टाटा इनोव्हिस्टा २०२४ या प्रतिष्ठित स्पर्धेत, ४० टाटा समूह कंपन्यांच्या १६,५००+ नामांकनांमध्ये टाटा टेक्नॉलॉजीजने दोन श्रेणींमध्ये विजेतेपद मिळवले – डिझाइन ऑनर आणि इम्प्लिमेंटेड इनोव्हेशन श्रेणींमध्ये पुरस्कार जिंकले.
· टाटा टेक्नॉलॉजीजने डिझाइन ऑनर श्रेणीमध्ये नाविन्यपूर्ण ३-व्हीलर ते २-व्हीलर परिवर्तनीय वाहनाच्या अभिनव संकल्पनेसाठी पुरस्कार जिंकला.
· इम्प्लिमेंटेड इनोव्हेशन श्रेणीमध्ये टाटा टेक्नॉलॉजीजने आपल्या ग्राहकासोबत सह-नवकल्पनेचा पुरस्कार पटकावला, जो व्यावसायिक वाहन (CV) डिलरशिपसाठी जनरेटिव्ह AI-सक्षम विक्री सहाय्यकासाठी होता.
पुणे, मुंबई, दिल्ली, बेंगलुरु, भारत, १६ दिसंबर २०२४: टाटा टेक्नॉलॉजीज, एक आघाडीची जागतिक उत्पाद अभियांत्रिकी आणि डिजिटल सेवा कंपनी, यांना टाटा इनोव्हिस्टा २०२४ च्या १९ व्या आवृत्तीमध्ये दोन प्रतिष्ठित पुरस्कारांनी गौरवण्यात आले आहे. टाटा समूहाच्या वार्षिक नवकल्पना सन्मान कार्यक्रमाच्या माध्यमातून मिळालेल्या या सन्मानाने, टाटा टेक्नॉलॉजीजच्या उत्पादन क्षेत्रातील सर्वांत महत्त्वाच्या आव्हानांना तांत्रिक आणि नाविन्यपूर्ण उपायांद्वारे उत्तर देण्याच्या वचनबद्धतेवर तसेच सर्वांसाठी चांगले जग घडविण्याच्या त्यांच्या दृष्टीकोनावर भर देण्यात आला आहे.
टाटा इनोव्हिस्टा 2024 या प्रतिष्ठित नवकल्पना सन्मान कार्यक्रमात ४० टाटा कंपन्यांनी १६,५०० हून अधिक प्रकल्प सादर करून उत्साही सहभाग नोंदवला. या स्पर्धेतून निवडलेल्या ४९ अंतिम स्पर्धकांमध्ये टाटा टेक्नॉलॉजीजने उल्लेखनीय यश मिळवत डिझाइन ऑनर आणि इम्प्लिमेंटेड इनोव्हेशन या दोन श्रेणींमध्ये पुरस्कार जिंकले. या सन्मानाने कंपनीच्या “कॅन-डू अॅटिट्यूड” (सर्व काही शक्य आहे) आणि “वन टीम विथ कस्टमर्स” (ग्राहकांसोबत एकसंघ कार्यसंस्कृती) या मूलभूत मूल्यांना अधोरेखित करत, ग्राहकांना उत्कृष्ट उत्पादने विकसित करण्यास आणि बाजारपेठेत आघाडी मिळविण्यास मदत करणाऱ्या क्षमतेवर शिक्कामोर्तब केले आहे. पुरस्कारप्राप्त नवकल्पनांकडे एक दृष्टिक्षेप:
डिझाईन ऑनर – टाटा टेक्नॉलॉजीजला ३-व्हीलर ते २-व्हीलर कन्व्हर्टिबल या नाविन्यपूर्ण संकल्पनेसाठी सन्मानित करण्यात आले. या क्रांतिकारी ३-व्हीलर डिझाइनमध्ये सहजपणे २-व्हीलरमध्ये रूपांतर करण्याची क्षमता आहे. या अभिनव उपायामध्ये टिल्टिंग विंडशील्ड आणि द्रुत बॅटरी स्वॅपिंग सारख्या वैशिष्ट्यांचा समावेश असून, ज्यामुळे ग्राहकाला नवीन बाजार विभाग उघडण्याची आणि न वापरलेल्या संधींचे व्यावसायिकरण करण्याची संधी मिळाली आहे.
इम्प्लिमेंटेड इनोव्हेशन – व्यावसायिक वाहन (CV) डिलरशिपसाठी जनरेटिव्ह AI-सक्षम विक्री सहाय्यक तयार करण्याच्या एका ग्राहकासोबतच्या सहकार्याला देखील मान्यता मिळाली. या पुढील पिढीच्या बुद्धिमान डिजिटल प्लॅटफॉर्मने व्यावसायिक वाहन क्षेत्रातील विक्री उत्पादनक्षमता आणि ग्राहक अनुभव अधिक प्रभावी बनवला आहे.
टाटा इनोव्हिस्टा मध्ये दोन पुरस्कार जिंकल्याबद्दल आनंद व्यक्त करताना, टाटा टेक्नॉलॉजीजचे व्यवस्थापकीय संचालक आणि सीईओ वॉरेन हॅरिस म्हणाले: “टाटा इनोव्हिस्टा मधील हा सन्मान आमच्या परिवर्तनशील नवकल्पनांची क्षमता आणि उत्पादन मूल्य शृंखलेमध्ये संभाव्यता नव्याने परिभाषित करण्याच्या आमच्या कौशल्याचा शक्तिशाली पुरावा आहे. ३-व्हीलर ते २-व्हीलर कन्व्हर्टिबलसाठी वापरलेल्या टर्नकी प्रोडक्ट अभियांत्रिकी क्षमतांपासून ते जनरेटिव्ह AI-सक्षम डिजिटल विक्री सहाय्यकासाठी तयार केलेल्या उपायांपर्यंत, या नवकल्पना प्रत्येक समाधानाच्या केंद्रस्थानी सॉफ्टवेअर आणि AI समाविष्ट करण्याच्या आमच्या सातत्यपूर्ण प्रयत्नांचे प्रतीक आहेत. यामुळे आम्ही आमच्या ग्राहकांना पुढील पिढीतील कनेक्टेड, शाश्वत उत्पादने विकसित करण्यात आणि अधिक कार्यक्षमतेसह ऑपरेशनल उत्कृ
