पुण्यातील नॅशनल इन्शुरन्स अकादमी (NIA) ने वार्षिक सीडी देशमुख मेमोरियल सेमिनारचा रौप्य महोत्सवी सोहळा यशस्वीरित्या बाणेर, पुणे येथे आयोजित केला होता. संचालक डॉ. तरुण अग्रवाल यांच्या नेतृत्वाखालील पूर्ण सत्र, “द 2047 क्लेरियन कॉल: इन्शुरन्स फॉर ऑल” या थीमवर केंद्रित होते. तांत्रिक एकात्मता, विमा समस्या आणि नाविन्यपूर्ण व्यत्यय यावर चर्चा झाली. ज्यात मान्यवर श्री सिद्धार्थ मोहंती, चेअरपर्सन LIC ऑफ इंडिया, अध्यक्ष NIA गव्हर्निंग बोर्ड, श्री नीलेश साठे, Life, IRDAI चे माजी सदस्य आणि श्री B.C. पटनायक, Life, IRDAI चे सदस्य, उपस्थित होते.
भारताचे पहिले आरबीआय गव्हर्नर सर चिंतामण द्वारकानाथ देशमुख यांच्याकडून प्रेरित “सर्वांसाठी विमा” या कल्पनेवर चर्चासत्रात लक्ष केंद्रित केले गेले, ज्यांचा आर्थिक बाबतीत सर्वांना समावेश करण्यावर विश्वास होता. विमा मिळवणे हे केवळ एक ध्येय नाही तर प्रत्येकाचे सुरक्षित आणि समृद्ध भविष्य सुनिश्चित करण्याचा एक मार्ग आहे. अधिकाधिक लोकांसाठी विमा उपलब्ध करून देण्याचा पाया हा खूप आवश्यक आहे. जुन्या मार्गांना चिकटून राहण्याऐवजी वाढीच्या अधिक संधी शोधण्यासाठी विमा कंपन्यांनी AI आणि डेटा अनालिसिस सारख्या तंत्रज्ञानाचा वापर करणे आवश्यक आहे. त्यांच्यासाठी सुशासित राहून ग्राहकांमध्ये विश्वास निर्माण करणे देखील महत्त्वाचे आहे, त्यामुळे विमा उद्योग अधिक प्रगत होऊ शकतो आणि वाढू शकतो. अशा अनेक विषयांवर या सेमिनार मध्ये चर्चा झाली.
या वेळी LIC ऑफ इंडियाचे चेअरपर्सन, श्री. सिद्धार्थ मोहंती म्हणाले की, “आर्थिक समावेशाचा एक महत्त्वाचा घटक म्हणून सर्वांसाठी, विशेषत: गरीबांना विमा संरक्षण देण्यावर लक्ष केंद्रित केले आहे. आर्थिकदृष्ट्या असुरक्षित लोकांवर विशेष लक्ष केंद्रित करून सर्वव्यापी विमा संरक्षणाचा विस्तार करणे, ज्यामुळे आर्थिक समावेशनाचा पाया मजबूत करणे हे सार आहे. राष्ट्रीयीकरणानंतरच्या परिस्थितीकडे नेव्हिगेट करत असताना आमचे सर्वात मोठे आव्हान भारताच्या 1.4 अब्ज लोकसंख्येला व्यापक कव्हरेज प्रदान करणे आहे. हे शहरी आणि ग्रामीण क्षेत्रांमधील सतत अंतर, वाढते शहरीकरण आणि पायाभूत सुविधांच्या विकासामुळे उद्भवलेल्या जटिल समस्यांना सामोरे जाण्याची आवश्यकता आहे. कव्हरेजमधील प्रचंड अंतर कमी करण्यासाठी, मी परवडणाऱ्या, लवचिक विमा उत्पादनांच्या विकासास समर्थन देतो.”
टे पुढे म्हणाले की ” विमा कंपन्यांनी नवीन संधींचा लाभ घेण्यासाठी आणि प्रचलित ‘चलता है’ संस्कृतीपासून दूर जाण्यासाठी आणि सतत वाढीच्या संस्कृतीकडे जाण्यासाठी डेटा अनालिसिस आणि आर्टिफिशियल इंटेलिजन्स स्वीकारली पाहिजे. कार्यक्षम प्रशासनाद्वारे विश्वास निर्माण करणे विमा क्षेत्राची वाढ आणि तांत्रिक नवकल्पना मार्गावर सुरू करण्यासाठी आवश्यक आहे”
ही तीन पॅनेल चर्चा पुढील मुद्यांवर आधिरित होती:
आयुर्विमा प्रवेशासाठी तांत्रिक एकीकरण
सिल्व्हर इकॉनॉमीमध्ये विमा समस्या आणि संधी
ग्राहकांच्या सहभागासाठीच्या अभिनव समस्या
आपले विचार मांडताना डॉ. तरुण अग्रवाल, संचालक, नॅशनल इन्शुरन्स अकादमी म्हणाले, “आम्ही सी डी देशमुख मेमोरियल सेमिनारमध्ये आपला रौप्य महोत्सव साजरा करणे म्हणजे हा केवळ मैलाचा दगड नाही; तर विम्यामध्ये क्रांती आणण्याच्या दिशेने हा एक गतिशील प्रवास आहे. काहीतरी नवीन करण्याची इच्छा, चर्चेचा उत्साह आणि सगळ्यांच्या विचारांची उर्जा, विमाच्या पलीकडे असलेल्या भविष्यासाठी आमच्या अथक प्रयत्नांचे प्रतिध्वनित करते प्रत्येक सेमिनारसह, आम्ही आनंदी उद्याच्या दिशेने एक मार्ग तयार करतो, जिथे ‘सर्वांसाठी विमा’ हे केवळ एक ध्येय नसून आनंदी वास्तव आहे, जे जीवनाला स्पर्श करणारे आणि भविष्य सुरक्षित करणारे आहे.”
प्रख्यात वक्त्यांनी 2047 पर्यंत एकूण विमा संरक्षणाच्या उद्देशाने दूरदर्शी विचार मांडले. पॅनेलमध्ये डॉ NKV रूप कुमार, श्री एन जगन्नाथ, श्री राजीव गुप्ता, श्री विनय कुमार शंकरपू, श्री विवेक श्रीवास्तव, श्री नीलेश साठे, श्री दिनेश पंत, श्री सुप्रतीम बंदोपाध्याय, श्री बिकाश चौधरी, आणि श्री एस. व्ही. सुंदर कृष्णन यांचा समावेश होता.
या चर्चासत्राला 200 हून अधिक प्रतिनिधींचा सक्रिय सहभाग लाभला. NIA फॅकल्टी सदस्य श्री. बरुण कुमार खान यांनी एनआयएच्या वारशाचा अभिमान व्यक्त केला आणि सी डी देशमुख सेमिनारसाठी एलआयसी ऑफ इंडियाच्या अतुलनीय समर्थनाची कबुली दिली.
या सत्राला उद्योग क्षेत्रातील दिग्गजांनी दिलेले मौल्यवान मार्गदर्शन कौतुकास्पद होते. याप्रकारे 2047 पर्यंत “सर्वांसाठी विमा” या संकल्पनेची पूर्तता होण्याच्या आशेवर कार्यक्रमाचा समारोप झा
- ला.
