*
पुणे दि. १२ : वाहतूक सुरक्षित व सुरळीतपणे सुरू राहण्याकरीता पुणे शहरातील सिंहगड व येरवडा वाहतूक विभागांतर्गत पार्किंग व्यवस्थेत बदल करण्याचे तात्पुरते आदेश आणि कोरेगाव पार्क वाहतूक विभागांतर्गत अंतिम आदेश जारी करण्यात आले आहेत.
सिंहगड रोड वाहतूक विभागांतर्गत विजयनगर चौक ते चव्हाण शाळेकडे जाणाऱ्या रस्त्यावर उजव्या बाजूस ३० मीटर, विजयनगर चौक ते धायरेश्वर मंदिर व कामठे यांच्या पेट्रोलपंपाकडे जाणाऱ्या रस्त्यावर दोन्ही बाजुस ३० मीटर अंतरापर्यंत, श्री व्यंकटेश वृंदावन सोसायटी, नवले ब्रिजजवळ, बडगाव बु. पुणे च्या गेटपासून उजव्या बाजूस ५० मीटर, भन्साळी कॅम्पस सहकारी गृहरचना मर्या. सोसायटी, वडगाव बु. मेन गेटपासून डावीकडे १५ मीटर व उजवीकडे १५ मीटर तसेच तर येरवडा वाहतूक विभागांतर्गत सेलेब्रियम आयटी पार्क बिल्डींग नं. ३ ते मेरीगोल्ड सोसायटी रोड पर्यंत ४०० मीटरचा रस्ता सर्व प्रकारच्या वाहनांना नो-पार्किंग करण्यात येत आहे.
वाहतूक बदलाबाबत या तात्पुरत्या आदेशाच्या अनुषंगाने नागरिकांच्या काही सूचना व हरकती असल्यास पोलीस उपआयुक्त, वाहतूक नियंत्रण शाखा, येरवडा पोस्ट ऑफिस, बंगला क्रमांक ६, जेल रोड, पुणे यांच्या कार्यालयात २५ फेब्रुवारीपर्यंत लेखी स्वरूपात कळविण्यात याव्यात. नागरिकांच्या सूचना व हरकतीवर विचार करून व अत्यावश्यक सेवेतील वाहने खेरीज करून वाहतूक बदलाबाबत अंतिम आदेश निर्गमित करण्यात येतील, असे पोलीस उपआयुक्त शशिकांत बोराटे यांनी कळविले आहे.
*पार्किंग व्यवस्थेतील बदलांबाबत अंतिम आदेश जारी*
कोरेगाव पार्क वाहतूक विभागाच्यावतीने शहरातील पार्किंगसंदर्भात यापूर्वी काढलेल्या तात्पुरत्या आदेशांवर नागरिकांच्या सूचना विचारात घेऊन ऑक्सफर्ड हॉलमार्क सोसायटी गेट पासून क्लोवर पार्क सोसायटी पर्यंत रस्त्याच्या दोन्ही बाजूस नो पार्किंग, नो हॉल्टिंग करण्याबाबत अंतिम आदेश निर्गमित करण्यात आल्याचेही कळविण्यात आले आहे.
0000
