहे.
वेदांता लिमिटेड: प्रमुख ताकद, उत्कृष्ट लिव्हरेज प्रोफाईल
झिंक, शिसे (लेड) आणि चांदीचे प्रमुख उत्पादक असलेल्या हिंदुस्तान झिंकमधील ६१% भागभांडवलाच्या जोरावर, वेदांता लिमिटेड अद्वितीय विस्तार आणि भारतातील मार्केट लीडरशिपसह समूहाचा मुख्य आधार आहे. तांबे (कॉपर), निकेल आणि फेरोअलॉईजसह १० क्रिटिकल आणि धोरणात्मक मिनरल ब्लॉक्समध्येही कंपनीची मजबूत उपस्थिती आहे. लिव्हरेजबाबत क्रिसिलने म्हटले आहे की, “कंपनीची आर्थिक स्थिती मजबूत राहिली असून, विभाजित रचनेअंतर्गत ३१ मार्च २०२६ पर्यंत नेट लिव्हरेज ०.७x पर्यंत लक्षणीयरीत्या सुधारले आहे. नियोजित वाढीव कॅपिटल एक्स्पेन्डिचर बावजूद, मध्यम कालावधीत लिव्हरेज १.०x च्या खाली राहणे अपेक्षित आहे.”
एजन्सीने पुढे स्पष्ट केले: “कमी लिव्हरेज, सोबतच हिंदुस्तान झिंकमधून मिळणारे शाश्वत उत्पन्न आणि कॅश फ्लो यामुळे कंपनीची आर्थिक स्थिती मजबूत झाली आहे, आणि तिच्या गुंतवणुकीच्या महत्त्वपूर्ण बाजारमूल्याच्या आधारावर तिची आर्थिक लवचिकता अधिक वाढली आहे.”
वेदांता ॲल्युमिनियम: विक्रमी नफा, मार्केट लीडरशिप
क्रिसिलने “कमी खर्चाच्या ऑपरेशन्ससह देशांतर्गत ॲल्युमिनियम उद्योगातील वर्चस्व” अधोरेखित करत वेदांता ॲल्युमिनियमच्या स्थितीला दुजोरा दिला आहे. तसेच कंपनी देशातील सर्वात मोठी आणि जागतिक स्तरावर (चीन वगळता) तिसरी सर्वात मोठी ॲल्युमिनियम उत्पादक असल्याचे नमूद केले आहे, जिचा देशांतर्गत बाजारात ४८% वाटा आहे.
नफ्यातील लक्षणीय वाढीवर प्रकाश टाकताना एजन्सीने म्हटले: “आर्थिक वर्ष २०२६ मध्ये ऑपरेटिंग नफा विक्रमी उच्चांकावर पोहोचला, कंपनीने २५,२०८ कोटी रुपयांचा EBITDA नोंदवला आहे, जो आर्थिक वर्ष २०२५ च्या तुलनेत ४३% वार्षिक वाढ दर्शवतो.” लिव्हरेजवर, क्रिसिलने असा अंदाज वर्तवला आहे की “आर्थिक वर्ष २०२७ मध्ये नेट लिव्हरेज १ ते १.२५ पटीच्या खाली आणि इंटरेस्ट कव्हरेज रेशिओ ८ पटीच्या वर राहील.”
वेदांता ऑइल अँड गॅस: नेट कॅश, अपवादात्मक आर्थिक ताकद
संपूर्ण पोर्टफोलिओमध्ये वेदांता ऑइल अँड गॅस ही सर्वात मजबूत क्रेडिट्सपैकी एक म्हणून उदयास आली आहे. क्रिसिलने नमूद केले: “विभाजित रचनेअंतर्गत, कंपनीने आर्थिक वर्ष २०२६ मध्ये अंदाजे ४,३५० कोटी रुपयांचा EBITDA नोंदवला आहे. विभाजनानंतर, व्यवसायाला मर्यादित कर्ज देण्यात आले असून तो आता नेट कॅश स्थितीत आला आहे.”
याव्यतिरिक्त, क्रिसिलने पुष्टी केली: “कर्जाची पातळी मोठ्या प्रमाणावर स्थिर राहण्याची अपेक्षा आहे आणि नेट डेब्ट टू EBITDA मध्यम कालावधीत निगेटिव्ह राहण्याची शक्यता आहे,” जे वेदांता ऑइल अँड गॅसची मजबूत रोख निर्मिती आणि शिस्तबद्ध भांडवली वाटप दर्शवते.
वेदांता पॉवर: मजबूत कंत्राटी रोख प्रवाहावर (कॉन्ट्रॅक्टेड कॅश फ्लो) आधारित अपग्रेड
गॅरंटर असलेल्या वेदांता लिमिटेडच्या रेटिंग वाढीमुळे वेदांता पॉवरच्या गॅरंटीड दीर्घकालीन बँक सुविधांचे रेटिंग AA+(CE) पर्यंत अपग्रेड करण्यात आले. क्रिसिलने कंपनीच्या “मजबूत कॉन्ट्रॅक्टेड पोर्टफोलिओ आणि इंधन सुरक्षा व्यवस्थेची ” नोंद घेतली. कंपनीच्या प्रमुख तलवंडी साबो प्लांटने आर्थिक वर्ष २०२६ मध्ये ८३% प्लांट उपलब्धतेची पातळी राखली आहे, जी त्याच्या २५ वर्षांच्या PPA (पॉवर पर्चेस ॲग्रीमेंट) अंतर्गत संपूर्ण निश्चित-शुल्क वसुलीसाठी आवश्यक असलेल्या ८०% च्या मर्यादेपेक्षा अधिक आहे.
संपूर्ण समूहाची आर्थिक लवचिकता
क्रिसिलने समूहाच्या एकूण ताकदीवर भर देताना म्हटले: “वेदांता समूहाकडे झिंक, चांदी, शिसे, ॲल्युमिनियम, तांबे आणि निकेल असा वैविध्यपूर्ण धातूंचा पोर्टफोलिओ आहे. देशांतर्गत ॲल्युमिनियम आणि झिंक व्यवसायातील चांगल्या मार्केट शेअरसह मोठ्या प्रमाणावरील ऑपरेशन्स आणि या श्रेणींमधील किफायतशीर कार्यप्रणाली समूहाचे ऑपरेटिंग प्रोफाइल अधिक मजबूत करतात.”
मूळ कंपनी असलेल्या वेदांता रिसोर्सेसच्या स्थितीबद्दल, क्रिसिलने नमूद केले की “विभाजनानंतर समूहाची आर्थिक लवचिकता लक्षणीयरीत्या सुधारली आहे. विलीन झालेल्या संस्थांमधील वेदांता रिसोर्सेसच्या शेअरहोल्डिंगचे लक्षणीय बाजारमूल्य हे ३० जून २०२६ पर्यंतच्या त्यांच्या निव्वळ कर्जाच्या तुलनेत ५.६ पट मार्केट व्हॅल्यू कव्हरमध्ये रूपांतरित झाले आहे.”