~मेगाफोन-सुसज्ज आठ Q6 V2 ड्रोनद्वारे पंढरपूरकडे जाणाऱ्या 250 किमी मार्गावर गर्दीचे निरीक्षण आणि सार्वजनिक सूचना प्रसारित करण्यास पोलिसांना मदत~
महाराष्ट्र, 24 जुलै 2026: भारतातील अग्रगण्य ड्रोन तंत्रज्ञान कंपनी ideaForge Technology Limited ने आज जाहीर केले की, सुरू असलेल्या पंढरपूर वारीदरम्यान स्थानिक पोलिसांना सहाय्य करण्यासाठी आठ Q6 V2 ड्रोन तैनात करण्यात आले आहेत. यंदाच्या वर्षी 30 लाखांहून अधिक वारकऱ्यांनी सहभाग नोंदविलेल्या या सुमारे 250 किलोमीटरच्या वार्षिक पदयात्रेत गर्दी व्यवस्थापनासाठी या ड्रोनचा वापर करण्यात येत आहे. सलग दुसऱ्या वर्षी ideaForge वारीसाठी हवाई देखरेखीचे समर्थन करत असून, मागील वर्षीच्या यशस्वी तैनातीचा हा पुढील टप्पा आहे.
प्रत्येक ड्रोनला मेगाफोन जोडण्यात आला असून, त्यांचा वापर हवाई देखरेख, गर्दीवर लक्ष ठेवणे तसेच रिअल-टाइम सार्वजनिक सूचना देण्यासाठी केला जात आहे. यामुळे संपूर्ण यात्रा मार्गावर वारकऱ्यांच्या हालचालींचे प्रभावी व्यवस्थापन करण्यास मदत होत आहे.
पंढरपूर वारी ही जवळपास 800 वर्षांची धार्मिक परंपरा असून, दरवर्षी लाखो वारकरी सोलापूर जिल्ह्यातील पंढरपूर येथे भगवान विठ्ठलाच्या दर्शनासाठी सुमारे 250 किलोमीटरची पायी यात्रा करतात. संत ज्ञानेश्वर महाराजांची आळंदीहून निघणारी पालखी आणि संत तुकाराम महाराजांची देहूहून निघणारी पालखी या यात्रेचे मुख्य आकर्षण असून, आषाढी एकादशीच्या दिवशी ही यात्रा पंढरपुरात संपन्न होते. सुमारे 21 दिवस चालणाऱ्या या यात्रेदरम्यान वारकरी अभंग गात, नृत्य करत श्रद्धेने प्रवास करतात. यंदा 30 लाखांहून अधिक वारकऱ्यांच्या सहभागामुळे सुरक्षित आणि सुरळीत व्यवस्थापनासाठी अत्यंत व्यापक समन्वयाची आवश्यकता निर्माण झाली.
तीन आठवडे चालणारी आणि 250 किलोमीटरपर्यंत पसरलेली इतक्या मोठ्या प्रमाणावरील पदयात्रा गर्दी व्यवस्थापनासाठी सातत्याने बदलणारे आव्हान निर्माण करते, जे केवळ स्थिर पायाभूत सुविधांद्वारे हाताळणे कठीण असते. ideaForge चे Q6 V2 ड्रोन यात्रेतील गर्दीच्या हालचालींवर सातत्याने हवाई देखरेख ठेवत आहेत. तसेच त्यावरील मेगाफोन प्रणालीद्वारे पोलिसांना आकाशातूनच तात्काळ सूचना आणि मार्गदर्शन करता येत असून, गर्दीचे नियोजन, वाहतुकीचे नियंत्रण आणि सुरक्षिततेशी संबंधित परिस्थितींना जलद प्रतिसाद देणे शक्य होत आहे.
ही तैनाती ideaForge च्या चॅनेल पार्टनर M/s Bluesky Amida Pvt. Ltd. यांच्या सहकार्याने आणि सोलापूर ग्रामीणचे पोलीस अधीक्षक श्री. अतुल कुलकर्णी यांच्या मार्गदर्शनाखाली करण्यात आली.
या तैनातीसाठी AI-आधारित व्हिडिओ अॅनालिटिक्सची सुविधा Bluesky द्वारे पुरविण्यात आली असून, त्यामुळे लाईव्ह फीडवर स्वयंचलित गर्दी विश्लेषणाची अतिरिक्त क्षमता उपलब्ध झाली आहे. ideaForge आपल्या BlueFire Live प्लॅटफॉर्मद्वारे टेलिमेट्री, बॅक-एंड सर्व्हर इन्फ्रास्ट्रक्चर आणि ड्रोनच्या लाईव्ह स्ट्रीमिंगचे व्यवस्थापन करत असून, संपूर्ण वारीदरम्यान पोलिस नियंत्रण कक्षाला अखंड आणि रिअल-टाइम दृश्य उपलब्ध करून देत आहे.
ही तैनाती भारतातील विविध पोलिस दल आणि सार्वजनिक सुरक्षा यंत्रणांसोबत ideaForge करत असलेल्या सातत्यपूर्ण कामाचा भाग आहे. स्वदेशी ड्रोन तंत्रज्ञानाच्या माध्यमातून देशातील सर्वात मोठ्या धार्मिक कार्यक्रमांचे सुरक्षित आणि सुव्यवस्थित व्यवस्थापन करण्यासाठी कंपनी सातत्याने योगदान देत आहे.
ideaForge Technology Limited चे Assistant General Manager – Sales, श्री. आशेष माथूर म्हणाले,
“इतक्या प्राचीन आणि भावनिक श्रद्धेशी जोडलेल्या यात्रेच्या सुरक्षेसाठी तंत्रज्ञानाने शांतपणे पण प्रभावी भूमिका बजावली पाहिजे. गेल्या वर्षी आम्ही प्रथमच वारीसाठी आमची प्रणाली तैनात केली तेव्हा, दररोज पुढे सरकणाऱ्या या यात्रेसोबत आमची तंत्रज्ञान क्षमता सिद्ध करण्याचा आमचा उद्देश होता. यंदा आम्ही पोलिस विभागाचा विश्वासू भागीदार म्हणून पुन्हा सहभागी झालो. त्यामुळे मार्गाची नव्याने ओळख करून घेण्याऐवजी प्रत्यक्ष देखरेखीवर अधिक लक्ष केंद्रित करता येत आहे. दरवर्षीच्या अनुभवातून यात्रेतील गर्दीची हालचाल, संवेदनशील ठिकाणे, कमी दृश्यमानता असलेले भाग आणि वेळेवर दिलेल्या इशाऱ्यामुळे मदतकार्य किती वेगाने पोहोचू शकते याविषयी अधिक सखोल समज विकसित होत आहे. हेच ज्ञान आमच्यासाठी सर्वात मौल्यवान ठरते. ‘Eyes in the Sky’ या संकल्पनेद्वारे आम्ही या 250 किलोमीटरच्या मार्गावरील प्रत्येक हालचालीवर लक्ष ठेवतो, जेणेकरून लाखो वारकरी सुरक्षितपणे आपल्या श्रद्धेच्या प्रवासाव
र लक्ष केंद्रित करू शकतील.”
