मुंबई | 4 जुलै, 2026: ॲसेटप्लसने आज ‘हर घर MFD’ या देशव्यापी उपक्रमाची घोषणा केली. म्युच्युअल फंड वितरण अधिक सुलभ आणि सहज उपलब्ध व्यावसायिक संधी बनविणे तसेच इच्छुक आणि विद्यमान म्युच्युअल फंड वितरकांसाठी (MFDs) मोफत ज्ञान आणि शिक्षणाचे व्यासपीठ उपलब्ध करून देणे हा या उपक्रमाचा उद्देश आहे.
या उपक्रमाचे उद्घाटन HDFC AMC चे व्यवस्थापकीय संचालक व मुख्य कार्यकारी अधिकारी नवनीत मुनोट, Kotak Mahindra AMC चे व्यवस्थापकीय संचालक निलेश शाह, Edelweiss Mutual Fund च्या व्यवस्थापकीय संचालक व मुख्य कार्यकारी अधिकारी राधिका गुप्ता, Sundaram Mutual Fund चे माजी व्यवस्थापकीय संचालक व मुख्य कार्यकारी अधिकारी सुनील सुब्रमण्यम, तसेच ॲसेटप्लसचे सह-संस्थापक विश्रांत सुरेश आणि अवनीश राज यांच्या उपस्थितीत करण्यात आले.
भारतातील म्युच्युअल फंड उद्योग सध्या एका महत्त्वपूर्ण टप्प्यात प्रवेश करत आहे. उद्योगाची अॅसेट्स अंडर मॅनेजमेंट (AUM) ₹८१ लाख कोटींच्या पुढे गेली असून, मासिक सिस्टेमॅटिक इन्व्हेस्टमेंट प्लॅन (SIP) द्वारे सुमारे ₹३१,००० कोटींची गुंतवणूक होत आहे. देशभरात गुंतवणूकदारांची संख्या सातत्याने वाढत आहे. मात्र, या वेगाने वाढणाऱ्या गुंतवणूकदारांना सेवा देण्यासाठी सध्या केवळ १.८ लाख म्युच्युअल फंड वितरक कार्यरत आहेत. म्युच्युअल फंड अधिकाधिक भारतीय कुटुंबांपर्यंत पोहोचत असताना, जाणकार आणि सक्षम वितरकांची संख्या वाढविणे ही उद्योगाची महत्त्वाची गरज बनली आहे.
‘हर घर MFD’ हा उपक्रम एका साध्या पण प्रभावी विचारावर आधारित आहे—“प्रत्येक घरात एक MFD, प्रत्येक भारतीय कुटुंबासाठी उज्ज्वल भविष्य.”
या प्रसंगी विश्रांत सुरेश, मुख्य कार्यकारी अधिकारी (CEO) आणि सह-संस्थापक, ॲसेटप्लस म्हणाले,
“भारतातील म्युच्युअल फंड उद्योगाची प्रगती केवळ अधिक उत्पादने, अधिक प्लॅटफॉर्म्स किंवा अधिक व्यवहारांवर अवलंबून राहू शकत नाही. त्यासाठी अशा विश्वासार्ह व्यक्तींचीही गरज आहे, ज्या कुटुंबांना स्पष्टता आणि शिस्तीने योग्य मार्गदर्शन करू शकतील. ‘हर घर MFD’ हा उपक्रम म्युच्युअल फंड वितरणाला संपूर्ण भारतात अधिक दृश्यमान, विश्वासार्ह आणि अर्थपूर्ण उद्योजकीय संधी म्हणून स्थापित करण्याच्या आमच्या वचनबद्धतेचे प्रतीक आहे. आमचे ध्येय केवळ हा उपक्रम सुरू करणे नसून, उद्योगाच्या पुढील वाढीस पाठबळ देणारा वितरकांचा मजबूत पाया उभारणे.”
