न्यूसेनो (सेनोबामेट) लाँच
मुंबई, १६ सप्टेंबर २०२६६ ६: अल्केम लॅबोरेटरीज लिमिटेडने (बीएसई: ५३९५२३, एनएसई: अल्केम, "अल्केम"
आणि तिच्या उपकंपन्या) आज प्रौढ रुग्णांमधील आंशिक सुरूवातीच्या झटक्यांच्या उपचारांसाठी अँटी-सीझर
मेडिकेशन (एएसएम) न्यूसेनो (सेनोबामेट)च्या लाँचची घोषणा केली.
भारतात प्रथमच उपलब्ध करण्यात आलेले सेनोबामेट अपस्मारच्या (एपिलेप्सी) व्यवस्थापनातील महत्त्वपूर्ण
प्रगती दर्शवते. न्यूसेनो दिवसातून एकदा तोंडावाटे घेण्याचे औषध आहे आणि १२.५ मिलीग्रॅम, २५ मिलीग्रॅम,
५० मिलीग्रॅम, १०० मिलीग्रॅम, १५० मिलीग्रॅम आणि २०० मिलीग्रॅम टॅब्लेट्सच्या स्वरूपात उपलब्ध आहे.
भारतामध्ये अपस्मार हा आरोग्यसेवेवरील मोठा भार आहे आणि जवळपास ९.४ दशलक्ष व्यक्ती या आजाराने
ग्रस्त आहेत. अनेक अँटी-सीझर औषधे उपलब्ध असूनही अधिकाधिक रुग्ण अनियंत्रित झटक्यांचा सामना करत
आहेत. ज्यामुळे त्यांचे स्वावलंबन, दैनंदिन कामकाज आणि एकूण जीवनमानावर मोठा परिणाम होतो.
न्यूसेनो (सेनोबामेट) अद्वितीय दुहेरी कार्यप्रणालीद्वारे कार्य करते. हे औषध मेंदूतील चेतापेशींच्या वारंवार
उत्तेजित होण्यास कारणीभूत ठरणाऱ्या सातत्यपूर्ण सोडियम प्रवाहाला निवडकपणे रोखते, तसेच गॅबा-ए
(GABA-A) रिसेप्टर्सच्या सकारात्मक नियमनाद्वारे मेंदूच्या नैसर्गिक प्रतिबंधात्मक संकेतांना दृढ करते.
सध्याच्या अँटी-सीझर औषधांनंतरही अनियंत्रित फोकल सीझर्सचा त्रास होत असलेल्या प्रौढांच्या यादृच्छिक
वैद्यकीय संशोधनामध्ये पूरक औषध म्हणून सेनोबामेट दिल्याने झटक्यांच्या वारंवारतेमध्ये ७८ टक्क्यांपर्यंत
घट नोंदवली गेली, तर देखभाल टप्प्यात ३० टक्क्यांपर्यंत रुग्ण झटक्यांपासून पूर्णपणे मुक्त झाले.
या लाँचबाबत मत व्यक्त करत अल्केम लॅबोरेटरीज लिमिटेडचे मॅनेजिंग डायरेक्टर संदीप सिंग म्हणाले,
"अपस्मारासह जगणाऱ्या व्यक्ती आणि त्यांची केअरगिव्हर्ससमोर झटक्यांवर प्रभावी नियंत्रण मिळवणे हे मोठे
आव्हान असते. सेनोबामेटमध्ये उपचारांचे परिणाम बदलून अपस्माराचे अधिक प्रभावी व्यवस्थापन करण्याची
क्षमता आहे. अल्केममध्ये आमचा विश्वास आहे की, रुग्णांना प्रगत उपचार पर्यायांचा लाभ मिळायला पाहिजे,
जे अपूर्ण वैद्यकीय गरजा पूर्ण करण्यास मदत करू शकतील. न्यूसेनो (सेनोबामेट) लाँच करून आम्ही रुग्णांच्या
आरोग्याचा दर्जा सुधारण्याच्या आमच्या कटिबद्धतेला अधिक दृढ करतो, ज्यामुळे महत्त्वाचा उपचारात्मक
पर्याय उपलब्ध होईल आणि आंशिक सुरुवातीच्या झटक्यांचा सामना करणाऱ्या प्रौढ रुग्णांसाठी योग्य व
विचारपूर्वक उपचार निर्णय घेण्यास आरोग्य क्षेत्रातील व्यावसायिकांना पाठबळ मिळेल."
अल्केम प्रमुख उपचारात्मक क्षेत्रांमध्ये उच्च दर्जाची आणि परवडणारी औषधे उपलब्ध करून देण्यासाठी, तसेच
भारतातील रुग्णांच्या अधिक चांगल्या आरोग्यसेवेला पाठबळ देण्यासाठी कटिबद्ध आहे.
