पुणे, ३ डिसेंबर २०२५ – मेडिकव्हर KLE हॉस्पिटल, पुणे येथे शस्त्रक्रिया गॅस्ट्रोएंटरॉलॉजी विभागाने आणखी एक वैद्यकीय मैलाचा दगड गाठत गुंतागुंतीच्या कोलोरेक्टल शस्त्रक्रियेत यश मिळवले आहे. अवघ्या पाच आठवड्यांपूर्वी प्रसूती झालेल्या ३८ वर्षीय महिलेरुग्णावर करण्यात आलेली लोअर अँटेरियर रिसेक्शन (LAR) ही आव्हानात्मक शस्त्रक्रिया यशस्वीरीत्या पार पाडण्यात आली असून रुग्णाची प्रकृती अत्यंत जलद सुधारली आहे.
रुग्णाचा वैद्यकीय इतिहास अत्यंत गुंतागुंतीचा होता. सप्टेंबर २०२५ मध्ये गर्भधारणेच्या २७व्या आठवड्यात पर्फोरेटिव्ह पेरिटोनायटिसमुळे तातडीची लॅपारोटॉमी करण्यात आली होती. याच वेळी आपत्कालीन लोअर सेगमेंट सिझेरियन सेक्शन (LSCS) तसेच इलिओस्टॉमी करण्यात आली. पुढील तपासणीत गुदाशयात वाढ आढळून आली असून ती ट्युब्युलोव्हिलस अॅडेनोमा विथ इंट्रा-एपिथेलियल निओप्लेसिया असल्याचे निदान झाले.
या गुंतागुंतीच्या स्थितीवर निर्णायक उपचार म्हणून २८ ऑक्टोबर २०२५ रोजी डॉ. राजेकर हर्षल श्याम, वरिष्ठ सल्लागार – हेपॅटोबिलिअरी व ट्रान्सप्लांट सर्जन, तसेच त्यांच्या तज्ज्ञ शस्त्रक्रिया गॅस्ट्रोएंटरॉलॉजी टीमने लोअर अँटेरियर रिसेक्शन (LAR) यशस्वीरीत्या केली.
मोठ्या शस्त्रक्रियेनंतर रुग्णाची प्रकृती उल्लेखनीयरीत्या लवकर सुधारली. रुग्णाला लवकर हालचाल करण्यास सुरुवात झाली, ड्रेन्स कमी झाले आणि स्टोमा योग्यरीत्या कार्यरत होता. उत्कृष्ट पोस्ट-ऑपरेटिव्ह काळजीमुळे रुग्णाला शस्त्रक्रियेनंतर पाचव्या दिवशी म्हणजे २ नोव्हेंबर २०२५ रोजी डिस्चार्ज देण्याची शिफारस करण्यात आली.
डॉक्टरांचे मत:
“गर्भधारणेदरम्यान झालेली आपत्कालीन पोटाची शस्त्रक्रिया आणि त्यानंतरची कोलोरेक्टल समस्या यामुळे हा केस अत्यंत आव्हानात्मक होता,” असे डॉ. राजेकर हर्षल श्याम यांनी सांगितले. “यशस्वी लोअर अँटेरियर रिसेक्शन, शस्त्रक्रियेनंतर अवघ्या पाच दिवसांत रुग्णाची घरी सुटका आणि जलद रिकव्हरी हे मेडिकव्हर KLE हॉस्पिटलमधील तज्ज्ञ टीमच्या समन्वयाचे आणि प्रगत शस्त्रक्रिया क्षमतेचे उत्तम उदाहरण आहे.”