हर घर MFD संकेतस्थळावर मूळ व्हिडिओ-आधारित शिक्षण मालिका, संपादकीय लेख, बाजारपेठ व नियामक घडामोडींची माहिती, ॲसेटप्लसच्या संशोधन पथकाने तयार केलेले Har Ghar FinSight विश्लेषण, उपयुक्त साधने, कॅल्क्युलेटर्स तसेच कृत्रिम बुद्धिमत्ता (AI) आधारित कंटेंट डिस्कव्हरीची सुविधा उपलब्ध आहे. यामुळे MFDs साठी आवश्यक असलेले सर्व ज्ञान आणि शिक्षणासाठीचे व्यासपीठ एका मोफत डिजिटल व्यासपीठावर उपलब्ध झाले आहे.
या उपक्रमाविषयी अवनीश राज, सह-संस्थापक आणि मुख्य तंत्रज्ञान अधिकारी (CTO), ॲसेटप्लस म्हणाले,
“समस्या माहितीच्या अभावाची नाही; तर उपयुक्त माहिती विविध ठिकाणी विखुरलेली असते, ती शोधणे कठीण जाते आणि एखाद्या MFD ला विशिष्ट वेळी आवश्यक असलेल्या गरजेनुसार ती व्यवस्थित उपलब्ध नसते. ‘हर घर MFD’च्या माध्यमातून आम्ही तंत्रज्ञानाचा वापर करून संबंधित माहिती अधिक सहजपणे शोधता आणि वापरता येईल अशी व्यवस्था तयार करत आहोत. हे व्यासपीठ केवळ स्थिर कंटेंट लायब्ररी नसून, या व्यवसायासाठी सातत्याने विकसित होणारे ज्ञानकेंद्र आहे.”
देशभरातील २१,००० हून अधिक MFD भागीदार, ₹८,००० कोटींहून अधिक अॅसेट्स अंडर मॅनेजमेंट (AUM) आणि १.५ लाखांहून अधिक गुंतवणूकदारांना सेवा देणाऱ्या ॲसेटप्लसने म्युच्युअल फंड वितरकांसाठी आवश्यक पायाभूत सुविधा विकसित करण्यामध्ये सातत्याने गुंतवणूक केली आहे. ‘हर घर MFD’ या उपक्रमाद्वारे कंपनी केवळ व्यवसाय वृद्धीपुरती मर्यादित न राहता, अधिकाधिक लोकांना या व्यवसायाची माहिती मिळावी, नवीन वितरक तयार व्हावेत आणि त्यांना या क्षेत्रात प्रगती करण्यासाठी आवश्यक मार्गदर्शन मिळावे यासाठीही प्रयत्नशील आहे.
ॲसेटप्लसबद्दल
२०१६ मध्ये स्थापन झालेली ॲसेटप्लस ही भारतातील अग्रगण्य डिजिटल वेल्थ मॅनेजमेंट प्लॅटफॉर्मपैकी एक असून ती विशेषतः म्युच्युअल फंड वितरकांसाठी (MFDs) विकसित करण्यात आली आहे. तंत्रज्ञान, गुंतवणूक उपाय, कार्यप्रणालीसाठी सहाय्य आणि व्यवसाय वृद्धीसाठी आवश्यक सुविधा उपलब्ध करून देत हे व्यासपीठ MFDs ना त्यांचा व्यवसाय अधिक प्रभावीपणे व्यवस्थापित आणि विकसित करण्यास मदत करते.
आज ॲसेटप्लस भारतभरातील २१,००० हून अधिक MFDs सोबत भागीदारी करत असून, ₹८,००० कोटींहून अधिक अॅसेट्स अंडर मॅनेजमेंट (AUM) ला पाठबळ देत आहे आणि वितरकांना १.५ लाखांहून अधिक गुंतवणूकदारांना अधिक चांगल्या आणि परिणामकारक सेवा देण्यासाठी सक्षम करत आहे.
