*
मुंबई : पुण्यातील काही भागांमध्ये गुलेन बॅरी सिंड्रोम (GBS)या आजाराचे रुग्ण आढळले असून पुण्यातील खडकवासला, नांदेड सिटी नांदेड गाव ,किरकटवाडी या परिसरामध्ये या आजाराचे रुग्ण आढळले आहेत.दूषित पाण्यामुळे या रोगाची लागन झाली असल्याचे प्राथमिक अहवालात दिसून येत आहे.शासकीय दवाखाना मध्ये या आजाराच्या उपचार साठी सर्व यंत्रणा सज्ज असून याबाबत शासन प्राधान्याने उपाययोजना करत आहे.या संदर्भात राज्य शासनाचा आरोग्य विभाग व महापालिकेतील आरोग्य यंत्रणा यांनी आपापसात समन्वय साधन्याचे निर्देश राज्याच्या वैद्यकीय शिक्षण राज्यमंत्री माधुरीताई मिसाळ यांनी दिले आहेत.
गुलेन बेरी सिंड्रोम च्या उपचारासाठी पुणे महानगरपालिकेचे कमला नेहरू रुग्णालय सज्ज असुन वैद्यकीय सहाय्यता निधीची मर्यादा एक लाखाहून दोन लाखापर्यंत वाढवण्यात आली आहे आणि पुणे महानगरपालिकेने याबाबत नोडल अधिकारी यांची नेमणूक केली असल्याची माहिती राज्यमंत्री महोदयानी दिली.या सोबतच पुणे महानगरपालिकेने जवळपास 65 हजार घरांच्या सर्वेक्षण पूर्ण केले असुन IVIG इंजेक्शन ची उपलब्धता करण्यात आली असुन याबाबत नागरिकांनी घाबरून जाऊ नये आणि पानी उकलून प्यावे असे आवाहन राज्यमंत्री माधुरीताई मिसाळ यांनी केले आहे.
