पुणे, दि. २४: पुणे शहरातील वाहतूक सुरक्षित व सुरळीत राहण्याच्या अनुषंगाने पुणे शहर वाहतूक शाखेने यापूर्वी विश्रामबाग वाहतूक विभागांतर्गत काढलेल्या तात्पुरत्या आदेशांवर प्राप्त हरकती व सूचनांचा विचार करुन अंतिम आदेश जारी केले आहेत.
या आदेशानुसार टिळक स्मारक मंदिर प्रवेशद्वाराच्या भिंतीलगत २० मीटर व नारळीकर इन्स्टिट्यूटकडून टिळक स्मारक मंदिरकडे येताना (कुमार स्टेशनरी व झेरॉक्स दुकान) रस्त्याच्या उजव्या बाजूस ५० मीटरपर्यंत नो पार्किंग करण्यात येत आहे.
हे आदेश अग्नीशमन, पोलीस वाहने, रुग्णवाहिका आदी अत्यावश्यक सेवेतील वाहनांसाठी लागू नसतील असेही वाहतूक शाखेचे पोलीस उप-आयुक्त रोहिदास पवार यांनी काढलेल्या आदेशात स्पष्ट करण्यात आले आहे.
0000
